عینکسیز 3 بوعدلی تیلویزیون دوزلدی

عینکسیز 3 بوعدلی تیلویزیون دوزلدی
آلتینجی دیجیتال رسانه‌لر سرگیسینده عینکسیز اوچ بویوتلو تیلویزیون نوماییشه قویولدو. بو تیلوزیون آمریکانین تاپیشیریغی ایله تایواندا دوزلیب و ایکی 55 اینچ و 46 اینچ سایزلاریندا ساتیشا قویولوب.

سویوق دَیمه موعالیجه‌سی اوچون بیتکی

سویوق دَیمه موعالیجه‌سی اوچون بیتکی

بیر کلینیکی آراشدیرمادا کی اؤز نوعوندا اَن بؤیوک آراشدیرما ساییلیر, ائکینئزیا (کُنی چیچگی) ائلیه بیلر سویوق دَیمه‌نین قارشیسنی آلسین و سویوق دَیماغا استعدادلی اینسانلار اوچون چوخ فایدالیدیر. قاباقکی آراشدیرمالاردا, بو بیتکی, سویوق دَیمه علامتلری‌نین تسکینی اوچون فایدالی بیلینمیشدی آما تازالیقدا کاردیف دانیشگاهی‌نین طبیبلری واسیطه‌سیله اولان آراشدیرما گؤرسدیر کی بو بیتکی‌نین رایج اولان عوصاره سی  Echinaforce ائلیه بیلدی سویوق دَیمه احتیمالینی آزالتسین. 18 یاشدان یوخاری یاشلی اینسانلاردا بو موعالیجه‌نین هئچ جانیبی عاریضه‌سی یوخدور.

یاشاییش اوچون دوز یول سئچ ! * حدد طریق مستقیم لحیاتک !

	یاشاییش اوچون دوز یول سئچ ! * حدد طریق مستقیم لحیاتک !
قارین یاغماسی و قیش موسیمی‌نین باشلانیشی‌ایله باغین هر طرفی آغاردی. اوچ دوست بیر-بیرلری ایله اوینارکن ائشیگه چیخدیلار. اونلارین بیری دئدی: « موسابیقه وئرک‌می؟ قارین ایچینده چکمه‌لریمیزله یول دوزلدک. هر بیریمیز دیوارا دک قار اوستونده یول گئدک, گؤرک کیم تام دوز یول دوزلدیب. اوچلوق, بیر-بیریندن اوزاقلاشدیلار سونرا یئریمگه باشلادیلار و چکمه‌لری ایله قارا چیرپیردیلار. بیرینجیسی گؤردو کی دیواردان تام اولاراق مونحریف اولوب و ایکینجیسی بئله گومان ائله‌دی کی دوز یول دوزلدیب آما دیوارا چاتاندان سونرا چکمه‌ایله دوزلتدیگی یولا باخیب گؤردو کی اوردان بوردان ساغا و سولا مونحریف اولوب. آما اوچونجوسو یولونو تام اولاراق دوز دوزلتمیشدی. اؤز آرالاریندا سوروشدولار کی نیه بیرینجی و ایکینجی دوز یول دوزلده بیلمه‌دیلر و بیرینجی اَیری یول دوزلتدی و ایکینجیسی زیگزال یول و اونلاردان تکجه اوچونحوسو موّفق اولدو. اوچونجو دوست جواب وئردی: سیز آشاغی باخیردیز و گؤزلریز قدملریزده ایدی بونا گؤره یولدان مونحریف اولدوز. آما من گؤزومو اؤنومده‌کی مقصده تیکمیشدیم و گؤزومو ساغا و سولا و آشاغی‌یا چئویرمیردیم ائله بونا گؤره ده یول دوز گلدی. یاشاییشیمیز دا اینسانلار آراسیندا موسابیقه کیمیدیر, سن اؤز یولونو گئد و خالقین سؤزونه فیکیر وئرمه یوخسا غرضلی شاییعه‌لر چالیشیرلار کی آرزیلارینا و مقصدینه چاتماغین قارشی‌سینی آلسینلار . . . یولونو سئچ و دواملی اولاراق اونو باشلا. حدد طریق مستقیم لحیاتک ! مع سقوط الثلج وفى بدایة فصل الشتاء صارت الحدیقة کلها بیضاء،وخرج ثلاثة أصدقاء یلعبون معاً. قال أحدهم، هلم ندخل فى سباق، فنصنع طرقاً بین الثلج بأحذیتنا ،کل منا یسیر على الثلج باستقامة حتى السور، لنرى من الذى یصنع طریقه مستقیماً تماماً. ابتعد الثلاثة عن بعضهم البعض، ثم بدأوا یسیرون ویضغطون بأحذیتهم على الثلج.فجأة وجد الأول نفسه قد انحرف تماماً عن السور والثانى ظن أنه قد صنع طریقاً مستقیماً لکنه بعد أن بلغ السور تطلع إلى الطریق الذى صنعه بحذائه فوجد نفسه قد انحرف من هنا ومن هناک یمیناً ویساراً وأما الثالث فصنع الطریق مستقیماً تماماً. تسألوا فیما بینهم لماذا لم ینجح الأول والثانى فى إنشاء طریق مستقیم إذ صنع الأول طریقاً منحرفاً والثانى متعرجاً،بینما نجح الثالث فى ذلک.وکانت إجابة الصدیق الثالث: "لقد کنتما تتطلعان إلى أسفل وأعینکما على قدمیکما لذا انحرفتما فى الطریق،أما أنا فقد صوبت نظرى إلى الهدف أمامى ولم التفت بنظرى یمیناً أو یساراً،ولا إلى أسفل لذلک جاء الطریق مستقیماً. حیاتنا هى سباق بین البشر فأمضى الى طریقک ولا تلتفت الى کلام الناس والا الى الاشاعات المغرضة التى تحاول النیل منک ومن طموحتک .. حدد هدفک وانطلق إلیه بثبات .

دویو داناسی و حاکیم * حبة الأرز والملک

دویو داناسی و حاکیم * حبة الأرز والملک

اکینچی اربابین یئرینده ایشلرکن دوشوندو . . .من وارلانسام ائلیه بیلرم بیر یئر آلیب اوردا اکینچیلیک ائدم . . . ایستیرم یاشاییشیمدان لذّت آپارام, لذّتلی یئمک یئیه‌م و راحات ائوده یاشایام . . . خیاللارا دالمیشدی کی بیری‌نین سسی گلدی کی قیشقیریردی: «حاکیم جینابلاری گلن هفته بو تارلانین یانینداکی یولدان کئچه‌جکلر, و بوتون اکینچیلر اونو قارشیلاماق و سلاملاماق اوچون سیرایا دوزولمه‌لیدیلر.» اکینچی اؤز-اؤزونه فیکیرلشدی . . .: «بو منیم فورصتیمدیر . . .حاکیمدن قیزیل سیکه‌لر ایسته‌سم او ائلیه بیلر بوتون آرزولاریمی یئرینه یئتیرسین . . . و او منیم ایستگیمی ردّ ائله‌مز چونکی ائشیتدیگیمه گؤره او یاخشی و سخاوتلی حاکیمدیر.» . . .و بئله‌لیکله اکینچی هفته بویو خیال پرورلیک ائتدی . . . و نهایتاً موعود گون گلیب چاتدی و اکینچیلر یولون ایکی یانیندا سیرایا دوزولدولر کی عظمتلی حاکیمی قارشیلاسینلار . . .آتلار چکن فایتون اوفوقده گؤروشنده, ساده اکینچی حاکیمین فایتونونا دوغرو قاچیب و باغیردی: « منیم حاکیم آغام . . .حاکیم آغام . . . سندن بیر ایستگیم وار.» حاکیم امر ائله‌دی کی فایتون دایانسین و اکینچیدن سوروشدو: «نه ایستیرسن؟» اکینچی بَتر اوتانیب دئدی: «بیر تیکه یئر آلماق اوچون بیر آز قیزیل سیکه ایستیرم.» حاکیم گولومسه‌نیب و اکینچی‌یه دئدی: « ایستیرم سن منه بیر شئی وئره‌سن.» اکینچی‌نین اوتانماسی آرتدی و اؤز-اؤزونه دئدی: «بو حاکیمین قیتمیرلیغی چوخ عجیبدیر . . .گئتمیشم اوندان بیر شئی ایسته‌یم کی منه وئرسین, و ایندی او مندن بیر شئی ایستیر.» . . بیر آز فیکیرلشندن سونرا الینده‌کی دولو توربادان بیر دانا دویو گؤتوروب حاکیمه وئردی, حاکیم اوندان تشکور ائدیب امر ائله‌دی کی کروان حرکت ائله‌سین. . . اکینچی اومیدسیز و ناراحات ائوینه قاییتدی, و دویو تورباسینی خانیمینا وئردی کی بیشیرسین . . . حیات یولداشی‌نین چیغیرما سسی گلدی کی : «دویولرین ایچیندن خالیص قیزیلدان اولان بیر دویو داناسی تاپدیم . . .» بو حالدا اکینچی چوخ ناراحاتلیقلا قیشقیردی: «کاش دویونون هامیسینی حاکیمه وئره ایدیم» . . عیبرت: ایسته‌دیگینی اله گتیرمک اوچون مجبورسان الینده‌کی‌نین بیر آزین وئره‌سن.» حبة الأرز والملک بینما کان الفلاح یعمل فى أرض سیده أخذ یفکر...ربما لو کنت أکثر غنى لأمکننى شراء أرض افلحها.. أرید أن استمتع بحیاتى,أکل طعاماً شهیاً و أعیش فى بیت مریح.. افاق من أحلامه على صوت أحدهم یصیح قائلأ:"جلالة الملک سیمر بالطریق الملاصق لهذه المزرعة الأسبوع المقبل,و على جمیع الفلاحین أن یصطفوا لاستقباله و تحیته". فکر الفلاح فى نفسه..."هذه هى فرصتى..ماذا لو طلبت من الملک بعض العملات الذهبیة فهى کفیلة بتحقیق کل أحلامى...و هو لن یرفض طلبی لأنه کما سمعت طیب و کریم"...و هکذا ظل الفلاح یحلم طوال الأسبوع... و أخیراً جاء الیوم الموعود و اصطف الفلاحین على جانبى الطریق لاستقبال الملک العظیم...و إذ بعربات تجرها الخیول تظهر فى الأفق,فجرى الفلاح البسیط نحو العربة الملکیة و أخذ یصرخ:"سیدى الملک..سیدى الملک..لى طلب عندک". أمر الملک بإیقاف العربة و سأل الفلاح:"ماذا ترید؟" ارتبک الفلاح جداً و قال:"أرید بعض العملات الذهبیة حتى اشترى قطعة أرض". ابتسم الملک و قال للفلاح:"إننى أرید أن تعطینى شیئاً من عندک". ازداد ارتباک الفلاح و قال فى نفسه:"عجیب هذا الملک فى بخله..جئت اطلب منه لیعطینى و أذ به هو یطلب منى".. و بعد تفکیر اخرج حبة ارز واحدة من صرة مملوءة کانت فى یده و أعطاها للملک, فشکره الملک و أمر أن ینطلق الموکب مرة أخرى.. عاد الفلاح بخیبة أمل حزیناً إلى بیته, وأعطى زوجته صرة الأرز لتطهیه..و فجاة صرخت زوجته:"لقد وجدت حبة أرز من الذهب الخالص فى وسط الأرز..". و هنا صرخ الفلاح بألم شدید:"یا لیتنى أعطیت الملک الأرز کله".. العبرة : کی تحصل على ما ترید أنت مضطر للتخلی عن بعض ما لدیک.

موسلمانلارین ایسلاما گؤره درین گیراییشلری و غربین چالیشماسی

موسلمانلارین ایسلاما گؤره درین گیراییشلری و غربین چالیشماسی

موسلمانلارین ایسلاما گیراییشلری, مودئرنیته‌نین تأثیری آلتیندا قالمادی و بیر حالدا کی غرب اؤلکه‌لری‌نین چوخوندا کلیسالار باغلانیر, همن اؤلکه‌لرده چوخلو موسلمان ناماز جومعه‌ده حاضیر اولورلار و دیقّته لاییق معنویّتی نوماییشه قویورلار. غربلی‌لرین ایسلاما گؤره منفی باخیشلاری‌نین تاریخی, اونلارین ایسلاملا جیدّی صورتده اوزلشماقلاری گونلره قاییدیر. بو اوزلشماق ایکینجی عصرده و او گونون ایسپانیاسیندا باش وئردی و اونلارین ذهنینده ناقیص و ایشتیباه بیر تصویر یاراتدی. نظره گلیر کی یهودیلر و مسیحیلرین, دوز معلوماتلاری اولمایان چوخ گوجلو آیری بیر دینله اوزلشماقلاری, ایسلام ظهوری‌نین ایجتیماعی و سیاسی ویجهه‌سی‌نین جیدّی اولماسیندا موهوم رول اوینور؛ کی البته قورآنین بویوردوغونا گؤره بو مسأله‌ده یهودیلر داها آرتیق خصومت و دوشمن‌چیلیک نیشان وئردیلر. طبعاً تانیشلیغین اولماماسی و اوندان علاوه اؤزونو یوخاریدا و اوستون گؤرمک بئله بیر دوشونجه یاراتدی کی مسیحیّتدن یوخاری معنویّت و دوشونجه اولا بیلمز. ائله بونا گؤره اونلار بئله دوشونورلر کی ایسلام غیر موستقیل بیر دین و فقط مسیحیتین نامربوط و بدل نوسخه‌سیدیر. ایسلامدان قورخو کی اونون جذابیّتی و منطیقی قارشیسیندا, بیر جور خباثته آلوده اولموشدو باعیث اولدو پیغمبرین (ص) زوجه‌لری‌نین چوخلوغو کیمی بعضی خصوصیّتلرینی بهانه ائدیب و بو زاویه‌دن اهانتله قاریشیق اینتیقادا ال وورالار. کارن آرمسترانگین muhammad a biography of the prophet آدیندا بیر کیتابی وار کی مسیحیّتین ایسلاملا ایلک اوزلشمه‌سی و او زمان پیغبره(ص) ائتدیکلری توهینلر باره‌ده بیر گوزاریشدیر. غالیبی موسلمانلار اولان صلیبی جنگلرده, ایسلام و مسیحیّتین سیاسی اوزلشمه‌لرینده, کلیسا اربابی موسلمانلارا نیفرتین چوخالماسی یولوندا چالیشمالاری, اوروپانین عثمانلی ایمپراتورلوغو طرفیندن اوزون مودّت تهدیدی (ائله کی بیر مقطعده ایمکانی واریدی اوروپانین بوتونلویو عثمانلی طرفیندن فتح اولا), اوروپالیلار ایچینده موسلمانلارا نیسبت بیر جور قورخو یاراتدی. ایسلامین ظهوری کلیسانین اوروپایا حاکیم اولدوغو اورتا عصرلرده باش وئردی. طبیعتاً هر دین کی بو مسیحیتین قارشیسیندا باش قالدیرسا ایدی بیر رقیب کیمی تانیناردی کی گرک منطیق و ایستیدلال یولیله و بونلار جواب وئرمه‌سه توهین و گوجله, او دین میداندان قوغولسون. آما کلیسا کی منطیق و عقل یولیله ایسلام قارشی‌سیندا دایانا بیلمه‌دی, قاباغا گئتدیکجن بو موقابیله‌یه سیاسی رنگ وئردی و اونو اوروپالیلارین ذهنینده بیر تاریخی ذهنیّته چئویردی. البته بو ذهنیّت یایقین و هامی اوچون دئییل. علم و موطالیعه اهلی اولانلار, واقعیّتلردن خبرلری وار. غرب دونیاسیندا یاشایان موسلمانلارین چوخو اصالتاً غربلی‌دیلر و بو موسلمانلارین تکجه بیر بؤلومونو موهاجیرلر تشکیل ائدیر. اولا بیلر 50 ایله‌دک اوروپالیلارین بؤیوک قیسمینی موسلمانلار تشکیل وئرسینلر. غربلیلر ایندیدن فیکره دوشوبلر کی موسلمانلارین حساسیّتینی آزالتسینلار و پیغمبرین(ص) شخصیّتینه توهین ائله‌مکله اونو سیندیرسینلار کی بلکه بو گئدیشین قارشیسی آلینسین.

قازلی ایچکیلر اینسانی کؤکلدر

قازلی ایچکیلر اینسانی کؤکلدر

قازلی ایچکیلری باعیث اولار چاقلیق ژنلری فعال اولسون و اینسان کؤکلسین. آراشدیرماچیلار بونو کشف ائدیبلر کی بیزیم ژنلریمیز یاشاییش موحیطی ایله موتناسیب فعال و یا غیر فعال اولور. تازا بیر آراشدیرمانین نتیجه‌لری گؤرسدیب کی بو مسأله چاقلیقدا دا صادیقدیر. آمریکا هاروارد دانیشگاهی‌نین عمومی ساغلاملیق موحقیقلری ژنتیکی پوتانسیل‌لر, چاقلیق و قازلی ایچکیلرین رابیطه‌سینی آراشدیریبلار. بو آراشدیرمادا 28000 نفر خانیم و 4400 نفر کیشی شیرکت ائدیب. موحقیقلر بو نتیجه‌یه چاتدیلار کی قازلی ایچکیلرین مصرفی چوخالدیقجان نظره گلیر کی چاقلیق ژنلری فعال‌لاشیر و چکی‌نین چوخالماسینا باعیث اولور. قازلی ایچکیلری گونده ایچمک چاقلیغا موبتلا اولماق احتیمالینی 5 برابر ائلر. البته آراشدیرماچیلار هله توضیح وئره بیلمیرلر کی ایچکیلر بیزیم ژنلریمیزه نئجه تأثیر قویور آما بعضی آراشدیرماچیلار «فروکتوز»-ون(بیر جور قند) متابولیسمینده‌کی دگیشمه‌لری بو وضعیّتین عامیلی بیلیرلر. آراشدیرماچیلار بوندان قاباق‌دا فروکتوزو چاقلیغا باعیث اولان سبب کیمی تانیتدیرمیشدیلار.

تاماهکار جوان قیز * الفتاة الطماعة

تاماهکار جوان قیز * الفتاة الطماعة

جوان قیز بیر کیشی ایله پیادا کئچیتده قدم ووروردولار ! بو حینده مؤحتشم بیر ماشین اونلارین یانیندا ساخلادی  . . . جوان قیز کیشیدن آیریلیب تئز مؤحتشم ماشینا دوغرو گئتدی !! کیشی اونا دئدی: هارا گئدیرسن ؟ قیز دئدی: اونون وار-دؤولتی سندن چوخدور و من اونونلا گئدیرم ماشینین قاپیسینی آچدی و قاباق اوتوراجاقدا اوتوردو و کیشینی پیادا کئچیتده تک بوراخدی . . ماشین سوروجوسو اونا دئدی: من سنه گؤره دایانمادیم !! -          پس اوندا کیمه گؤره دایاندین ؟ سوروجو دئدی: من سنین یانینداکی کیشی‌یه گؤره دایاندیم او بو ماشینین ییه‌سیدیر, و من اونون سوروجوسویم . . . !!!!!!! الفتاة الطماعة کانت فتاه تمشی مع رجل على الرصیف! واذا بسیارة فاخرة تتوقف بجانبهم ...فترکت الفتاة الرجل و ذهبت مسرعة الى السیارة الفاخرة !! فقال لها الرجل لها :الى این تذهبین ؟ فقالت: انه اکثر منک مالاً وأنا ذاهبة معه فتحت باب السیارة ورکبت فى المقعد الأمامى و ترکت الرجل و حیدا على رصیف الشارع ،، فقال لها سائق السیارة : انا لم اتوقف لاجلک!! -          ولمن توقفت إذا ؟ فقال سائق السیارة لها : انا توقفت للرجل الذی کان واقف ٌ بجانبک أنه صاحب هذه السیارة , وأنا سائقه الخاص ......!!!!!!!!!!!

آتا آنا اعتیادی‌نین اوشاقلاردا بوراخان تأثیری

	آتا آنا اعتیادی‌نین اوشاقلاردا بوراخان تأثیری
عاییله عضولری‌نین سیقار, موخدیره مادّه‌لر و ...اعتیادی اوشاقلارا اثر قویور. هر چند بیر نفرین اعتیادیندان عاییله‌نین بوتون عضولری ناراحات اولارلار, آما اونون منفی تأثیری اوشاقلارا داها چوخ اولار. بو اوشاقلار ائوده هرکی-هرکیلیک و اؤندن‌ بللی اولمایان شراییطله اوز به اوزدولر و بو مسأله اونلارین ایندیکی و گله‌جک یاشاییشلاریندا موشکول یارادار. آتا آناسی مؤعتاد اولان اوشاقلار بو موشکول‌لرله اوز به اوز اولارلار: اؤرگشمه گوجونون آزالماسی, فیزیکی ناخوشلوقلار, روحی ناخوشلوقلار, چاقلیق و اطرافا گؤره دیقّتین آزالماسی اوشاغین کیرداریندا منفی تأثیر آتا آنانین اعتیادی اوشاغین کیرداریندا پیس تأثیر قویار کی اونلارین بعضی‌سینه ایشاره ائدیریک: مؤعتادلارین یاشاییشی عادی اینسانلارلا چوخ فرقلی اولور. بوجور عاییله‌لرده اوشاقلار ائوده خشونت, جیسمی و جینسی سوءایستیفاده, روح دوشگونلویو, روحی ناخوشلوقلار, طلاق و . . .زادلارا شاهید اولورلار و اونلاردا بو ایشلری گؤرماغا تمایول, چوخ اولار و شیدتلی صورتده ایضطیراب, روح دوشگونلویو و حتّا اینتیحار معرضینده اولارلار. اکثر زمانلار اونلارین بو رفتارلاری ائودن ائشیگه‌ده مونتقیل اولار و اونلار اؤز یاشیتلاری‌ایله چوخ چتین رابیطه قورا بیلرلر و معمولاً غیر ایجتیماعی و اوتانجاق افرادا تبدیل اولارلار. اوشاقلیق دؤره‌سینی یاددان چیخارتماق وضعیت چوخ پیس اولان زمان, آتا آنا اوشاغین اساسی ایستکلرینه دیقّت ائله‌مزلر و اونلار مجبور قالارلار مدرسه‌نی بوشلاییب و برنامه‌سیز یاشایالار. بعضاً بالاجا کیشیلره و خانیملارا چئوریلرلر کی مجبوردولار عاییله‌نین و یا کیچیک باجی قارداشین مسئولیّتینی بویونلارینا آلالار. گوناه حیسّی بعضاً آتا آنا اوشاغین اوستونه قیشقیراندا, او اؤزونو ائوین بوتون حادیثه‌لرینه گؤره گوناهلی بیلیر. بو حیسّ اونون گله‌جکده‌کی رفتارلارینا اثر قویور. آتا آنانین دیقّتسیزلیگی چوخ واختلار حتّا آتا آنانین فقط بیری مؤعتاد اولاندا, آتا و یا آنا اوشاغا کیفایت قدر دیقّت یئتیره بیلمیر, نیه کی بوتون دیقّتی اؤز موشکولونه مصرف اولور. اوشاغا دیقّتسیزلیک اونون روح دوشگونلویو و آیری موشکوللرینه سبب اولا بیلر. اوشاغین خشونتی بئله عاییله‌لرده اوشاقلار همیشه آتا آنانین داعواسینا شاهید اولورلار و اؤزلری‌ده جیسمی و یا روحی سوءایستیفاده معرضینده اولورلار و بو شراییط اونو روحی و یا جیسمی ناخوشلوغا چاتدیرا بیلر. اؤزونه اینمانماماق آتا آنانین بیری مؤعتاد اولان عاییله‌لرده, اوشاقلار همیشه ساکیت اولمالیدیلار کی آتا آنانی حیرصلندیرمه‌سینلر؛ بونا گؤره قورخاق و اؤزونه اینانمایان اولارلار و هر شئیدن و هر کسدن قورخارلار. اؤزگه‌نین ریضایتی مؤعتاد آتا آنانین اوشاقلاری چالیشارلار ساکیت اولسونلار و اونلاری راضی ساخلاسینلار. بئله اولاندا اونلار گله‌جکده ده هامینی اؤزلریندن راضی ساخلاماغا چالیشاجاقلار و هئچ کسه یوخ دئمک جورأتلری اولمایاجاق, مخصوصاً گوجلو آداملارا؛ بئله‌لیکله اؤز هویّتلرین الدن وئره‌جکلر. اوشاقلار بوجور عاییله‌لرده یالان دانیشماغی, خیانتی, اوغرولوغو و آیری جورملری اؤرگشیرلر. اوشاغین مؤعتاد اولما احتیمالی مؤعتاد آتا آنانین اوشاقلاری همیشه اعتیاد معرضینده‌دیلر و بونا گؤره اونلارین مؤعتاد اولما احتیمالی چوخ یوخاری اولور. آیریلارینا اینانماماق بو اوشاقلار اوتانجاق اولدوقلاری اوچون دوستلاری ایله چوخ آز رابیطه‌لری اولور و یاشاییشلاری معمولاً گیزلی اولار. بئله‌لیکله هئچ کسه اینانمازلار و بو اینانماماق اونلارین گله‌جکده‌کی رابیطه و یاشاییشلارینا منفی تأثیر قویار.

مغناطیس میدانی ایله سرطان موعالیجه اولور

مغناطیس میدانی ایله سرطان موعالیجه اولور

«جنوبی کؤره» آراشدیرماچیلاری بیلدیلر کی مغناطیس میدانی باعیث اولور سرطان تومورلاری اؤزلرینی محو ائله‌سینلر و بئله‌لیکله اینسانین سرطان علیهینه گوجلو سیلاحی اولسون. جنوبی کؤره عالیملری بیر یول تاپیبلار کی مغناطیس میدانیندان سلول‌لاری هدف توتماق اوچون ایستیفاده ائدیرلر و نتیجه‌ده بو سلول‌لار اؤزلرینی آرادان آپارسینلار. بو آراشدیرماچیلار گؤرسدیبلر کی بو پروسه باغیرساق سرطانی باره‌ده اثرلیدیر. اونلارین قصدی وار بو یولی آیری سرطانلارین اوستونده‌ده سینایالار. مخصوص سیقنالین جوابیندا محو اولماغا محکوم اولموش سلول‌ ییغیشیر و تیکه- تیکه اولور. آما سرطانلی موریدده بو سلول اؤلومو, باشا چاتمیر و سلول‌لار کونترول‌سوز صورتده چوخالیر. مغناطیسله موعالیجه کیچیک دمیر نانو ذرّه‌لره شامیل اولور کی آنتی‌بادیلره مربوط اولورلار. آنتی‌بادیلر خطرلی ماده‌لرله ساوشاماق اوچون, بدنین موحافیظه‌ سیستمی واسیطه‌سی ایله دوزَلمیش پروتئینلردیر. بو دمیر نانو ذرّه‌لری تومورون سلول‌لارینا یاپیشیر و مغناطیس میدانی اولان زمان, بو مولکول‌لار بیر یئره ییغیشیب و اوتوماتیک اولاراق اؤلوم سیقنالینی آزاد ائدیرلر. بو آراشدیرمادا, قورساغین سرطانلی سلول‌لاری نانو ذرّه‌لرین معرضینده و ایکی میدانین آراسیندا یئرلشدی . سلول‌لارین یاریسیندان چوخو مغناطیس تأثیری آلتیندا اؤلدو, بیر حالدا کی بو پروسه ساغلام سلول‌لارا اثر قویمادی. بو آراشدیرمانین نتیجه‌لری نیچر متریالز مجله‌سینده یاییلیب.

آنا یا حیات‌یولداشی؟ * الأم أم الزوجة؟

	آنا یا حیات‌یولداشی؟ * الأم أم الزوجة؟
بیر طبیب, جوان قیزا ائولنمک پیشنهاد ائلیر آما جوان قیز اونون وضعیتینی بیلندن سونرا شرط ائلیر کی اوغلانین آناسی توی قورتولاناجن تویا گلمه‌سین. طبیب ایشینده قالمیشدی و اوستادلاری‌نین بیری‌ایله مشوَرَت ائله‌دی. (دقیق ترجومه: مشوَرَت اوچون قارشی‌سیندا دانیشگاه اوستادلاریندان بیریندن باشقا هئچ کسی تاپمادی.) اوندان سوروشدو: «بو شرط نه‌یه گؤره‌دیر؟» اوتانارکن جواب وئردی: «من بیر یاشیندا اولاندا آتام وفات ائله‌دی, و آنام ساده ایشچی‌ایدی, منی تربیت ائدیب و بویا چاتدیرماغا گؤره خالقین پالتارین یویوب ایشله‌دی. سونراسی آیدیندیر, بو کئچمیش منی اوتاندیریر و یاشاییشیمی قورماغا چتینلیک یارادیر.» اوستادی اونا دئدی: «سندن بالاجا ایستگیم وار . . . او دا بودور کی آناین یانینا گئتمک همن اونون اللرینی یویاسان, سونرا صاباح منیم گؤروشومه گل کی نظریمی سنه دئییم.» ائوه یئتیشمک همن آناسیندان ایسته‌دی کی ایجازه وئرسین اونون اللرینی یوسون. بو ایشه باشلامامیشدی کی گؤزلری‌نین یاشی آخماغا باشلادی . . .گؤردویو منظره‌یه گؤره. بیرینجی باخیشدا اونون اللرینده‌کی قیریشلاری گؤردو . . .اونلاردا بعضی قیزارمیش لکه‌لر واریدی کی سو دَیَنده آناسی مولتهیب اولوردو ! آناسی‌نین اللرین یویاندان سونرا, صاباحی گؤزلیه‌نمه‌ییب, تیلیفوندا دوستونون آتاسی‌ایله دانیشیب دئدی: « منیم ایشیمی حل ائتدیگیز اوچون ساغ اولون, عؤمرونو منیم گله‌جگیم اوچون فدا ائدن آنامی, من بویونومه خاطیر فدا ائتمرم.» الأم أم الزوجة؟ تقدم طبیب لخطبة فتاة و لکن الفتاة عندما علمت بظروفه کلها اشترطت ان لا تحضر والدته الزفاف کی تقبل اتمام الزواج. احتار الطبیب الشاب فى أمره و لم یجد أمامه الا أحد من کانوا أساتذته فی الجامعة لاستشارته.  وعندما سأله : "ولماذا هذا الشرط؟"  فأجاب فى خجل: “أبی توفی عندما کنت بالسنة الأولى من عمری، ووالدتی عاملة بسیطة تغسل ثیاب الناس لتنفق على تربیتی". ثم أوضح "لکن هذا الماضی یسبب لی الکثیر من الحرج وعلی أن ابدأ حیاتی الآن"  فقال له استاذه:” لی عندک طلب صغیر.. وهو أن تغسل یدی والدتک حالما تذهب إلیها, ثم عد للقائی غدا و عندها سأعطیک رأئی". وبالفعل عندما ذهب للمنزل طلب من والدته أن تدعه یغسل یدیها، وما إن بدأ بذلک حتى تساقطت دموعه ...بسبب منظرهما. کانت المرة الأولى التی یلاحظ فیها کم کانت یدیها مجعدتین... فیهما بعض الکدمات التی کانت تجعل الأم تنتفض حین یلامسها الماء !  بعد انتهائه من غسل یدی والدته,لم یستطع الانتظار للیوم التالى و لکن تحدث مع والد صدیقه على الهاتف قائلا: اشکرک فقد حسمت أمرى لن اضحى بأمى من اجل یومى فلقد ضحت بعمرها من اجل غدی.

بویون پیس گوندور * إنه یوم سیء!

بویون پیس گوندور * إنه یوم سیء!

سحر یوخودان آییلدی و حالی خرابیدی. اؤز-اؤزونه دئدی: «بویون پیس گوندور.» . . . بو احوال-روحیه‌نین دالیسندا پیس بیر شئی گیزلنمیشدی. یاتاغیندان دوردو و آیاغینی خانیمیسی گئجه یئرده اونوتدوغو آچارلارین اوستونه باسدی. خانیمسینا قیشقیردی : «سنه دئدیم, بویون پیس گوندور!» مطبخه گئتدیلر کی سحر یئمگی یئسینلر, آما گؤردو کی یئمک اوچون سئومه‌دیگی زاد وار. خانیمیسینا دئدی: «من تعجوب ائله‌میرم, بویون پیس گوندور !» ایسته‌دیلر دوستلاری‌نین بیر‌ینی گؤرمک اوچون ائودن چیخسینلار. . .و ایندی‌ده خانیمیسی آچارلاری ایچریدن قاپی‌نین اوستونده اونوتدو و او ائله قاپی‌ایدی کی امنیت اوچون تکجه ایچریدن آچیلاردی. قیشقیردی و دئدی: «البته البته, بو گون اوّلدن پیس بیر گون ایدی!» مجبور قالدیلار قیفیلی سیندیرسینلار و تازاسی ایله دگیشسینلر . . . سونرا بیرلیکده چیخدیلار, تاکسی‌یا میندیلر و مقصدی اونا دئدیلر. آما شوفره دئدیلر کی خیردالاری یوخدور و پوللاری بؤیوک پولدور. شوفر دئدی: «یاخشی» مقصده چاتاندان سونرا شوفر اونا دؤنوب دئدی: «بوندان خیردا پولون یوخدور؟» کیشی پاتلادی و دئدی : « یوخ یوخ یوخ . .سنه دئدیم‌دا یوخومدور !» تاکسیدان یئندی و تکرار ائدیردی: «بویون پیس گوندور!» قوناقلیقدا اوستونه قهوه تؤکولدو . . قاییدیشدا تاکسی آیری ماشینلا چاققیشدی . . . خانیمیسی آغلاییب دئدی: «سندن ایستیرم کی بو گونون آخیرینه‌جن دئمیه‌سن کی بو گون پیس گوندور !» اونا باخیب اوتاندی و ایستگینی یئرینه یئتیردی . . .اوندان سونرا داها پیس حادیثه اوز وئرمه‌دی ! إنه یوم سیء! استیقظ صباحاً ومزاجه معکر، فقال لنفسه "إنه یوم سیء" ... هذا المزاج یخفی شیئاً سیئاً خلفه. قام من سریره فداس على مفتاح کان قد وقع من زوجته فی المساء، فصرخ فی وجهها "قلت لک إنه یوم سیء!" ذهب إلى المطبخ لیتناول معها الفطور فوجد الطعام الذی لا یحبه، فقال لها "لست متفاجئاً، إنه یوم سیء". أرادا الخروج من المنزل لزیارة أحد الأصدقاء...وهناک نسیت زوجته المفتاح فی الباب من الداخل وهو الذی لا یفتح إلا من الداخل لغایات أمنیة، فصرخ وقال طبعا طبعا، إنه یوم سیء من أوله. اضطر أن یکسر القفل ویغیره من جدید... خرجا معا بعد ذلک، رکبا تاکسی وأخبرها فی وجهتهما لکنه أخبره بأنه لا یملک صرافة وإنما ورقة نقدیة کبیرة، السائق قال له "حسنا" بعدما وصلوا، التفت السائق إلیه وقال "ألیس لدیک ورقة أصغر منها؟" انفجر الرجل وقال لا لا لا .. قلت لک ما معی نزل من التاکسی وهو یردد "إنه یوم سیء". عند الضیوف انسکبت علیه القهوة.. فی طریق العودة اصطدم التاکسی بسیارة أخرى... عندها بکت زوجته وقالت له "أرجوک لا تقل إنه یوم سیء حتى نهایة الیوم". نظر إلیها لکنه شعر بالإحراج فلبى طلبها..ولم یحدث أی شیء سیء بعدها!

بو حشره‌نین سیلاحی اوزون بوینودور !

بو حشره‌نین سیلاحی اوزون بوینودور !

دؤرد ایل قاباق ماداگاسکاردا کشف اولموش « زرافه بویونلو بوغدا بیتی », عجیب-غریب حشره‌دیر کی اوزون و بند-بند بوینو وار. ارکک حشره‌نین بوینو دیشی‌نین بوینوندان ایکی اوچ برابر اوزون‌راقدیر کی جوت اوستونده داعوا و یووا دوزلتمکده ایشه گلر. بیگانه‌لره اوخشایان بو حشره ماداگاسکارین یئرلی حشره‌سیدیر کی « زرافه بویونلو بوغدا بیتی » آدلانیر. بو حشره‌نین سیلاحی اؤزو کیمی عجیبدیر, زرافه بویونلو بوغدا بیتی ساواشماق اوچون بوینوندان ایستیفاده ائدیر. دئیلی میلین وئردیگی خبره گؤره, بو حشره بالاجا آیاقلاری و کیچیک بدنی و ایکی تیکه‌لی اوزون بوینو ایله خیالی و سورئال نقاشیلارا بنزیر. زرافه بویونلو بوغدا بیتی‌نین آدی اونون زرافه‌یه اوخشاماسی اوچون سئچیلیب. زرافه‌لر ده ساواشدا اوزون بویونلاریندان ایستیفاده ائدرلر. بو حشره‌ بدنی‌نین چوخ قیسمی قیرمیزی قابیقلا اؤرتولوب کی قانادلاری اؤز آلتیندا گیزلدیب. زرافه بویونلو بوغدا بیتی‌نین ظاهیری قورخمالی گؤروشسه‌ده اینسان اوچون هئچ ضرری یوخدور. بو حشره فقط ماداگاسکاردا یاشیر, 2008-جی ایلینده تاپیلیب و بیلن یوخدور کی بو حشره اینقیراض خطری‌ایله اوز به اوزدور یوخسا یوخ. بو عکسلری زرافه بویونلو بوغدا بیتیندن سالان, وحشی حیات عکاسی نیکولای ساتسکوف, دئییر کی بو حشره‌نی یارپاقلار اوستونده گؤرنده, گؤزلریمه اینانمیردیم. بو حشره هم ده بوغدا بیتینه بنزیر. آشاغیدا بیر بوغدا بیتی گؤره بیلرسیز.

لاوروف غربه, ایران علیهینه ماجرا آختارماغین عاقیبتی باره‌ده هوشد

	لاوروف غربه, ایران علیهینه ماجرا آختارماغین عاقیبتی باره‌ده هوشدار وئردی
نیظامی ایقداما قارشی‌لیقلی جواب وئریلر. لاوروف غربه, ایران علیهینه ماجرا آختارماغین عاقیبتی باره‌ده هوشدار وئردی روسیه‌نین خاریجی ایشلر وزیری ایران علیهینه نیظامی حمله‌نین عاقیبتی باره‌ده هوشدار وئریب تأکید ائله‌دی: من خطرلی سناریونون ایجراسی باره‌ده هوشدار وئریرم و گرک طرفلرین هامیسی دانیشیغا چاغیریلسین. «روسیا الیوم»-ون یازدیغینا گؤره, سرگئی لاوروف چرشنبه گونو مسکودا دئدی: اومیدوارام ایران علیهینه نیظامی ایقدام هئچ واخت عمل مرحله‌سینه کئچمیه, چونکی بو ایشین خطرلی عاقیبتلری وار. او آرتیردی: بئله بیر ایقدام باعیث اولار ایرانین اتومی مسأله‌سی‌نین باریش یولی ایله حل اولماسینا اولان بوتون ایقداملار آرادان گئتسین. البته هر جوره نیظامی ایقدام دالیسیجان موتقابیل عمل گتیره‌جک. یاخشیسی بودور کی بیز ایرانلا 1+5 گروهونون موذاکیره‌لرینه موتمرکیز اولاق.

بو ایشلر نیه چتیندیر؟ * لماذا هذه الأمور صعبة؟

بو ایشلر نیه چتیندیر؟ * لماذا هذه الأمور صعبة؟

بیر حکیم کیشی‌دن سوروشدولار: کیمه حیکمتلی دئمک اولار؟ جواب وئردی: هر کس کی همیشه آیریلاریندان اؤرگشماغا بیر شئی تاپسین. اوندان سوروشدولار: کیم گوجلودور؟ جواب وئردی: اؤزونه موسلط اولا بیلن آدام. یئنه سوروشدولار: کیمی غنی‌دیر؟ اونون جوابی بوندان باشقا دئییلدی: هر کس کی اؤزونده اولان خزینه‌نی تانییا. اونون حیاتی‌نین گونلر و ساعتلری کی ائلیه بیلر اطرافینداکیلاری دگیشسین. سوروشدولار: کیم احتیراما لاییقدیر؟ یئنه وئردیگی جواب خارق‌العاده اولمادی: هر کس کی اؤزونه و قونشوسونا احتیرام قویا. اورداکیلارین بیری آرتیردی: بونلارین هامیسی آیدیندیلار کی! حکیم کیشی دانیشیغینی بو سؤزله قورتاردی: ائله بونا گؤره اونلارا عمل ائتمک چتین اولور. حیکمت: بللی کی یاشاییشیمیزدا اَن چتین ایشلر, آیدین اولان زادلاردیر. بونون اوچون اَن بؤیوک میثال سیقار چکن آدامدیر او بیلیر اؤزونو اؤلدورور و فسادا ایدامه وئرندیر کی بیلیر فاسید ایشدیر آما یئنه دوام ائدیر . .. آشکار زادلارا بعضاً چتین اَل چاتیلیر. لماذا هذه الأمور صعبة؟  سئل رجل حکیم ذات یوم "من هو الحکیم؟" فأجاب: "من یجد دائماً شیئاً لیتعلمه من الآخرین." فسألوه : "من هو القوی؟" فأجاب : "الرجل القادر على السیطرة على نفسه."  ثم سألوه : "من هو الغنی؟" فما کان منه إلا أن أجاب : "من یعلم بالکنز الذی لدیه. أیام وساعات حیاته التی یمکن أن تغیر کل شیء یجری حوله." فسألوه : "من یستحق الاحترام؟" فکان جوابه مرة أخرى غیر مبهر فقال : "من یحترم نفسه وجاره" فعلق أحد الحاضرین قائلاً: "هذه الأمور جمیعها واضحة جداً." فاختتم رجل الدین حدیثه بالقول: "لذا فمن الصعب التمسک بها." حکمة : من الواضح جداً فی حیاتنا أن الأمور الواضحة هی صعبة التطبیق ، وأکبر مثال لنا المدخن الذی یعرف أنه یقتل نفسه ویواصل والفاسد الذی یعرف أنه فاسد ویواصل .. فالوضوح بعض الأحیان صعب للغایة.

یئر قورتو کیچیلدی !! * إحتقرت دودة الأرض !!

یئر قورتو کیچیلدی !! * إحتقرت دودة الأرض !!
یئر قورتو کیچیلدی و کیچیلدی !! سونرا گولوب دئدی: ائی اینسان  آلچاق کؤنول اول و موتکبیر اولما . . سیز قبیرده منیم یئدیگیم طعامدان سونرا هئچ نه دئییلسیز . . .!! إحتقرت دودة الأرض !! إحتقرت دودة الأرض ,,!! فضحکت و قالت تواضعووا یا بشر و لا تتکبروا ,,, فما أنتم سوى وجبة طعامی فی القبر ,,, !!!

ایسلام دونیا گؤروشونده خانیملارین مقامی

ایسلام دونیا گؤروشونده خانیملارین مقامی

ایسلام فلسفی نظردن و خیلقتین تفسیرینده خانیما تحقیر گؤزو ایله باخمیر و بوجور نظریه‌لری ردّ ائدیر. تاریخ بویو آروادلارا ظولم اولاندان سونرا و اونلار کولفتلیگه چکیلندن سونرا, ایسلام گونشی پارلاماغا باشلادی و اونا عادیلانه حقلر وئردی و اونا اولان ظولملری اوندان اوزاقلاتدی. آروادی اسارتدن قورتاردی و اونونلا اینسانی و یاراشان رفتار ائتدی. ایسلام اون‌دؤردونجو عصرده موسلمان خانیما یاشاماق, ایرث آپارماق, مالکیت و تعلیم حقّی باغیشلادی. آما مخلوقاتین گله‌جگینه حکیم اولان آللاه بویورور: کیشیلرین آروادلارا نیسبت تسلّوطی واردیر اونا گؤره کی آللاه بعضیلرین بعضیلره اوستون ائدیب و هم اونا گؤره کی کیشیلر اؤز ماللاریندان آروادلارا نفقه وئره‌لر. عین حالدا آللاه تعالا بویوروب: کیشی و آرواد بیر جینسدندیلر و آرالاریندا تقوا و یاخشی عمللردن سونرا فرق یوخدور. آللاه هئچ بیر‌ی‌نین عمللرینی ضایع ائله‌مز. قورآن آدامین (ع) بهشت ناغیلینی دئییر, آما هئچ‌واخت دئمیر کی شیطان و یا ایلان حوّانی و سونرا حوّا آدامی توغلادی. قورآن نه حوّانی اصلی گوناهکار تانیتدیریر و نه اونو حسابدان چیخاردیر. بئله‌لیکله قورآن راییج اولان غلط بیر فیکیرله موباریزه ائدیر و بو معنا ایله کی آرواد بالاجا شیطاندیر موباریزه ائدیر. ایسلام صراحتله دئییر کی یئر-گؤی, بولوت و یئل, بیتکی و حیوان هامیسی اینسان اوچون یارانیب. ایسلام دئییر آرواد و کیشی بیر بیرلری اوچون یارنیب. آروادلار سیزین بزک و اؤرتوکلریز و سیز اونلارین بزک و اؤرتوکلریسیز.

نیه قیزلار ائولنمیرلر؟

	نیه قیزلار ائولنمیرلر؟
اطرافیمیزدا اولان سوبایلارین چوخ آزی منطیقلی و مؤحکم سببلره گؤره سوبای قالماغی ترجیح وئریرلر و او بیریلری بو شراییطی مجبوراً و یالانچی سببلره گؤره تحمّول ائدیرلر. بو افرادین فورصتلره «یوخ» دئمکلری‌نین اصلی عامیلی عادتلر و قورخولاردان قایناقلانیر. سیز ده اوخشار دلیل‌لره گؤره سوبایلیق عالمینده قالمیش اولساز, یاخشی اولار یاشاییشیزا بیرده باخاسیز و منطیقلی دلیل‌لر اساسیندا تازادان تصمیم توتاسیز. ایشله‌مگی حددن آرتیق سئویرسیز؟ شاید ایشله‌مگی او قدر سئویرسیز کی ایش موفقیّتینی هر شئیدن اوستون توتورسوز. بیر عیده‌ وار کی قیرخ-اللی یاشلارینادک میزلری اوستونده‌کی پرونده‌ایله  یاشیرلار, گؤره‌سن اونلار دوغرودان‌دا خوشبختدیلر؟ چاره‌سی نه‌دیر؟ سیز بیر خانیم اولساز کی ایندیه‌دک بوتون یاشاییشیز ایشیز اولوب. قرار دئییل کی ائولنمک همن خانه‌نیشین اولاسیز. اؤزوزه ائله بیر کیشی سئچمه‌لیسیز کی سیزین ایشیزی درک ائده و شراییطی نظرده آلا. اگر ایسته‌میرسیز کی یولون یاریسیندا هم اؤزوزو و هم اونو نا اومید ائده‌سیز, پس چالیشین کی سیزه گلن ائلچی‌یه هدفلر و شراییطیزدن دقیق تصویر وئره‌سیز. و البته بو کیفایت ائله‌مز. سیز اؤزوز ده دگیشمگه حاضیر اولمالیسیز. سیز قبول ائله‌مه‌لیسیز کی ائولَنَندن سونرا شراییط دگیشه‌جک و قاباقکینا تای اولمایاجاق. ائله ایستانداردلاریز وار کی اونلاری دگیشمگه حاضیر دئییلسیز؟ شاید گله‌جک یولداشیز باره‌ده مؤحکم معیارلاریز وار کی اونلار سیزین اوچون حیاتی ساییلیرلار. احتیمالاً سیز اطرافیزداکی کیشیلرین ایرادلارین گؤرورسوز و اورگیزده دئییرسیز کی من اولسام بئله کیشی ایله  ائولنمزدیم. و اوردان کی سیزین ده ائلچیلریز همن بو یئر کوره‌سیندندیلر و اونلارین‌دا بوجور عیبلری اولا بیلر, اونلارا «بلی» دئیه بیلمیرسیز. چاره‌سی نه‌دیر؟ صؤحبت بیر عؤمور یاشاماقدان گئدیر. حتماً سیزین معیارلاردان بیگانه بیرینه «بلی» دئیه بیلمزسیز. آما بو معیارلارا گؤره تک قالماغی بوینوزا آلمامیشدان قاباق اؤزوزه و معیارلاریزا دیقّتلی باخین. اوّلده اؤز ضعفلریزی و ایرادلاریزی نظرده آلین. سونرا سیزی بیر عؤمور تک ساخلایان معیارلاری اهمیّت ترتیبی ایله یازین. باخین گؤرون بو خصوصیتلرین هانسی‌سیندان واز کئچه بیلرسیز. و هانسیلاری واز کئچمه‌لی دئییل. ایندی ائلچیلریزه باخین. شاید اونلارین بیرینده منفی خصوصیتلرین نئچه‌سی اولا آما اونون شخصیتی‌نین اساس حیصه‌سی اولمایا. اوندا اولان بو خصوصیتلرین رنگی آز اولسا شاید یاخشی اولار بو موریدده آرتیق دوشونه‌سیز. دوستلاریزلا اولماق سیزه کیفایت ائلیر؟ دوستلارسیز یاشایا بیلمه‌ین اینسانلار اوچون ائولنمک محدودیّت معناسیندادیر. اونلار قبول ائیله بیلمزلر کی ائولنَندن سونرا, دوستلاری‌نین دؤره‌سینه خط چکمه‌لیدیلر. چاره‌سی نه‌دیر؟ بئله بیر اینسان اولساز, ائولنمک سیزه چتین گلر. آما یاخشی اولار بیر مودّت سونرانی دوشونه‌سیز. بو صمیمی دوستلار ها واختادک سیزینن اولاجاقلار؟ تجروبه نیشان وئریب کی اینسانلاری بیر-بیرینه باغلاماغا داییمی و موشترک منفعتلر لازیمدیر کی دوست گروهوندا بو مسأله دواملی اولماز. البته ائولنمک دوستلاردان قیریلماق معناسیندا دئییل. داها یاخشی موقعیّت آختاریرسیز؟ نظریزه بئله گلیر کی بیرینه «بلی» دئمک او بیریلره «یوخ» دئمک معناسیندادیر و بونا خاطیر تصمیم توتانمیرسیز؟ شاید بئله گومان ائلیرسیز کی داها یاخشی فورصتلر قاباغا گله‌جک و سیزین لیاقتیز بوگونه‌دک اولان ائلچیلریزدن داها یوخاریدیر. چاره‌سی نه‌دیر؟  داها یاخشی موقعیته قطعی حؤکم صادیر ائله‌مک اولماز. شاید سیزین حقّیز اولا و ایندی‌کی ائلچیلریزدن داها لیاقتلیسی اولا. آما بیر آز منطیقلی باخساز گؤره‌جکسیز کی اولا بیلر همان لیاقتلی ائلچی گله و سیز اوندان‌دا لیاقتلینی گؤزله‌مک باهانیسنا اونا دا یوخ دئیه‌سیز!  اَن یاخشی اولماق فیکرینی باشیزدان آتین. یازدیغیز اولویّتلره باخین و چالیشین او اساسدا اینتیخاب ائده‌سیز. بوندان کی بیر واقعیتی بیلسین قورخورسوز؟ شاید سیزین و خانیواده‌زین چوخلی فرقی اولا. شخصی عقیده‌لردن توتدی ایجتیماعی یاشاماق سبکلرینه‌دک. خانیواده‌نین سیزه پیشنهاد ائله‌دیگی ائلچی سیز دئیَن دئییل و سیزی تانییان آیری ائلچی خانیواده‌زی تانیمیر. نظزریزه بئله گلیر کی خانیواده‌ تانیتدیران ائلچی‌یه «بلی» دئسز بیر عؤمور یازیق اولاجاقسیز و خانیواده‌زی تانیمایان ائلچی‌یه «بلی» دئسز خانیواده‌زدن آیری و اوزاق قالمالی اولاجاقسیز. چاره‌سی نه‌دیر؟ کیریخمایین. ائولنمک بوتون بیر پاکت کیمیدیر کی ایچینده‌کیلرین بعضیسینی سئچه بیلمزسیز. سیزین دوستلاریز و خانیواده‌ز و اونون دوستلاری و خانیواده‌سی بو پاکتین ایچینده‌دیر. ایسته‌سز کی موفّق یاشاییشیز اولسون بو شراییطین هامیسی ایله اوز به اوز اولمالیسیز. ائلچیلریزه خانیواده‌زین شراییطی باره‌ده دانیشین و فرقلری آیدینلادین. اونا دئیین کی خانیواده و رابیطه‌لریزی ساخلاماق سیزه اساسلی اهمیتی وار و سیزین کناریزدا خوشبخت اولماق ایسته‌سه بو فرقلری قبول ائتمه‌لیدیر. بئله فیکیر ائله‌مه‌یین کی بو خط نیشان چکمکله اؤزوزو ارزیشدن سالیبسیز. عزیزلریزه و شراییطیزه وئردیگیز اهمیّت, اونون نظرینده سیزین ارزیشیزی نئچه برابر ائلیر.

تراختور سوپر لیگ جاده‌سینده, یولونا احتیاطلی باشلادی

تراختور سوپر لیگ جاده‌سینده, یولونا احتیاطلی باشلادی

تراختورو 11 هفته بویونداکی اویونلارینا بیر باخیش سالاندا, تکجه ایکی اویون اودوزسا دا اوست-اوسته مطلوب نتیجه‌لر آلمادیغی اورتایا چیخیر. آما اوچ ایمتیاز آلیب, جدولین یوخاری باشیندا اوتوران تیمله فاصیله‌سینی یوخ ائتمک بو پارلاق تیمدن گؤزلنیله بیلن مسأله‌دیر.  گلین تراختورون 11 هفته بویونداکی اویونلارینا بیر نظر سالاق: بیرینجی هفته: تراختور سایپایا بیر ایمتیاز وئردی. تراختور اؤز ائوینده اویناسا دا اویونا احتیاطلی باشلادی و سایپا موقابیلینده هئچ هئچه برابر اولدو. ایکینجی هفته: تراختور پیکاندان بیر ایمتیاز آلدی. تراختورسازی پیکانلا بیر-بیره اولدو آما یئدیگی قول تراختورچولاری ناراحات ائتدی چونکی بو جور قول یئمک تراختورا یاراشمیردی. اوچونجو هفته: تراختور کرمان میسی‌نی آیاقلادی. اویونون ایکینجی یاریسی‌نین باشلانیشیندا تراختور 10 نفر اولسا دا حریفین عؤهده‌سیندن گله بیلدی و ایکی بیره غالیب گلدی. دؤردونجو هفته: تراختور تهرانین راه‌آهنین بیر هئچه دالیدا قویدو. بو اویوندا احسان حاج صفی گؤزل بیر قول ووردو. بئشینجی هفته: تراختور آبادانین نفتینه غالیب گلدی. بو اویونون آخیرلرینده تراختور ایقتیدارلا آبادانین نفت تیمینه اوچ ایکی‌یه غالیب اولدو و جدولین ایکینجی روتبه‌سینده یئر آلدی. آلتینجی هفته: تراختور بو اویوندا داور و ذوب آهن تیمینه اوتوزدو. اصفهاندا اوینانان بو اویون تراختورون ضررینه اولان آجی نتیجه ایله یعنی اوچ بیره ‌باشا چاتدیریلدی. بو اویوندا تراختورون موسلّم پئنالتیسی توتولمادی. یئددینجی هفته: تراختور بو اویوندا قومون صبا تیمی‌نین قارشی‌سیندا دایاندی. بو اویون تبریزه اولسا دا  هئچ هئچه باشا چاتدی. سککیزینجی هفته: تراختور و انزلی‌نین ملوان تیمی, بیر بیره موساوی اولدولار. ملوان تیمی اؤز قولونو پئنالتی نوقطه‌سیندن وورسا دا تراختور ایکینجی یاریدا اونو جوبران ائتدی. دوققوزونجو هفته: تراختور زاگروسون «گهر» تیمینی دارما-داغین ائتدی, بئش هئچه ! بو تیمین داها آرتیق قول یئمگه ایشتهاسی واریدی آما رقیب سوپر لیگدن کوسمه‌سین دئیه, تراختور اوندان آرتیق قول وورماق ایسته‌مه‌دی. اونونجو هفته: تراختور بیرینجی دفعه اولاراق شیرازین فجر سپاسی تیمینه اوتوزدو, بیر هئچه. شراییط او جومله‌دن اویون میدانی تراختور سئون شراییط دئییلدی. اون بیرینجی هفته: تراختور یئنه‌ده تهرانین نفت تیمینی اودانمادی, بیر بیره. اویونون باشلانیشیندا تراختور بیر هئچه قاباغا دوشموشدو آما بو غالیبیّتی ساخلایا بیلمه‌دی. تراختور دالیدا قویدوغو 11 اویوندا: 4 اویون اودوب 5 اویون موساوی اولوب 2 اویون اودوزوب  و بو گون تراختور 15 قول ووروب و 10 قول یئمکله 17 ایمتیاز الده ائدیب و جدولین یئددینجی روتبه‌سینده دایانیب. تراختور اون ایکینجی اویونونو تبریزده و تهرانین ایستیقلال قارشی‌سیندا اوینایاجاق. تراختور و ایستیقلال بیرینجی دفعه 1354-ده اویناییبلار و او اویوندا تراختور بیر هئچه غالیب اولوب. اون ایکینجی لیگده تراختور 17 ایمتیازلا جدولین یئددینجی روتبه‌سی و ایستیقلال 19 ایمتیازلا جدولین دؤردونجو روتبه‌سینده یئر آلیبلار.

وبلاگ اوغرولاری نین برنامه سی

وبلاگ اوغرولاری نین برنامه سی

بیر عیده اؤز عالملرینده وبلاگلاری چالیب اوغرولاماق اوچون نقشه برنامه تؤکورلر بیری ده بودور: اونلار بو پیامی منه گؤندریرلر کی شاید یوزرنئیم پسووردومو اؤرگشسینلر سه شنبه 18 مهر1391 ساعت: 15:14 توسط:اخطار امنیتی با سلام طبق گزارشات رسیده شده از سوی کاربران بلاگفا وبلاگ شما حاوی مطالبی است که با قوانین بلاگفا مغایرت دارد لطفا برای پاره ای از توضیحات به سایتی که در پایین این اخطار وجود دارد رفته و توضیحات خود را در این مورد برای ما بفرستید در غیر این صورت وبلاگ شما طی یک هفته بطور اتوماتیک حذف خواهد شد تذکر : لطفا با نام کاربری و رمز عبور درست وارد شوید تا ثابت شود شما مدیر وبلاگ هستید در غیر این صورت به پیام شما رسیدگی نخواهد شد در اخر این اخطار ممکن است اشتباهی برای شما ارسال شده باشد در این صورت می توانید از فرمی که در سایت زیر گذاشته شده است موضوع را به ما گزارش دهید با تشکر گروه پشتیبانی بلاگفا http://security-admin.blogfa.com/page/security-information ********** من ده جاوابلاریندا یازدیم: بو آیپی ایله(31.58.2.25) گلدیگینیز بللی, آما سیزین آدیز نه؟ پسووردو ایسته سز, دئمه لی یم کی من اؤزوم ده بیلمیرم . .. اوزگونم . ..

ایشلرین ایداره ائتمه‌سینده‌ حضرت علی‌نین حیکمتی ! * حکمة الامام

	ایشلرین ایداره ائتمه‌سینده‌ حضرت علی‌نین حیکمتی ! * حکمة الامام علی فی إدارة الأمور !
بیر گون ایمام علی‌یه (ع) خبر یئتیشیر کی عامیللری‌نین بیری هدیه قبول ائدیب (روشوه یوخ) پس اونا بیر مکتوب یازیر و اوندا اونا دئییر کی سن او هدیه‌نین شوبهه‌لی اولدوغون بیلرکن آلمیش اولسان, پس سن آخماقسان و اگر اونون شوبهه‌لی اولماسیندان خبرین اولمادیسا پس سن جاهیلسن و آخماق و جاهیل آدامین حؤکومت ائتمگه لیاقتی یوخدور, سونرا حضرت اونون عزلینه امر ائله‌دی . . . حکمة الامام علی فی إدارة الأمور ! بلغ مرة الامام علی بن ابی طالب کرم الله وجهه أن أحد عماله قد قبل هدیة (لیس رشوة) فأرسل الیه کتابا یقول فیه ان کنت قبلتها عن علم بشبهتها فأنت (أحمق) وأن کنت قبلتها عن جهل بذلک فأنت (جاهل) ولایجدر بأحمق أو جاهل ان یحکم , ثم قام بعزله ...

یئرین جنوبی یاریم کوره‌سی‌نین لاپ بؤیوک مسجیدی تیکیلدی

یئرین جنوبی یاریم کوره‌سی‌نین لاپ بؤیوک مسجیدی تیکیلدی

جنوبی آفریقانین «میدراند» شهرینده یئرین جنوبی یاریم کوره‌سی‌نین لاپ بؤیوک مسجیدی 55 مترلیک میناره‌ایله تیکیلدی. المنار شبکه‌سی‌نین وئردیگی خبره گؤره, جنوبی آفریقانین اَن بؤیوک مسجیدی کی تورک سرمایه‌قویانلارین حیمایتی ایله دوزلیب, کئچن پنجشنبه آچیلدی. جنوبی آفریقانین «میدراند» شهرینده دوزلمیش بو مسجید, ایسلامی بیر موجتمعین اورتاسیندا دوزلیب و بیر 55 مترلیک میناره‌سی وار و ائله بونا گؤره یئرین جنوبی یاریم کوره‌سی‌نین اَن بؤیوک مسجیدی تانینیب. بو مسجیدین گونبذی‌نین قوطری 24 متردیر و 16-جی قرنده تورکیه‌نین «ادرین» شهرینده تیکیلمیش «سلیمانی» مسجیدین اولگوسی ایله تیکیلیب. جنوبی آفریقانین اَن بؤیوک مسجیدی‌نین تیکیلمه‌سی 3 ایل چکدی و ایقتیصادی پایتخت اولان ژوهانسبورگ شهری و سیاسی پایتخت پرتوریا آراسیندا یئرلشیب. بو مسجیدین یئرلشدیگی موجتمعین مدرسه, ورزشی میدانلار و هابئله بیر مریض‌خاناسی وار کی نلسون ماندلانین حیمایتی ایله دوزلیب. جنوبی آفریقانین رئیس جومهوری جاکوب زوما بو مسجیدین آچیلیشندا دئدی کی بو مسجیدین تیکیلمه‌سی دینلر آراسیندا آنلاییشا کؤمک ائده‌جک. جنوبی آفریقا مسیحی بیر اؤلکه‌دیر کی  50 میلیون جمعیتی‌نین فقط 650 مین نفری موسلماندیر.

تفسیرده صیرفاً ریوایتلره دیقّت ائله‌مک, بیزی قورآنی معاریفین بیر

	تفسیرده صیرفاً ریوایتلره دیقّت ائله‌مک, بیزی قورآنی معاریفین بیر بؤلوموندن محروم ائلر
معصوم ایماملار (ع) زمانیندا گئنیش رابیطه یوخیدی و وارید اولان ریوایتلر فرقلی آنلاقلی اولان موختلیف افرادین جوابیندا مطرح اولوردو؛ بونا گؤره قورآنین تفسیرینده فقط ریوایتلره دیقّت ائله‌مک محدود ائدیجیدیر و بیزی قورآنی معاریفین بیر بؤلوموندن محروم ائلر. معصوم ایماملاردان (ع) گلن بعضی ریوایتلرین ظاهیرده قورآنلار تعاروضی وار آما دیقّت یئتیرمه‌لی نوکته بوراسیدیر کی ریوایتلر قورآنی بیان ائدیرلر. بیز بیر جور باخساق کی ذهنیمیزین هامیسی ریوایتلرله مشغول اولا و قورآنین اؤزونه آنلاشیلا بیلمه‌ین بیر کلام کیمی باخاق و تکجه ریوایتلرله اونو آنلاماغا چالیشاق, بو مسأله قاباغا گلر کی موتعاریض و موتناقیض ریوایتلر وار. بو تعاروضون پیغمبر (ص) بویوردوغو کیمی حل یولو بودور کی بیزدن بیر سؤز ائشیتسیز کی قورآنلا تعاروضو اولا, اونو دیوارا چیرپین. پس بللی اولور کی قورآن اؤزو ده بیان ائدیجیدیر و هیدایت کیتابی کیمی آنلانا بیلندیر. بو اسادا قورآندان چوخلو مؤحکمات آنلاماق اولار و اونون سایه‌سینده, قورآنین ظاهیری و یا نصی‌ایله آشکار تعاروضو اولان ریوایتلری طرد ائلیه‌ بیلریک. پس نتیجه بو اولور کی قورآنلار ریوایتلر آراسیندا بیر تعاومول و دیالکتیک قورمالی‌ییق, یعنی بیر گؤزوموز ریوایتلرده اولسون و بیر گؤزوموز ده قورآنین اؤزونده و بئله اولاندا ریوایتلر چوخ آیدینلادان اولارلار. شاید سونّتی و موتعارف عاغیللا باخاندا, قورآنین آیه‌لرینده معصوملارین (ع) ریوایتلریله موتعاریض معنالار اله گله و یا بالعکس. بو تعاروضلر اینسانلارین آنلاییش سطحی و زمان بسترینده طبیعی مسأله‌دیر. قورآن کریم نساء سوره‌سی‌نین 82-جی آیه‌سینده بویورور: «أَفَلاَ یَتَدَبَّرُونَ الْقُرْآنَ وَلَوْ کَانَ مِنْ عِندِ غَیْرِ اللّهِ لَوَجَدُواْ فِیهِ اخْتِلاَفًا کَثِیرًا؛ آیا قورانین [معنالاریندا] دوشونمورلر؟ و اگر آللاهدان غیریسندن اولسایدی, حتماً اوندان چوخلو ایختیلاف تاپاردیلار» بو اساسدا موختلیف زمانلاردا موختلیف آنلاییش سطحینده اولان اینسانلارین, فرقلی اولماسی طبیعی مسأله‌دیر. رحمتلیک علامه طباطبایی مؤحکم, موتشابه و تأویل بحثی‌نین آخیرینده «تفسیر بِرأی» باره‌سینده بیر بحثی وار. اوردا ریوایتلردن نتیجه آلیر کی «تفسیر بِرأی» بو معنایادیر کی بیز اؤز آنلاییش سطحیمیزی قورآنا تحمیل ائدک؛ یعنی آللاهین قورآنی نازیل ائله‌مکدن هدفی بو ایدی کی بیزیم ذهنیمیزی اوشاقلار کیمی آددیم آددیم تعالا باغیشلایا. البته آللاه قورآنی نازیل ائله‌مکله اؤز کلامینی, بیز بیله‌جک قدر آشاغی یئندیریب, آما اونون هدفی بیزیم آددیم آددیم تعالا تاپماغیمیزدیر و بو اوشاق اؤز آنلاییش سطحینده دونوب قالسا یوخاری قالخا بیلمیه‌جک و شاید ده چوخلو معاریفی اینکار ائده. بونا گؤره بیز ذهنیمیزی یوخاری چکمه‌لی‌ییک.

دونیادا موباریزه * الکفاح فی العالم

دونیادا موباریزه * الکفاح فی العالم

1938-جی ایلده «سوئی چیرو» یوخسول بیر جوانیدی . . و اونون بوتون ایستگی بو ایدی کی تویوتا شیرکتی‌ اونون یاراتدیغی یدکی قطعه‌نی آلسین. و بو مسأله گؤروندویو کیمی بیر جوانا دوغرودان‌دا چوخ بؤیوک آرزی ایدی . . بو قطعه‌نین طراحلیغی اوغروندا چوخلو چالیشیدی و نهایتده اونو دوزلتدی . . ایشی باشا چاتدیراندان سونرا آرزیسینی یئرینه یئترمک اوچون اونو تویوتا شیرکتینه آپاردی . . آما تویوتا شیرکتی اونو ردّ ائله‌دی ! اوندان سونرا تازادان چالیشماغا باشلادی و گئجه‌لری یوخوسوزلوق چکدی کی بو قطعه‌نی ایصلاح ائله‌سین. . . و نهایتده موفق اولدو و تویوتا او قطعه‌نی اوندان آلدی !! بو, دوستوموزون الینه پول گتیردی و او تصمیم توتدو ماشین قطعه‌سی تولید ائدن کرخانا دوزلتسین. . .او زمانلار ژاپون اؤلکه‌سی ساواشا حاضیرلانیردی و اونا گؤره سیمان آز تاپیلیردی . . . پس بیزیم دوستوموز کرخانا دوزلتماغا گوجو چاتمازدی . . . سیزجه بیزیم دوستوموز نه ائتدی؟ دوستلاری ایله بیرلیکده تصمیم توتدولار بیر جور سیمان ایختیراع ائله‌سینلر . .کی آرزیلادیقلاری کرخانانی دوزلتسینلر !! تصوّور ائدین؟؟ او ائلیه بیلدی بو ایشی گؤرسون و کرخاناسینی قوشسون بیر کرخانا کی اونلارا منعت گتیرماغا باشلادی . . . آما . . . ساواش اثناسیندا آمریکا طیاره‌لری دوستوموزون کرخاناسینا بومب یاغدیردی . . . اورانین چوخ یئری داغیلدی !!! فوراً کرخاناسیندان چیخدی . . . و آداملارینا تاپیشیردی کی طیاره‌لرین یاناجاق دگیشن یئرلرین تاپسینلار . . .و اونلارا تاپیشیردی کی بو یاناجاغی آلسینلار, چونکی تولید گئدیشینده اونا لازیم ایدی . .. اونلار لازیم اولان خام موادّی تاپانمادیلار !!! ناغیل بیتدی؟؟ یوخ . . . دوستوموز کرخانانی تازادان ایشه سالدی و یئنیدن تولیده باشلادی . . آما . . . تازادان قورخولو زلزله اونون کرخاناسینی داغیتدی . . . دوستوموز تولید حقّینی تویوتا شیرکتینه ساتدی. بوتون وار-یوخونو الدن وئرمیشدی و اصلاً کرخانا فیکرینه دوشه بیلمزدی . . . ژاپون جنگدن سونرا یاناجاق بؤخرانینا دوچار اولدو . . . بیر حدّه‌جن کی یاناجاغی اهالی‌یه موساوی صورتده پایلاییردیلار . . .آما او, دوستوموزون شخصی ماشینی‌نین عاییله‌سینه بازاردان وساییل آلماغا بئله گؤرموردو . . .یاناجاق اونو گؤرموردو و او ائلیه بیلمیردی کئچمیشده‌کی کیمی آزادلیقلا ماشین سورسون . . . دوستوموز تصمیم توتدو جالیب بیر فیکری تجروبه ائله‌سین . .. اونون بیر اوت بیچن ماشینی واریدی . . .اونون ماتورون آچدی  و چرخینه (یئل آتی) باغلادی . ..و دونیادا ایلک ماتورسیکلت ایختیراع اولدو !!! جماعت بو فیکردن حئیرته گلدیلر و اوندان ایسته‌دیلر کی اونلارا دا ائله بیر شئی دوزلتسین . . . او بو چرخدن چوخلو میقداردا دوزلتی بیر حدّه‌جن کی فیکر ائله‌دی بو ایشی اؤزنه تیجاری بیر ایش ائده . . . پس بو فیکری چرخ ساتانلارین چوخونا دانیشدی . . . و اونلارین چوخو قبول ائله‌دی . . .اینتیظاری واریدی بو پروژه‌دن میلیونلار پول قازانسین . . . آما بئله اولمادی . ..اونون بؤیوک و آغیر اولماسینا گؤره جماعت اونون ایستیفاده‌سیندن ایمتیناع ائله‌دی . . .!! تصمیم توتور ایختیراعسینی توسعه وئرسین . . . .اوندا ایصلاح ائله‌مگه چالیشدی و اندازه‌لرین آیارلادی . . .و نهایتده موفّق اولدو . . . بو ایختیراعدان میلیونلار و میلیونلار قازاندی . . . دونیانین اَن بؤیوک کرخانالاریندان اولان اونون کرخاناسی دونیانین هر طرفینده قورولدو . . «هوندا» موتور کرخاناسی سالیندی . .!! بو کیشی‌نین آدی «سوئی چیرو هوندا» ایدی ! بو ناغیلدان نه اؤرگشدیک؟ اوغورلو اینسانلارین یاشاییشینی اوخوسان بیلرسن کی اونلارین یانیندا اوغورسوزلوغون معناسی اوغورسوز اینسانلارین آلدیقلاری معنادان دیبلی-کؤکلو فرقلیدیر. موهوم قایدا: دونیادا اوغورسوزلوق یوخدور . . .او بیر تجروبه دیر کی اوندان اؤرگشریک یاشاییشدا اوغورسوزلوق یوخدور . . . یاشاییش دولودور تجروبه‌ایله کی بیز اونلارلا اوز به اوز اولماغی اؤرگشمه‌لی‌ییک. الکفاح فی العالم فی عام 1938 کان ""سوشیرو"" شابا فقیرا.. وکان کل ما یتمناه هو أن یبیع إحدى قطع الغیار التی قام بتصمیمها إلى شرکة تویوتا. ...وهو حلم کبیر جدا على شاب فی مقتبل عمره کما ترى.. راح یبذل الکثیر من المجهود فی تصمیم هذه القطعة وتصنیعها.. وما أن انتهى حتى توجه إلى مصنع تویوتا لیحقق حلمه ویبیعها لهم.. لکن مصنع تویوتا رفض! بعد ذلک حاول من جدید وسهر اللیل محاولا تعدیل هذه القطعة..  فنجح واشترتها منه تویوتا أخیرا!!  توفر المال مع صاحبنا هذا فقرر أن یؤسس مصنعا ینتج قطع غیار السیارات.. فی ذلک الوقت کانت الحکومة الیابانیة تستعد للحرب ولم تکون المواد الخرسانیة متوافرة.. فلم یستطع صاحبنا أن یبنی مصنعه.. هل تعرف ماذا فعل صاحبنا؟ قرر أن یخترع هو وأصدقاؤه خلطة خرسانیة من صنعهم هم.. کی یبنی المصنع الذی یحلم به!!! تخیل؟؟ استطاع فعلا أن یصنعها واستطاع بناء مصنعه الذی بدأ فعلا ینتج ویدر مالا علیهم جمیعا.. لکن.. أثناء الحرب قصفت الطائرات الأمریکیة مصنع صاحبنا.. ودمرت معظمه!!! خرج من المصنع فورا .. وأمر موظفیه أن یحاولوا معرفة المکان الذی تهبط فیه هذه الطائرات لتغیر وقودها.. وأمرهم بأخذ هذا الوقود لأنه سیفیدهم فی عملیة التصنیع.. فهم لا یجدون المواد الخام اللازمة!!! هل انتهت القصة؟؟ لا.. استطاع صاحبنا أن یعید بناء المصنع وبدأ فی الإنتاج من جدید.. لکن.. ضربه زلزال رهیب هدم المصنع من جدید...  باع صاحبنا حق التصنیع لشرکةة تویوتآ. کان قد فقد کل ما یملک ولم یعد قادرا على الاستمرار فی فکرة المصنع.. کانت الیابان تعانی بعد الحرب من أزمة وقود رهیبة.. لدرجة أنها کانت توزع الوقود على المواطنین بحصص متساویة.. لکنها لم تکن کافیة کی یستطیع صاحبنا مجرد قیادة سیارته للسوق لشراء احتیاجات أسرته.. لم یکن الوقود یکفیه ولم یکن یستطیع أن یتحرک بسیارته فی حریة کما کان فی الماضی.. قرر صاحبنا أن یجرب فکرة ظریفة.. کانت عنده ماکینة لقص الحشائش.. فک موتورها ورکبه فی دراجة هوائیة کانت عنده.. فکانت أول دراجة بخاریة فی العالم!!! أعجب الناس بالفکرة.. وطلبوا منه أن یصنع لهم مثلها.. صنع الکثیر من هذه الدراجات لدرجة أنه فکر فی تسویقها تجاریا.. فأرسل إلى کل محال الدراجات یحکی لهم الفکرة.. فوافق الکثیر منهم.. توقع أن یجنی الملایین من هذا المشروع.. لکن هذا لم یحدث.. رفض الناس استخدام هذا الاختراع نظرا لثقل وزنه وقتها ولکبر حجمه المبالغ فیه..!! قرر أن یطور اختراعه.. راح یعدل فیه ویضبط قیاساته.. إلى أن نجح فی النهایة.. جنى الملایین والملایین من هذا الاختراع.. حصل على جائزة الإمبراطور لمساهماته الفعالة فی المجتمع.. أنشأ مصنعه الذی یعتبر من أکبر المصانع حول العالم.. أنشأ مصنع (هوندا) للسیارات..!! أن اسم هذا الرجل ""سوشیرو هوندا""؟ ماذا نستفید من هذه القصة؟ لو راقبت حیاة الناجحین ستعلم أن مفهوم الفشل عندهم یختلف جذریا عن مفهومه عند الفاشلین.. قاعدة مهمة: ((لا یوجد فشل.. هناک تجربة تعلمنا منها..)) لا یوجد فشل فی الحیاة.. الحیاة ملیئة بالتجارب التی لابد أن نخوضها کی نتعلم.."

ارز باهالاشماسی‌نین عتبات عالیات زاییرلرینه یارادان موشکولی

ارز باهالاشماسی‌نین عتبات عالیات زاییرلرینه یارادان موشکولی

عتبات عالیات زاییرلرین چوخو کی ارز تهیه ائله‌مه‌میش و تومنله سفره گلیبلر و تازا شراییطین قاباغا گلمه‌سی‌ایله وساییل آلماق ایمکانلاری یوخدور و آلاندا دا زیان ائلیرلر. تومن ارزیشی‌نین یئنمه‌سی باعیث اولوب عراقلی کسبه ایرانلی زاییرلرله سویوق ترپشسینلر و هم زاییرلر و هم ساتیجیلار ایندیکی وضعیتدن ناراضیدیلار. بعضی عراقلی ساتیجیلار ایرانلیلارا کالا ساتاندا دولار و یا دینار ایستیرلر؛ بو بیر حالدادیر کی زاییرلرین چوخو ارز آلمامیش سفره گلیبلر و قاباغا گلن شراییطده آلیش-وئریش ایمکانلاری یوخدور و بیر شئی‌ده آلاندا ضرر ائدیرلر. ایندی عراق صرافیلری50 مین تومنلیک تراوئلی چوخ ایکراهلا قبول ائدیرلر و موقابیلینده 17500 دینار وئریرلر و توکانچیلار هر دیناری 3 مین تومندن حسابلیرلار.

گؤیه تیجاری فضانورد یوللاماق

	گؤیه تیجاری فضانورد یوللاماق
ناسا خبر وئریب کی تازالیقدا اوچ تیجاری شیرکتله قرارا یئتیشیب کی سرنشینلی ماهواره دوزلتسین و بو اساسدا گلن بئش ایله‌دک گؤیه فضانورد یوللایاجاق. بو قرارلار اوچ بوئینگ, اسپیس اکس و سیرا نوادا شیرکتلری‌ایله مونعقید اولوب. بو قراردادلارین مبلغی سیرا ایله 460، 440 و 212.5 میلیون دولاردیر. بو شیرکتلر بو کلان بودجه‌لری ناسانین نظرینده اولان ماهواره‌لری دورلتماغا صرف ائده‌جکلر. ناسانین فضایی شاتل برنامه‌لری قورتولاندان سونرا, بو آزانس فضا نوردلری گؤیه یوللاماق اوچون روسیه‌نین فضایی سایوز کپسوللاریندان ایستیفاده ائدیر, آما بو شراییط ناسانی بؤ

مارال شیکاری . . اهمیتلی درس * افتراس الغزال..عبرة مهمة

مارال شیکاری . . اهمیتلی درس

بیلیرسن کی مارال آسلاندان سورعتلیدیر اونونلا بئله مارال آسلانین طؤعمه‌سی اولار ؟ ! . . . . چونکی مارال آسلانی گؤرنده بئله اینانار کی او آسلانلا موقاییسه‌ده ضعیفدیر و آسلان حتماً اونو شیکار ائده‌جک, و نتیجه‌ده اوندان قاچیر. نجاتدان اومیدسیزلیک اونو مجبور ائدر تئز-تئز دالی‌یا باخسین کی آسلانلا اونون آراسیندا اولان فاصیله‌نی موعیّن ائله‌سین. ائله بو دالی‌یا باخماق مارالین قاتیلی اولار چونکی اونون سورعتینی آزالدار. و بو باعیث اولار مارال ایله آسلانین سورعتی بیر-بیرینه یاخینلاشا و نهایتده آسلان مارالا چاتیب اونو شیکار ائده. مارال دالیسینا باخماسا آسلان اونو شیکار ائده بیلمز. مارال اؤزونده اولان گوج نوقطه‌سی یعنی سورعتیندن خبری اولسا, نئجه کی آسلاندا گوج و هئیکل لحاظیندان گوج نوقطه‌سی وار, هئچ واخت آسلانا شیکار اولماز . . . بیز نه قدر کئچمیشده‌کی اوغورسوزلوغا, موشکوللره و نیگرانچیلیغا شیکار اولموشوق ؟؟؟ نه قدر موفقیت‌سیزلیگین قورخوسوندان اؤزوموزو مغلوبیّته طؤعمه ائله‌میشیک؟؟ و نه قدر ایچیمیزده‌کی اومیدسیزلیک بیزی اورا یئتیریب کی اینانمایاق کی بیز نجات تاپماغا و مقصدلریمیزه چاتماغا گوجوموز چاتار. و قورخو بیزی ایچریدن اؤلدوروب ؟؟ افتراس الغزال..عبرة مهمة هل تعلم أن الغزالة أسرع من الأسد ورغم ذلک تسقط الغزاله فریسه للأسد لماذا ؟! . . . لأن الغزالة عندما تهرب من الأسد بعد رؤیته تؤمن بأن الأسد مفترسها لا محالة وأنها ضعیفة مقارنة بالأسد. خوفها من عدم النجاة تجعلها تکثر من الإلتفات دوما إلی الوراء من أجل تحدید المسافة التی تفصل بینها وبین الأسد . هذه الإلتفاتة القاتلة هی التی تؤثر سلبا علی سرعة الغزال، وهی التی تقلص من الفارق بین سرعة الأسد والغزال وبالتالی تمکن الأسد من اللحاق بالغزال ومن ثم افتراسه . لو لم یلتفت الغزال إلی الوراء لما تمکن الأسد من افتراسه. لو عرف الغزال ان لدیه نقطه قوة فى سرعته کما ان للأسد قوه فى حجمه وقوته لنجى منه .. فکم من الأوقات التفتنا إلى الماضی فافترسنا بإحباطاته وهمومه وعثراته؟؟؟ وکم من خوف من عدم النجاح جعلنا نقع فریسة للفشل؟؟ وکم من إحباط داخلی جعلنا لا نثق بأننا قادرین على النجاة وتحقیق اهدافنا وقتلنا الخوف فی داخلنا ؟؟

هر ایکی طرفین ده حقی وار !!

هر ایکی طرفین ده حقی وار !!
ایندیه دک دوشنوموسوز کی اولا بیلر موقابیل طرفین ده حقی اولسون؟

اؤلندن سونرا وادی‌السلام قبریستانیندا گؤروشریک

	اؤلندن سونرا وادی‌السلام قبریستانیندا گؤروشریک
وادی‌السلام قبریستانی بقیع و ابوطالب قبریستانیندان سونرا دونیا موسلمانلاری‌نین اَن موهوم قبریستانیدیر. ریوایتده گلیب کی مؤمینلرین روحلاری اؤلندن سونرا اورا مونتقیل اولار و دسته-دسته بو قبریستاندا بیر-بیرلریله دانیشار. وادی‌السلام قبریستانی بقیع و ابوطالب قبریستانیندان سونرا دونیا موسلمانلاری‌نین اَن موهوم قبریستانیدیر و خاص موقدّسلیگی واردیر. اورا بیر یئردیر کی ریوایتلره گؤره مؤمینلرین روحلاری اؤلندن سونرا اورا اینتیقال تاپار و اوردا دسته-دسته بیر-بیریله دانیشار و بؤیوک قیامته‌جن اوردا قالار. بو قبریستان جنوبدان ایمام علی‌نین (ع) موطهر حرمینه و نجف-کوفه‌نین اصلی خیابانینا (شارع علی بن ابیطالب), شرقدن نجف – کربلا جادّه‌سینه, شیمالدان حی المهندسین منطقه‌سینه و غربدن سابیق نجف دریاسینا دایانیر. ایمام صادق (ع) بو قبریستانلیق باره‌ده بویوروب: هر مؤمین کی غربده و شرقده دونیادان گئدیر, آللاه اونون روحونو وادی‌السلاما مونتقیل ائدیر. دئیه‌سن گؤرورم مؤمین اینسانلار دسته-دسته بیر-بیری‌نین یانیندا اوتوروب دانیشیرلار. بؤیوک پیغمبرلرین پاک مزاری بو قبریستانلیقدا بللی‌دیر. ایمکانی وار آیری پیغمبرلر ده اوردا اولسونلار آما حضرت هود و حضرت صالح پیغمبرین مزاری قبریستانین اوّلینده گونبذ آلتیندا بالاجا بیر اوتاغین وسطینده یئرلشیب. بحارالانواردا گلیب کی حضرت نوح و ابراهیمین (ع) و حدوداً 370 پیغمبرین قبرلری ایمام علی‌نین (ع) مزاری کناریندا یئرلشیب.

تحصیلاتین موشترک یاشاییشداکی اثری

تحصیلاتین موشترک یاشاییشداکی اثری

ائولنمک معیارلاریندان بیری ایکی طرفین آگاهلیغی و تحصیلاتیدیر, البته تحصیلاتین موثب و یا منفی اثری باره‌ده موختلیف نظرلر وار. ار-آروادین باب اولماسی‌نین بحثی اولاندا, تحصیلی جهتدن باب اولماماغین مطلوب اولمایان اثرلریندن سؤز آچیلیر. 1. هر تحصیل مقطعی‌, مخصوص ایجتیماعی شأن یارادیر کی طبیعی صورتده اینسالار اؤزلرینه یاشاییش یولداشی سئچنده اونو موهوم معیار کیمی نظرده آلیرلار. 2. ایکی طرف تحصیلی جهتدن برابر اولمایان زمان, تحصیلاتی یوخاری اولان طرف موقابیل طرفدن آیری ایمتیازلار آختاریر. 3. هر تحصیل مقطعی (دیپلوم, لیسانس, دؤکتورا و ...) مخصوص دونیا گؤروشو و فیکری فضا یارادیر و بونا گؤره آغ-خانیمین تحصیل جهتدن اوخشار اولماقلاری اونلارین سلقه و دوشونجه باخیمدان اوخشارلیقلارینا اثر قویور. 4. بوتون شراییطده و دونیانین هر یئرینده, تحصیلاتین اوخشار اولماسینا کیشیلرین تحمولی خانیملارا نیسبت داها آزدیر. دؤکتورا سطحینده اولان بیر آغا دیپلوم بیر قیزلا ائولنسه جامیعه‌ده قبول اولونار آما اونون ترسه‌سی یعنی دؤکتوراسی اولان بیر خانیم دیپلوم بیر اوغلانلا ائولنسه جامیعه طرفیندن قبول اولونان بیر عمل دئییل. 5. ایجتیماعی حرکتی اولمایان بیر جامیعه‌ده تحصیلاتین میزانی گلیرین آز-چوخلوغونا باغلیدیر. بئله بیر جامیعه‌ده, آشاغی طبقه‌لره تحصیل ایمکانی آزدیر و تحصیلات, ایجتیماعی ارزیشین چوخالماسی معناسیندا اولور. بئله جامیعه‌لرده تحصیلی اوخشارلیق ایجتیماعی و طبقاتی جهتدن اوخشارلیق معناسیندادیر. 6. شکسیز ایکی آیری-آیری سطحدن اولان اینسانلارین ائولنمه‌سی داها تئز صدمه معرضینده اولور و آیری عامیللر ایضافه‌لشنده طلاقا مونجر اولا بیلر.

تورکیه‌نین قصدی یوخدور سوریه‌ایله جنگ ائلیه/ هئچ کس بیزیم ایراده

	تورکیه‌نین قصدی یوخدور سوریه‌ایله جنگ ائلیه/ هئچ کس بیزیم ایراده‌میزی سینایا بیلمز
تورکیه‌نین باش وزیری بونا تأکید ائله‌مکله کی اؤلکه‌سی‌نین قصدی یوخدور سوریه‌ایله جنگ ائده, دئدی: هئچ کس گرکمز بیزیم ایراده‌میزی مرزلریمز و شهروندلریمیزدن دیفاع ائله‌مکده سیناسین. العربیه‌نین وئردیگی خبره گؤره, "رجب طیب اردوغان" ایران رئیس جومهوری‌نین موعاوین اوّلی‌ایله گؤروشدن سونرا موشترک خبری کونفرانسدا تأکید ائله‌دی کی تورکیه هئچ واخت جنگ دالیسیجان دئییل و تورکیه‌نین جنوب شرقینه خومپاره‌لی حمله‌دن سونرا بو اؤلکه‌نین پارلیمانی, سربازلارین ایستیقرارینی, فقط قاباق آلما عنوانیندا تصویب ائدیب. چرشنبه گونو, ناهاردان سونرا سوریه طرفیندن تورکیه تورپاغینا خومپاره گوللـه‌سی گلدی و نتیجه‌ده دؤردو اوشاق اولان 5 ترکیه‌لی اؤلوب و 9 نفر یارالاندی. بو حمله‌دن سونرا تورکیه ارتشی سوریه تورپاغیندا بعضی نیظامی هدفلری توپا باغلادی و بو حمله‌لرین پنجشنبه سحره‌دک ایدامه‌سی واریدی و نتیجه‌ده سوریه‌ده شیدّتلی پاتلاییشلار اولوب. سوری موخالیفلرین اعلامینا گؤره بو حمله‌لر نتیجه‌سینده ایکی سوریه‌لی نیظامی اؤلوب و بعضیسی‌ده اؤز موضعلریندن دالی قاییدیبلار.