چیلله بایرامیز موبارک اولسون

چیلله بایرامیز موبارک اولسون
نه گؤزلـدیـــر ائـلـیـمیــــزیــن قــایـــدالاری چیلله‌سی وار، چرشنبه‌سی، ایل بایرامی بیزیــم ائلــده هر بیـر زادیــن اؤز یئـری وار چونکــو اونـون یئددی میـن ایل تاریخــی وار Nə gözəldir Elimizin qaydaları Çilləsi var, çərşənbəsi, il bayramı Bizim eldə hər bir zadın öz yeri var Çünkü onun yeddi min illik tarixi var

حضرت رقیه(س)

حضرت رقیه(س)

ایمام حسینین قیزی‌نین زیارتی, بیزی آللاها یاخینلاشدیریر بو کیچیک اوشاغین «شام» شهرینده قویلانماسی, طهارت خانیدانی‌نین اسارتی و اونلارا ظولم اولماسینا مؤحکم ثبوتدور. حضرت رقیه بنت الحسین علیهما السلامین ایندیکی مزاری شام شهرینده اوّلدن مشهوردور, دئیه‌سن حضرت ایمام حسین (ع) شامدا اؤزوندن بیر یادیگار قویوب کی صاباح بیری چیخیب طهارت خانیدانی‌نین اسارتینی و اونا مربوط حادیثه‌لری اینکار ائله‌‌مه‌سین, بو کیچیک قیز, اسیرلر آراسیندا کیچیک قیزلارین اولماسینا, بؤیوک ثبوت ساییلیر. بو کیچیک اوشاغین «شام» شهرینده قویلانماسی, طهارت خانیدانی‌نین اسارتی و اونلارا ظولم اولماسینا مؤحکم ثبوتدور. ائله بیر ظولم کی آدمدن خاتمه قدر بوتون پیغمبرلر اونا آغلاییبلار. اوراجن کی آللاه تعالا حسینین عزاسینی حضرت آدمه اوخودو. بو اوزدن بو یئرین احتیرامی لازیمیدر. اویدورما سؤزلر وار کی دئییر: «رقیه سلام‌الله علیها بالاجا بیر اوشاقدان آرتیق دئییلدی.» مگر حضرت علی اصغر کیچیک اوشاق دئییلدی و او حضرت قیامت گونو شاهید اولاجاق و شیعه‌لرین گوناهلاری‌نین باغیشلانماسینا سبب اولاجاق؟ ان شاء الله تعالى بیز ایمام حسینین قیزینی زیارت ائله‌مکله آللاها یاخینلاشیریق, او قیز کی مظلوم ایدی و خانیدانی‌نین هامیسی مظلومیدی.

یئرکؤکو یئمک سوموک سینما‌نین قاباغین آلار

	یئرکؤکو یئمک سوموک سینما‌نین قاباغین آلار
سنگاپورلی موحقیقلر بیلدیلر کی یئرکؤکو یئمک, کیشیلرده سوموک سینما‌نین قاباغین آلار. Osteoporosis International مجله‌سی‌نین یازدیغینا گؤره, سنگاپور دانیشگاهی‌نین بهداشت ویزارتی موحقیقلری بیر تحقیقده, کارتنویید عاییله‌سیندن اولان ساری میوه و گؤیلر, باره‌سینده تازا بیلگیلر تاپیبلار. کارتنوییدلر یاغدا حل اولان طبیعی رنگ‌وئرنلردیلر کی چوخراق بیتکیلرده, یوسونلاردا و فتوسنتز ائدن باکتریلرده اولارلار. کارتونییدلر میوه‌لر, گوللر و یارپاقلاردا ساری, قیرمیزی و نارینجی رنگلرین عامیلیدیلر. بو تحقیق گؤرسدیر کی یئرکؤکویه تای بتاکاروتنلی میوه و گؤیلری یئمک –کی بدنده A ویتامینینه تبدیل اولور- آریق کیشیلرده اومبا سومویونون سینماسی‌نین قاباغین آلیر و بو بیر حالدادیر کی همن میوه و گؤیلرین خانیملاردا بو تأثیری اولمور. بدنده بتاکاروتن ذخیره‌سی کیفایت قدر اولماسا, مودافیعه سیستمی ضعیفلر و ناخوشلوقلارین قاباغین آلا بیلمز و بئله‌لیکله بدن جور به جور عفونتلر معرضینده اولا بیلر. توت ساری, نارینجی و قیرمیزی اولان میوه و گؤیلرده بتاکاروتن چوخ اولار و اوندان علاوه یاغ و کالوریلری آز اولار. میوه و گؤیون نه قدر قیرمیزی, نارینجی و ساری رنگی توت اولسا, اونون بتاکاروتنی داها چوخدور.

حاضیر جوابلیق 2؛ «متنبّی» * فنون الرد2 " المتنبی "

حاضیر جوابلیق 2؛ «متنبّی» * فنون الرد2 " المتنبی "
بیر کیشی ایستر متنبّینی اوتاندیرسین. اونا دئیه‌ر: سنی اوزاقدان گؤردوم بئله بیلدیم کی آروادسان !!! متنبّی جواب وئریر: من‌ده سنی اوزاقدان گؤروب دئدیم بس کیشیسن !!! *متنبی شاعیر و حکیم بیریسی ایدی فنون الرد2 " المتنبی " أراد رجل إحراج المتنبی فقال لـه: رأیتک من بعید فظننتک امرأة!!! فَرَدَّ المتنبی: وأنا رأیتک من بعید فظننتک رَجُلا

حاضیر جوابلیق 1؛ «منیم کیمی یالان دانیش» * فنون الرد 1 " اکذبی ک

	حاضیر جوابلیق 1؛ «منیم کیمی یالان دانیش» * فنون الرد 1 " اکذبی کما کذبت "
کیشی خانیمی گؤروب دئییر: «سن نه قدر گؤزلسن !» خانیم جواب وئریر: «ائی کاش سن‌ده گؤزل اولایدین کی همن سؤزو سنه دئیه بیله‌یدیم !» کیشی دئییر: «قورخما . . . سن‌ده منه تای یالان دانیش !» فنون الرد 1 " اکذبی کما کذبت " رأى رجل امرأة فقال لها: کم أنتی جمیلة ! فقالت له: لیتک جمیل لأبادلک نفس الکلام ! فقال لها: لا بأس .. اکذبی کما کذبت أنا !

هر زادین ارزیشی وار * کل شئ بقدر !

هر زادین ارزیشی وار * کل شئ بقدر !

کیشی سوسَرینی گؤرور و دئییر: آللاهین بونو یاراتماقدان نه منظورو واریدی؟ نه گؤزل صیفتی وار و نه گؤزل ایگی !! آللاه اونو بیر یارایا موبتلا ائتدی! طبیبلر اونون موعالیجه‌سیندن عاجیز قالدیلار !! طبیب دئدی: منه سوسری گتیرین ! سوسرینی یاندیردی و کولونو یارانین اوستونه قویدو و یارا آللاهین ایذنی ایله توختادی. یارا صاحیبی دئدی: آللاه ایراده ائله‌دی کی منی معاریفلندیرسین کی اَن کیفیر حشره, منیم اوچون اَن عزیز داوا درمان ساییلیر, هله قالسین او زادلار کی جماعت اونلاری تحقیر ائدیر. کل شئ بقدر ! رأى رجل خنفساء ! فقال ما أراد اللّہ بخلقهآ ؟ لا صوره حسنہ ؛ و لا رائحہ طیبه فأبتلاه اللّہ بقرحَه ؟ عجز عنها الأطباء !! فحضر طبیب وقال : آئتونی بخنفساء ! فأحرقها وجعل رمادها على القرحَـہ فبرأ بإذن اللّہ فقال صاحب القرحـہ : أراد اللّہ تعالى أن یعرفنی أن أقبح الحیوانات أعز الأدویہ عندی فما بالنا بمن یحتقر الناس !

ماللا صدرانین موتعالیه حیکمتینده یاشاییشین معناسی

ماللا صدرانین موتعالیه حیکمتینده یاشاییشین معناسی

ماللاصدرانین باخیشیندا یاشاییشین معناسی ایمان کؤلگه‌سینده اله گلر و ایمانین یوخاری مرتبه‌لرینه ال تاپدیقجا داها دا فایدالی و مفهوملو اولار. یاشاییشین معناسی ندیر؟ یاشاییش داش و سو کیمی مادی جوهرلردندیر؟ یوخسا اعراض و خاصیّتلر مقوله‌لریندن و یا ایتّیفاقلار و حادیثه‌لر نوعونداندیر؟ «یاشاییشین معناسی» ترکیبینده «معنا»دان منظور ندیر؟ یاشاییشین هدفیندن منظور, یاشاییشین ایشلنمه‌سی و یا ارزیشیدیر؟ موتعالیه حیکمت, حیکمته دایانان بیر نیظامدیر کی اونون بیناسینی صدرالمتألهین قویوب و اونون شاگیردلر و هم‌فیکیرلری اونو داها دا گئنیشلندیریب تکلمیلدیبلر. وجودون اصالتی, جوهری حرکت, عقل و عاقیل و معقول بیرلیگی, احسن نیظام و . . . موتعالیه حیکمتین اساس ایصطیلاحلارینداندیر. بو اصول و آیری مبنالارین اساسیندا, شعور, حیات و عشق بوتون عالمده جریاندادیر. احسن نیظام بو معنادادیر کی ایلاهی حیکمت باعیث اولور مادی عیلّتلر سیلسیله‌سی ائله دوزولسون کی ایمکان داخیلینده داها چوخ مخلوق کمالاتدان فایدالانسین. یعنی اینسان و دونیایا حاکیم اولان قانونلار, ایمکانی اولان اَن یاخشی نیظام اولسون کی اونون اثرینده اَن چوخ خیر و اَن آز شر, اینسانا شامیل اولسون. آیری سؤزله نیظامین احسن اولماسی, «ایلاهی عینایت» صیفتی‌نین ایقتیضاسیدیر. موتعالیه حیکمتده اینسان اوچون یاشاییش معناسی, حیاتین فلسفه‌سی و آللاهین بشرین خلقیندن اولان هدفینه قاییدیر. ماللاصدرا نفسین مرتبه‌لرینی طبیعی، نباتی، حیوانی و اینسانی ترسیم ائله‌مکله نفسین حرکت و کامیل‌لشمه سیرّینی, ماده‌ده‌کی جوهری حرکتین گئدیشی‌ایله هماهنگ بیلیر کی ماده‌دن باشلاییر و اوندان یوخاری‌یا یئتیشیر و ائله بونا گؤره‌ده معاد و قیامت اینسانین روحونا موحقق اولور. نفسین جوهری حرکتی, هیولایی عقلدن موستفاد عقله چاتماقلا باشا چاتمیر؛ چونکی نفسین معنوی حیاتی‌نین دؤردونجو مرحله‌سی, یعنی فعّال عقل و یا همان روح‌القدس‌‌لا موتصیل اولما مرتبه‌سی, معنوی جذبه‌لری و ایشیق و معریفتدن ایقتیباس ائله‌مگی مویَّسر ائدیر و بو حیاتین معناسیدیر. صدرالمتألهین باخیشیندا ایمان یاشاییش معناسی‌نین اَن موهوم اساسلاریندان ساییلیر. او اینانیر کی ایمان, عقلی بیر ایشیقدیر کی اینسانین نفسی, اونون وسیله‌سیله قوّه و ناقیصلیقدان فعلیّت و کمالا چاتیر و جیسملر و قارانلیق عالمیندن روحلار و ایشیقلار عالمینه یوکسلیر و لقاءاللها چاتماغا ایستعداد تاپیر. ملاصدرا ایمانا یئتیشمک اوچون ایکی بورهان و عینی موکاشیفه‌نی تانیتدیریر. البته تصریح ائدیر کی ایمانی ایشلرین حقیقتی نُبُوّت مشعلیندن ایقتیباس‌سیز و ویلایتین باطینیندن طلب ائتمه‌دن اله گلمز. اونو آختاران اورگینی دونیادان بوشاتمالی و ایچینی تمیزله‌مه‌لیدیر و خلقدن حقه قیریلمالیدیر و دونیا شهوَتلری و ریاستلریندن اوز چئویرمه‌لیدیر. بو اساسدا ماللاصدرا باخیشیندا یاشاییشین معناسی ایمان کؤلگه‌سینده اله گلر و ایمان مرتبه‌لرینده یوکسلمکله داها فایدالی و ارزیشلی اولار.