دین خادیمی din xadimi
دین, حکایه, تکنولوژی و ساییر موضوعلاردا یازیلاردین خادیمی din xadimi
دین, حکایه, تکنولوژی و ساییر موضوعلاردا یازیلارصاباح دونیا داغیلیرمی؟
 |
||
|
ناسا گلهجکدن قورخولو خبر وئریب. صاباح دونیانین سونو اولا بیلر. ناسا 2009-جو ایلدن 2012-جی ایلین دونیانین سون اولا بیلجگی حاقیندا خبردارلیق‌لاری ائتمگه باشلاییب. او واخت هله گونشین فعاللیغینی اؤیرنن گروهون موتخصیصلری اؤزلری‌نین قورخودوجو حساباتلارینی درج ائتمیشدیلر: اونلار دونیا سطحینده خطری, گونشدن گؤزله‌دیک‌لرینی دئییب‌لر. اونلارین سؤزلرینه گؤره، گؤرونمه‌میش سطحده اولان پارتلاییش, هسته‌ای ساواش ایله موقاییسه ائدیله بیلر. بو 2012-جی ایلین سپتامبرین 22-ده - یعنی صاباح باش وئرمه‌لیدیر. گونشده‌کی پارتلاییشلارلا باغلی یئر کوره‌سی‌نین الکترو مغناطیس ساحه‌سینده‌کی دگیشیک‌لیک گوجلو الکتریک آخینی یارادا‌جاق. موتخصیص‌لرین حسابلاما‌لارینا گؤره، بوندان 90 ثانییه سونرا آمریکادا 300 اساس ترانسفورماتور یانا‌جاق. نتیجه‌ده 130 میلیون اینسان الکتریکسیز قالاجاق. قاتارلار، آسانسور‌لار و صنایع دایانا‌جاق، طیّاره‌لر یئره دوشه‌جک، سو و ایستیلیک تهجیزاتی دایانا‌جاق. رادیو سوسا‌جاق، تیلویزیونلار گؤسترمه‌یه‌جک، رابطه ایته‌جک... بو خطرلی گلهجکدن قورخان آمریکا‌لی‌لار حتی 2010-جو ایلده فضایا مخصوص ماهواره - «سدو» گؤندریبلر. او، بئش ایل عرضینده گونشی ایزله‌یه‌جک، اونون تصویرلرینی گؤتوره‌جک و دقیقه‌ده 60 تصویر گؤندره‌جک. تصویرلرین کیفیتی 16 میلیون پیکسئلدیر. دوزدور، هله‌لیک «سدو» قورخولو هئچ نه گؤندرمه‌ییب، بونا گؤره ده یئرده‌کی ساکینلری خطر باره‌ده خبردار ائتمه‌ییبلر. قاباقدا دا بیر گون وار. روسیانین دولت دانیشگاهی‌نین رصدخاناسی‌نین مودورو، فیزیک-ریاضیات علملری دوکتورو سرگئی یازئو ناسانین پیش‌بینلیغینی غیری حرفه‌ای آدلاندیریب. "دونیادا هئچ کیم گونشده‌کی پارتلاییشلاری هئچ بیر آی اوّلدن دئیه بیلمز، هله قالدی 3 ایل اؤنجه‌دن". اونون سؤزلرینه گؤره، ایندی گونشده فعاللیق چوخ یوکسک سطحده دئییل. "اعتراف ائدیم کی، بیر موتخصیص کیمی ایندی منه اورایا باخماق بئله ماراقلی دئییل. گونشده ایندی‌ده لکه‌لر وار، آنجاق اونلار ائله‌ده بؤیوک دئییل.» روس موتخصیص بیلدیریب کی، هئچ بیر جیدی ژئوفیزیک موتخصیصی بو پیش‌بینلیقلا راضی‌لاشا بیلمز. بیزیم ایشیقسیز قالماغیمیز اوچون هله هئچ واخت گؤرمه‌دیگیمیز پارتلاییش لازیمدیر.» | ||
سیگار چکنلرین یوخولاریندا ایختیلال چوخ اولور
|
|
||
|
آلماندا ایکی مین نفردن چوخ اینسانین اوستونده آپاریلمیش تحقیق گؤرسدیر کی دوخانیات مصرف ائدنلرین گئجه‌لر یوخلاماقدا موشکوللری وار و آیریلارلا موقاییسه‌ده یوخولاری آرام اولمور. موحقیقلر بیلیبلر کی بو تحقیقده شیرکت ائدنلرین 1100 نفری‌نین یوزده 17-سی گئجه‌لر 6 ساعتدن آز یاتیرلار و یوزده 28-نین یوخو کیفیتی پریشاندیر. استفان کوهرس بو تحقیق باره‌ده یازدیغی علمی مقاله‌ده دئییر: بو تحقیق بیرینجی دفعه‌دیر کی سیگار چکنلر و چکمه‌ینلرین یوخولارینی تحقیق ائدیر. تحقیق اولان گروه ائله آداملار ایدیلر کی هئچ جوره روحی ایختیلال سابیقه‌لری یوخیدی و ایطمینان اوچون بالقوه ریسکلی عامیللر ده کونترول اولوب. بو تحقیقین نتیجه‌لری تکلیکده گؤرسده بیلمز کی سیگار چکمک موستقیم صورتده یوخونو موختل ائدر, نیه کی ایمکانی وار بو آداملارین بعضیسی‌نین آیری عادتلری ده اولسون کی اونلارین یوخولارینا تأثیر ائده. بو عادتلردن گئجه یاریسینادک تیلویزیون قاباغیندا قالماق و یا بیر آز فیزیکی فعالیت اولماقدیر کی راحت بیر یوخویا سبب اولار. آما آیری طرفدن دئمک اولار بو تحقیق گؤرسدیر کی نیکوتینین تحریک ائدن اثری بو ایختیلالا سببی اولور. یوخو کیفیتی چوخ آشاغی اولانلارین چاقلیق, دیابت و اورک ناخوشلوقلاری کیمی موشکوللری‌ده اولار بیلر. بو تحقیقده 1071 نفر سیگار چکن و 1243 نفر سیگار چکمه‌ین کی بئیینلرینده هئچ موشکول یوخیدی, شیرکت ائله‌میشدیلر. بئیین موشکولونه بو قدر تأکید ائله‌مک بونا خاطیر ایدی کی اولا بیلر بئیین موشکولو یوخودا ایختیلال یاراتسین و یا سیگار چکمگه ریغبت یاراتسین. | ||
آغاج و اوغلان
|
|
||
|
قدیم زمانلار بیر بؤیوک آلما آغاجی واریدی. و بالاجا اوشاق واریدی کی گلیب او آغاجین اطرافیندا اویناماغی سئوردی. اونون اوستونه دیرماشیب میوه‌سیندن یئیردی و کؤلگه‌سینده یاتاردی. اوغلان او آغاجی او قدر سئوردی کی ائله بیل آغاج‌دا اونونلا اوینور. زمان سووشدو و اوغلان بؤیودو و داها قاباقکیلار کیمی اونون اطرافیندا اویناماغا گلمه‌دی. بیر گون جوان آغاجین یانینا گلدی و غملی گؤروشوردو. آغاج اونا دئدی: «گل منله اوینا!» اوشاق جواب وئردی: «من داها اوشاق دئییلم, من داها آغاج اطرافیندا اویناماغا گلمه‌میشم. آیری اویناتمالی ایستیرم و اونو آلماغا پولا احتیاجیم وار.» آغاج جواب وئردی: «موتأسیفم, منیم پولوم یوخدور. آما ائلیه بیلرسن منده اولان بوتون آلمالاری دره‌سن و اونلاری ساتماغینان پول قازاناسان.» جوان چوخ سئویندی و آلمالارین هامیسینی دریب سعادته چاتدی. جوان آلمالاری دریب گئدندن سونرا قاییتمادی و آغاج غوصّه یئییردی. گونلرین بیر گونو همان جوان قاییتدی و ایندی کیشی اولموشدو. آغاج چوخ سئویندی و دئدی: «گل منله اوینا !» یئنه گؤزلنیلن جواب, ایمتیناع اولدو: «منیم اویناماق گوجوم قالماییب, عاییله‌مه گؤره ایشله‌مگیم لازیمدیر. بیزیم بیر ائوه احتیاجیمیز وار کی اوندا اوتوراق. منه کؤمک اولا بیلرسن؟» آغاج جواب وئردی: «موتأسیفم منده ائو یوخدور. آما ائلیه بیلرسن منیم بوداقلاریمی کسه‌سن و اؤزونه ائو دوزلده‌سن !» کیشی آغاجین بوتون بوداقلارینی کسدی و سئویندی. آغاج اونو سئوینجاق گؤرنده شاد اولدو. آما کیشی یئنه اونا قاییتمادی و آغاج تازادان تک قالدی و غوصه‌یه جومدو. گونشلی و ایستی بیر گون کیشی قاییتدی و آغاج اونو گؤرمکدن سئوینیب همیشه‌یه تای, دئدی: «گل منله اوینا !» کیشی جواب وئردی: « من یاشلی بیر آدامام و ایستیرم ایستیراحت اوچون دریایا گئدم. منه قاییق وئره بیلرسن؟» آغاج جواب وئردی: «منیم گؤوده‌می قاییق دوزلتمگه ایستیفاده ائله. شاید اوزاق دریا سفرینه چیخدین و سعادتلی اولدون !» کیشی قاییق دوزلتمک اوچون آغاجین گؤوده‌سینی کسدی. کیشی دریا سفرینه چیخدی و اوزون مودته‌دک قاییتمادی. سون واختلار کیشی ایللر سونرا قاییتدی. آغاج اونا دئدی: « اوغلوم من موتأسیفم کی هئچ نه‌ییم یوخدور کی سنه وئرم. حتّا سنه بیر آلما دا وئره بیلمیرم.» کیشی جواب وئردی: «ناراحتچیلیغا یئر یوخدور منده اونو یئمگه دیش یوخدور.» آغاج دئدی: «گؤوده‌م ده یوخدور کی اونا دیرماشاسان.» کیشی جواب وئردی: «ایندی او ایشه بؤیوموشم.» سونرا آغاج گؤز یاشلاری آخا-آخا ایضافه‌لتدی: «دوغرودان دا من سنه بیر شئی وئرمکدن عاجیزم. منده قالان تکجه ریشه‌لریمدیر کی اونلار دا اؤلمکده‌دیرلر !» سونرا کیشی دئدی: «منیم آرتیق بیر شئیه احتیاجیم یوخدور. منیم ایستدیگیم بیر یئردیر کی اوردا راحت اولام. بو قدر ایلی چتینلیق چکمیشم. قوجا آغاجین ریشه‌لری لاپ یاخشی یئردیر کی اونا دایانیب دینجلم.» آغاج دئدی: « گل اوتور یانیمدا و دینجل !» کیشی اوتوردو و آغاج سئوینج گؤز یاشلاری ایچینده گولومسه‌دی.
حیکمت: آغاج آتا-آنا کیمیدیر. اوشاق اولاندا اونلارلا اویناماغی سئویریک و بؤیوگندن سونرا اونلاری ترک ائدیریک و بیر شئیه احتیاجیمیز اولمادان قاییتمیریق. و البته شک یئری یوخدور کی آتا-آنا صمیم قلبدن ارزیشلی زادلارینی اوشاقلارینا –کی اونلارین گؤزونده هله‌ده اوشاقدیلار- وئررلر. | ||
ایسلام ضیدینه اولان بو حرکتلر, دونیا اهلی‌نین موسلمان اولماسی‌نی
|
|
||
|
غربلیلرین ایسلاملا موباریزه‌سی بونا خاطیردیر کی همیشه نیگراندیلار مسیحی و یهودیلر ایسلاما اوز گتیرسینلر و ایسلام ضیدینه اولان بو حرکتلر, دونیا اهلی‌نین موسلمان اولماسی‌نین قاباغین آلماغا گؤره‌دیر. غرب دونیاسی‌نین ایسلاملا موباریزه‌سی, فیکری نظردن قرنلر قاباغا قاییدیر و ریشه‌سی یهودیتله مسیحیتین ایسلاملا ضیدّیتینه یئتیشیر. حقیقتده بو ضیدیت بو نیگرانچیلیقدان چیخیر کی اولمایا یهودیلر و مسیحیلر موسلمان اولسونلار. توهین ائدن فیلیمده بو مسأله اساس هدف توتولوب. بونلارین ایشلتدیکلری یول ایسلامین تاریخ و مفهوملارینی تحریف ائله‌مکدیر و بو یولدا, تاریخ بویو چالیشیبلار کی ایسلامی خشین و شمشیرله یاییلمیش دین تانیتدیرسینلار و بئله ایلقا ائده‌لر کی ایسلامی تعلیمات موسلمانلاری غیری اینسانی حرکتلره وادار ائدیر و ائله بو فیلیمده ایستیر ایلقا ائله‌سین کی موسلمانچیلیق خشونت و غیری اینسانی رفتار صاحیبی اولماق دئمکدیر. هرچند کی غربین موستشریقلر و ایسلام شیناسلاری چالیشیبلار کی بیر سئری ایسلامی مفهوملاری تحریف ائله‌سینلر و غیری موناسیب صورتده ایرائه وئرسینلر و میثال اوچون ایسلامدا اولان جهاد مفهومونو منفی تفسیر ائله‌سینلر. آما هر زمان کی موسلمان عالیملرین یازیلاری اونلارین یازیلاری‌نین کناریندا قویولدو ایدعالاری‌نین فایداسیز و بوش اولدوغو بللی اولدو. اونلار همیشه چالیشیبلار پیغمبر اکرمین (ص) شخصیتینه حمله ائله‌سینلر و موبارک وجودی رحمةللعالمین اولان او حضرته, اهانت ائدیب تاریخ و سیره‌سینی تحریف ائله‌سینلر. بو فیلمده‌ده بو ایش لاپ کیفیر صورتده و اینسانی و ایسلامی معیارلاردان کنار, مطرح اولوب. ائله کی بو فیلمده پیغمبره (ص) نیسبت وئریلمیش عمللر هئچ کرامتلی اینسانا یاراشان دئییل. غرب چالیشیر ایسلام مفهوملاری و تاریخینی منفی گؤرستمکله اؤز خیالینا خالیص ایسلامین دوشونجه‌سی‌نین یاییلماسی‌نین قاباغین آلسین. بو چالیشمالار ایندی چوخ آیدین آشکار گؤرونور و اگر بوندان قاباق شیطانی آیه‌لر کیتابی لفّافه‌سینده پیغمبره بو نیسبت وئریلیردی کی نعوذ بالله او حضرت وحی آلاندا شیطانین‌دا تلقینلرین آلیردی, ایندی ایش او یئره یئتیشیب کی آشکار صورنده او حضرته لاپ کیفیر نیسبتلر نیسبت وئریلیر. | ||
ائولنمکدن قاباق تردید اولسا بوشانماق احتیمالی چوخالار
|
|
||
|
تازا بیر تحقیق گؤرسدیر کی خانیملار ائولنمکدن قاباق, آغالاری ایله ائولنمکده تردید ائله‌سه‌لر, ایمکانی وار گله‌جکده اونلارلا ایختیلافلاری چیخا. لایو ساینسین دئدیگینه گؤره بو تحقیق ائدن آمریکالی موحقیقلر دئییرلر کی جماعت بئله اینانیر کی اولا بیلر کی هر بیر کس ائولنمکدن قاباق تردید ائله‌سین و بو نیگرانچیلیغا سبب اولا بیلمز. آما بو موحقیقلرین تحقیقی گؤرسدیر کی بو جور تردیدلر راییج‌ده اولسا عاقیبتلری حتماً خوش اولمور. بو تحقیقده بللی اولدو کی ائولنمکدن قاباق تردیدلری اولان خانیملارین بوشانما احتیمالی آیریلارینا نیسبت 2.5 برابر ایدی. هابئله ائولنمکدن قاباق تردیدلری اولان ار-آروادلار کی 4 ایل سونرا هله‌ده موشترک یاشاییشلارینا ایدامه وئریردیلر, یاشاییشلاریندان ریضایتلری تردیدسیز جوتلوقلاردان چوخ-چوخ آز ایدی. بو موحقیقلر لوس آنجلسده 222 جوتلوغو ائولنمگین اوّل آیلاریندا و سونرا آلتی آیدان دؤرد ایله‌دک تحقیق ائله‌دیلر. بو موحقیقلر دئیرلر هر چند ائولنمکدن قاباقکی تردید حتماً آیریلماغا محکوم ائله‌مز آما اونلارین دئدیگینه گؤره زوجلار گرک ائولنمکدن قاباقکی تردیدلری حل ائده‌لر. | ||
یاشاییش بیزیم اینعیکاسیمیزدیر
|
|
||
|
حکایت اولوب کی بیر حیکمتلی کیشی اوغلو ایله بیرلیکده شهردن ائشیگه چیخیر کی اونا شهرین شولوقلوغو و نیگرانلیغیندان اوزاق تمیز هاوادا یاشاماغین راحاتلیغینی تانیتدیرسین. ایکی بؤیوک دره‌دن کئچدیلر کی اوجا داغلا اونو احاطه ائله‌میشدی. دولانماق اثناسیندا اوغلان زویدو و دیزلری اوسته ییخیلدی. اوشاق اونون اثرینده آغریسینی نیشان وئرمک اوچون اوجادان قیشقیردی: آآآآه او حئینده اوزاقدان اونون دردینه شریک اولان و اونون سسینه اوخشار بیر سس دئدی: آآآآه اوشاق آغریسینی یاددان چیخاردیب تله‌سیک حالدا سسین گلن یئریندن سوروشدو: سن کیمسن؟؟ اونون سوآلینا جواب بئله گلدی: سن کیمسن؟؟ اوشاق بو موباریزه‌دن (موقابیل طرفین جواب قایتارماسیندان) ناراحات اولدو و تأکیدله سوروشدو: آما من سندن سوروشورام؟ و تازادان همان قودرت و آیدینلیقدا جواب گلدی: آما من سندن سوروشورام؟ بو قارشیلیقلی دانیشیقدا بیر شئی الده ائده بیلمه‌ین اوغلان اوشاغی حیرصلی-حیرصلی قیشقیردی: «سن قورخاقسان.» و یئنه سس همان گوجله اونا قاییتدی: «سن قورخاقسان.» بالاجا بیلدی کی حیکمتلی آتاسیندان -کی اونون یانیندا بونسوز کی اوغلونون اویونوندا دخالت ائده, دایانمیشدی - یاشاییشین تازا بیر فصلینی اؤیرنمگه احتیاجی وار. . . اوغلان یامانلارین شیدّتلنمه‌سی چوخالمامیشدان اعصابینا موسلط اولدو و میدانی آتاسینا بوراخدی کی بو درسی اؤیرتمگه فورصتی اولسون. آتا –همیشه کی کیمی- حادیثه‌یه حیکمتله یاناشدی و اوغلوندان ایسته‌دی کی بو دفعه‌کی جوابا دیقّت ائده و قیشقیردی: «من سنه احتیرام قاییلم» و سس همان ویقارلا جواب وئردی: «من سنه احتیرام قاییلم» اوغلان جواب وئرنین لحنی‌نین دگیشمه‌سیندن تعجوب ائله‌دی . .آما آتا دانیشماسینا ایدامه وئردی: «سن نه حیرت آمیزسن» و عیبارت تازادان قاییتدی: «سن نه حیرت آمیزسن» اوشاق ائشیتدیگیندن تعجوب ائله‌دی آما جوابین دگیشمه‌سی‌نین سیرّینی بیلمه‌دی. اونا گؤره ساکیت اولدو و گؤزله‌دی کی آتاسی اونو آچیقلاسین. آتاسی توضیح وئردی: «اوغلوم! بیز فیزیکده بو طبیعی وارلیغا «ائکو» آدی وئریریک . . . آما حقیقتده بو یاشاییشین اؤزودور . . .یاشاییش سنه او قدر وئرر کی سن اونا وئریبسن . . .اونا احتیرام قویدوغون میقدار سنه احتیرام ائدر . . .یادیندا ساخلا کی هر نه اکسن اونو دا بیچرسن.»
الحیاة انعکاس لنا یحکى أن أحد الحکماء خرج مع ابنه خارج المدینة لیعرفه على تضاریس الحیاة فی جوٍ نقی ، بعیداً عن صخب المدینة وهمومها. سلک الاثنان وادیاً عمیقاً تحیط به جبال شاهقة ، وأثناء سیرهما تعثر الابن فی مشیته فسقط على رکبته، صرخ الطفل على إثرها بصوتٍ مرتفع تعبیراً عن ألمه :آآآآه فإذا به یسمع من أقصى الوادی من یشاطره الألم بصوتٍ مماثل :آآآآه نسی الطفل الألم وسارع فی دهشةٍ سائلاً مصدر الصوت : ومن أنت؟؟ فإذا الجواب یرد علیه سؤاله : ومن أنت ؟؟ انزعج الطفل من هذا التحدی بالسؤال فرد علیه مؤکداً .. : بل أنا أسألک من أنت ؟ ومرة أخرى لا یکون الرد إلا بنفس الجفاء والحدة : بل أنا أسألک من أنت؟ فقد الابن الطفل صوابه بعد أن استثارته المجابهة فی الخطاب .. فصاح غاضباً ” أنت جبان” وبنفس القوة یجیء الرد ” أنت جبان ” …. أدرک الصغیر عندها أنه بحاجة لأن یتعلم فصلاً جدیداً فی الحیاة من أبیه الحکیم الذی وقف بجانبه دون أن یتدخل فی المشهد الذی کان من إخراج وبطولة ابنه .. قبل أن یتمادى فی تقاذف الشتائم تملک الابن أعصابه وترک المجال لأبیه لإدارة الموقف حتى یتفرغ هو لفهم هذا الدرس ، فتعامل - الأب کعادته - بحکمةٍ مع الحدث .. وطلب من ولده أن ینتبه للجواب هذه المرة وصاح فی الوادی : ” إنی أحترمک ” فجاء الصوت بنفس نغمة الوقار ” إنی أحترمک ” .. عجب الابن من تغیّر لهجة المجیب .. ولکن الأب أکمل المساجلة قائلاً: ” کم أنت رائع ”فجاء الرد على تلک العبارة الراقیة بقول الصوت ” کم أنت رائع ”. ذهل الطفل مما سمع ولکن لم یفهم سر التحول فی الجواب ولذا صمت بعمق لینتظر تفسیراً من أبیه فعلّق الوالد الحکیم على الواقعة بهذه الحکمة : "بنی : نحن نسمی هذه الظاهرة الطبیعیة فی عالم الفیزیاء (صدى ) .. لکنها فی الواقع هی الحیاة بعینها .. إن الحیاة لا تعطیک إلا بقدر ما تعطیها .. ولا تحترمک إلا بمقدار ما تحترم نفسک منها...وتذکر أنک تحصد ما تزرعه". | ||
یئر کوره‌سی اوچ آیدان سونرا محو اولاجاق‌می؟
|
|
||
|
Normal 0 21 false false false TR X-NONE AR-SA MicrosoftInternetExplorer4
2012-جی ایله گؤره عجیب نظریه‌لرین بیری یئرین اوچ گونده داغیلماسی و یا قارانلیغا بورونمه‌سیدیر کی تازالیقدا ایمئیل صورتینده جماعته گؤندریلیر و بو ایمئیلده ناسانین وب صفحه‌سینه بیر لینک قویولوب. بو عجیب نظریه دئییر کی گونش, یئر و سامان‌یولو کهکشانین مرکزی بیر-بیریله تاراز اولاجاق و بو آرادا یئر کوره‌سی صدمه گؤره‌جک. و یا بو ایمئیلین دئدیگینه گؤره یئر اوچ گون بویو قارانلیقدا قالاجاق. بو ایمئیلده بئله یازیلیر: «ناسا اؤن گؤروب کی 2012-جی ایلین دسامبرین 25-23 ده(91-جی ایلین دی آیی‌نین اوچوندن بئشینه‌دک) کائیناتین تاراز اولان واختی, یئر اوزو اوچ گونه‌دک قارانلیغا بورونه‌جک. آمریکالی عالیملر یئر کوره‌سینده اوچ گون بویو قارانلیغی اؤن گؤروبلر. بو, دونیانین آخیری دئییل. دونیانین بو جور تارازلانماسی بیرینجی دفعه‌دیر کی اولور. یئر ایندیکی وضعیتیندن –کی اوچونجو بویوتدادیر- صیفر بویوتا دگیشه‌جک و سونرا دؤردونجو بویوتا گئده‌جک. بو کئچیدده دونیا بؤیوک دگیشمه‌ایله اوزله‌شه‌جک و بیز تازا بیر دونیانی گؤره‌جه‌ییک. بو قارانلیق گونلرده آرامیشی ساخلاماق, بیر-بیرینی قوجاقلاماق, عیبادت و یوخو اَن یاخشی گؤرولمه‌لی ایشلردیر. بو واقیعه‌دن سونرا دیری قالانلار تازا بیر دونیا ایله اوز به اوز اولاجاقلار و تأسوفله بو مسأله‌دن قورخانلار اؤله‌جکلر!» بو ایمئیلین آخیرینده مسأله‌نی ایناندیرماق اوچون ناسانین سایتیندان بیر لینک گتیریلیب. ایندی حقیقت نه‌دیر و بو ایمئیلین دالیسیندا کیملر وار بللی دئییل. قیش اینقیلابی زمانی یئر, گونش و قارانلیق دلیگین تارازلیغی‌نین تأثیرلریندن 2012-جی ایلینده چوخلو شایعه‌لر یاییلدی کی بودا اونلارین بیریدیر. زلزله, سونامی, سئل و هاوالارین غیری عادی دگیشمه‌سی بو شایعه‌لردندیر کی اونلاری بو مسأله‌یه ربط وئریرلر. | ||
پخیل آداملار همیشه افسورده اولورلار
|
|
||
|
روانشیناسلار دئییرلر کی همیشه ناراضی اولماق, یکسره افسورده اولماق, همیشه حیرصلی و غضبلی اولماق, پخیل آداملارین خیصلتلریندن اولور. بئله آداملار «هر شئیدن تماماً ناراضی اولما» ناخوشلوغونا موبتلا اولورلار. پخیل آدام همیشه ناراضی اولار یعنی شادلیقدا دا غوصّه‌ده ده حالی دگیشمز. پخیل آدام همیشه افسورده اولار و هئچ زاددان, نه قدر ده یاخشی اولسا, لذّت آپارماز و فیکری همیشه اؤزگه‌لرین تازا زادلاریندا اولار و اؤز یاخشی‌لیقلارین و مزیّتلرین گؤرمز. پخیل آدام هر او زادا کی اونا پخیللیک ائدیر, غضبلنر و اورگینده همیشه درد اولار. | ||
عینادکار اووچو
|
|
||
|
بئش ایل قاباق ایشلر بالیقچی‌نین اورگینجه ایدی. گون چیخاندا گئدردی و گون‌اورتا چاغی چوخلو بالیقلا قاییداردی. دریایا جومماغا احتیاجی اولموردو و بوتون بالیقلار دریا قیراغیندا اونا چاتیردی. بو اونون ایشینی چوخ راحاتلاتمیشدی. آما, بیر آی سونرا داها چوخلو بالیق اوولایانمادی. او هر گئجه تقریباً الی بوش قاییدیردی. لاکین بالیقچی دوستلارینا دئدی: «من عینادکارام, و تصمیمیم وار صاباح بالیقلا قاییدام.» گونلر کئچدی و اووچو یئنه‌ده الی بوش قاییدیردی آما موصممدیر و حتّا ایندیه دک همان یئره گئدیر و بالیقچیلیق ائدیر! هر حالدا, دئییلیر کی 5 ایلدیر کی او همان یئره گئدیر و الی بوش قاییدیر ! بو بالیقچی بیلمیر کی او منطقه بیر آز کثیف اولوب و بالیقلار اورا یاخینلاشمیر. یاخشیسی بودور کی بیر آز دریانین ایچینه طرف گئده (ساحیلدن اوزاقلاشا) نه اینکی عادت ائله‌دیگی یئرده بالیق توتا. عیبرت: بو تنبللیک و راحاتلیق منطقه‌سیدیر. بئله گومان ائدیریک کی غلبه‌یه عینادیمیز وار, آما مسأله بئله‌دیر کی بیز عادتیمیزه راضی اولوروق. غلبه‌یه عینادکار اولان آدام اونا چاتماغا چالیشار و اوتوروب اونو گؤزله‌مز.
الصیاد العنید قبل خمس سنوات کان کل شیء على ما یرام مع الصیاد الماهر، کان یذهب فجراً ویعود ظهرا ومعه صیده الثمین، لم یکن بحاجة للخوض فی البحر فکل السمک کان یصل إلیه على أطراف البحر، مما سهل مهمته کثیراً. ولکن، ومنذ شهر فقط لم یعد یجد السمک الوفیر هناک، فهو یکاد یعود خالی الوفاض کل لیلة لکن الصیاد قال لأصحابه " أنا عنید، وسوف أصمم على أن أعود بالسمک غداً". مرت الأیام والصیاد یعود خالی الوفاض لکنه مصمم حتى الآن على أن یعود لنفس المکان ویعود بصیده! على أی حال، یحکى أنه بعد 5 سنوات توجه إلى هناک أیضاً وعاد خالی الوفاض! لم یعلم هذا الصیاد بأن هناک تلوثاً زیتیاً طفیفاً جعل الأسماک لا تقترب، کان مطلوب منه فقط الخوض قلیلاً فی البحر أکثر مما اعتاد لیعود بصیده. العبرة : هذه هی منطقة الراحة، نوهم أنفسنا بأننا عنیدون على النجاح وما المسألة إلا ارتیاح لما اعتدناه، العنید من أجل النجاح یسعى إلیه ولا ینتظره!. | ||
ضعیفلیگینده قودرت وار
|
|
||
|
بیر اون یاشلی اوغلان بونونلا بئله کی سول قولونو قورخولو بیر ماشین چاققیشماسیندا الدن وئرمیشدی, تصمیم توتور تکواندو اؤیرنسین. اوغلان یاشلی بیر ژاپونلی موربّی ایله درسه باشلادی. اوغلان یاخشی قاباغا گئدیردی, آما فقط باش تاپمیردی کی درسدن اوچ آی کئچمه‌سینه باخمایاراق نیه اوستاد اونا تکجه بیر حرکت اؤرتمیشدی. نهایتده اوغلان موربّی‌سینه دئدی: «نیه منه آیری حرکتلر اؤیرتمیرسن؟» اوستاد دئدی: «بو اؤیرندیگین بیر حرکت, تکجه حرکتدیر کی همیشه اونا احتیاجین اولاجاق.» اوغلان موربّی‌نین منظورون بیلمه‌دی, آما اونا اینامی اولدوغو اوچون تمرینلرینه ایدامه وئردی. نئچه آیدان سونرا اوستاد اونو بیرینجی موسابیقه‌یه آپاردی. اوغلانی تعجوبلندیرن زاد او ایدی کی اوّلده‌کی ایکی موسابیقه‌نی اوتدو. اوچونجو موسابیقه بیر آز چتین‌ایدی, آما زمان کئچدیکجه, رقیب صبرینی الدن وئردی و غضبلندی؛ اوغلان بو موباریزه‌نی‌ده تکجه حرکتی‌ایله غالیب اولدو.
اوغلانین غالب گلدیگینه گؤره تعجوبو چوخالدی, و ایندی اوغلان آخیرینجی موسابیقه‌یه یئتیشمیشدی. بو دفعه رقیب اوندان داها بؤیوک, داها گوجلو, داها هئیکللی و داها تجروبه‌لی ایدی. بیر زمانادک بئله نظره گلدی کی اوغلان اوتوزاجاق. داوَر بونون قورخوسوندان کی اوغلانا صدمه دَیسین, ایستیراحت واختی اعلام ائله‌دی. و ایستیردی کی موسابیقه‌نی دایاندیرسین کی موربّی ایصرارلا دئدی: «یوخ, ایجازه وئرین ایدامه وئرسین.» موسابیقه‌نین باشلانیشیندان بیر آز کئچمیشدی کی رقیب اؤلومجول بیر ایشتیباه ائله‌دی کی اونون مودافیعه‌سینی ایشدن سالدی. و فوراً اوغلان تکجه حرکتینی ایشله‌دیب و رقیبینی مغلوب ائله‌دی. و اوغلان نهایی موسابیقه‌نی‌ده قازاندی و قهرمان اولدو. قاییدان باش اوغلان و موربی بوتون موسابیقه‌لرده‌کی حرکتلری آراشدیریردیلار. سونرا اوغلان شوجاعتینی بیر یئره ییغیب اونو ناراحات ائتدن سوآلی اوستاددان سوروشدو: «من نئجه بوتون موسابیقه‌لری تکجه بیر حرکتله اوتدوم؟» موربّی جواب وئردی: «سن ایکی سببه گؤره اوتدون. بیرنجیسی: سن جودونون اَن چتین حرکتلری‌نین بیرینه موسلط ایدین. و ایکینجی سبب: او حرکتین دیفاعسی تکجه معروف حرکت بودور کی حریف سنین سول قولوندان یاپیشا.» اوغلانین اَن ضعیف نوقطه‌سی اَن گوجلو نوقطه‌سینه چئوریلمیشدی. بیزیم هر بیریمیز موهوم و مومتازیق. بونا گؤره هئچ واخت بئله فیکر ائله‌مه‌کی سن ضعیفسن و مأیوس اولما. تکجه اؤز یاشاییشینی یاشا و ایمکانلاریندان اَن یاخشی صورتده ایستیفاده ائله.
فی ضعفک قوة
قرر صبی یبلغ من العمر 10سنوات تعلم الجودو على الرغم من حقیقة أنه قد فقد ذراعه الیسرى فی حادث سیارة عنیف. وبدأ الصبی الدروس مع مدرب جودو یابانی مسن. کان أداء الصبی حسناً، إلا أنه لم یستطع أن یفهم لماذا بعد ثلاثة أشهر من التدریب لم یعلمه المدرب سوى حرکة واحدة فقط . أخیراً قال الصبی لمدربه : لماذا لا أتعلم حرکات أخرى؟، قال المدرب: هذه هی الحرکة الوحیدة التی تعرفها، ولکنها الحرکة الوحیدة التی سوف تحتاجها دائماً وأبداً. لم یفهم الصبی ما یقصد المدرب، لکنه کان یؤمن بمدربه، لذا استمر الصبی فی التدریب. بعد عدة أشهر، أشرک المدرب الصبی بالبطولة الأولى له. وکان مما أدهش الصبی، أنه فاز بسهولة فی المباراتین الأولیین. کانت المباراة الثالثة أکثر صعوبة، ولکن مع مرور الوقت، فقد خصمه الصبر واشتاط غضباً؛ واستطاع الصبی الفوز بالمباراة باستخدامه حرکته الوحیدة بإتقان. زاد اندهاش الصبی بنجاحه، ووصل الصبی الآن للمباراة النهائیة فی البطولة. هذه المرة، کان منافسه أکبر منه وأقوى منه وأضخم منه وأکثر خبرة. لبعض الوقت، بدا أن الصبی سوف یخسر. وخوفاً أن یقع ضرر کبیر على الصبی، قام الحکم بإعطاء استراحة. وکان على وشک إیقاف المباراة عندها تدخل المدرب بأصرار قائلاً : "لا"، وأصر "دعه یستمر" . بعد وقت قصیر من استئناف المباراة، ارتکب الخصم خطئاً قاتلاً لقد استغنى عن وضعه الدفاعی. وعلى الفور، استخدم الصبی حرکته الوحیدة وثبت خصمه. لقد فاز الصبی بالمباراة وبالبطولة. وأصبح البطل. فی طریق العودة، استعرض الصبی والمدرب جمیع الأحداث فی کل المباریات فى مراجعة کل حرکة فى کل مباراة. ثم استجمع الصبی شجاعته وسأل عن ما یشغل باله. "، کیف فزت فی البطولة بحرکة واحدة فقط؟" أجابه المدرب "لقد فزت لسببین اثنین. الأول: لقد کنت تتقن واحدة من أصعب الحرکات فی الجودو على الإطلاق. والسبب الثانی: أن الحرکة الدفاعیة المعروفة والوحیدة لتلک الحرکة هو أن یمسک منافسک بذراعک الیسرى". لقد کانت أکبر نقطة ضعف للصبی هی أکبر نقاط قوته. کل واحد منا ممیز ومهم، لذا لا تعتقد أبداً أنک ضعیف ولا تغتر بنفسک ولا تشعر بالأسى ، فقط عش حیاتک على أکمل وجه وقدم أفضل ما لدیک ! شکراً لبلال أدم على نقله القصة لنا. | ||
صاندیقدان ائشیکده‌کی فیکر
|
|
||
|
دانمارکین کوپنهارک دانیشگاهی‌نین فیزیک ایمتحانیندا بئله بیر سوآل گلمیشدی: گؤی‌دلنین اوجالیغینی بارو مترله (هاوانین فیشارین اؤلچمگه بیر جیهاز) نئجه اؤلچمک اولار؟ دوز جواب: یئر اوزونده‌کی هاوا فیشاری و گؤی‌دلنین دامینداکی هاوا فیشارین موقاییسه ائله‌مکله. جوابلارین بیری فیزیک اوستادین ائله غضبلندیردی کی او شخصین آیری سوآللارینا باخمادان و اونلاری غلط حسابلادی. غضبلندیرن جواب بئله‌ایدی: بارو متری اوزون بیر ایپه باغلاریق و ایپی گؤی‌دلنین اَن اوجا نوقطه‌سیندن یئره ساللاریق تا کی یئره چاتسین. سونرا ایپین اوزونلوغون اؤلچریک . . . اوستاد غضبلندی چونکی اؤیرنجی گؤی‌دلنین اوجالیغینی ایبتیدایی یوللارلا اؤلچمک ایسته‌میشدی کی اصلاً فیزیک و بارو متره ایرتیباطی یوخیدی. اؤیرنجی اعتیراض ائدیردی کی جوابی 100% دوزدور و دانیشگاهدان ایسته‌دی قانون اساسیندا بو قضیه‌نین حلّینی بیر خوبره آداما تاپیشیرسین . . . حؤکمون نتیجه‌سی بئله اولدو کی اؤینجی‌نین جوابی دوزدور آما اونون فیزیکدن بیر شئی بیلمه‌سینه دلالت ائله‌میر. و موقرر اولدو کی اؤیرنجی‌یه آیری فورصت وئریله کی فیزیکدن بیر شئی بیلدیگینی ثابیت ائده . . . سونرا قاضی همان سوآلی اوندان شفاهی صورتده سوروشدو. اؤیرنجی بیر آز فیکیرلشیب دئدی: «گؤی‌دلنی اؤلچمگه ذهنیمده چوخلو یوللار وار آما بیلمیرم هانسینی سئچم.» قاضی دئدی: «هر نه ذهنینده وار دئنه.» اؤیرنجی جواب وئردی: «اولا بیلر بارو متری گؤی‌دلنین دامیندان یئره آتاق, و بارو مترین یئره یئتیشه‌نه‌جن صرف اولان واختی حسابلایاق و سونرا گؤی‌دلنین اوجالیغینی حسابلاماق اولار. یئرین جاذیبه قانونوندان ایستیفاده ائتمکله. گون چیخاندا, اولا بیلر بارومترین اوجالیغی ایله گؤی‌دلنین کؤلگه‌سی‌نین بویونو موقاییسه ائتمکله اونون اوجالیغی‌نین اندازه‌سینی بیلک. ایکی جیسمین کؤلگه‌لری و اؤزلری‌نین اوزونلوغونو اؤلچمک قانونو ایله. آما ایسته‌سک کی راحت یوللا اونو تاپاق و ذهنیمیز آسوده اولسون, بارو متردن ایستیفاده ائله‌مکله اَن یاخشی یول بودور کی گؤی‌دلنین نیگهبانینا دئیک: «بو تازا بارو متری سنه هدیه وئریریک بو شرطله کی بیزه دئیه‌سن بو گؤی‌دلنین اوجالیغی نه قدردیر؟ آما اگر ایسته‌سک کی ایشلری بارومترین ایستیفاده‌سی ایله بوروشدوراق اوندا, گؤی‌دلنین اوجالیغین یئر اوزونده‌کی هاوانین فیشاری و گؤی‌دلنین اَن اوجا یئرینده‌کی هاوا فیشارینی موقاییسه ائتمکله حسابلاریق.» قاضی ائله دؤردونجو جوابی گؤزلوردو کی بیلسین اؤیرنجی فیزیکدن بیر شئیلر بیلیر. بیر حالداکی اؤیرنجی‌نین نظرینجه دؤردونجو یول ان پیس و چتین یول ساییلیردی چونکی هم چتین و هم بوروشوق ایدی. ایندی قالدی کی دئیه‌ک بو اؤیرنجی «نیلز بور» ایدی و او نه اینکی فیزیک علمینده موفق اولدو, بلکه او تکجه دانمارکلیدیر کی فیزیک علمینده نوبل جاییزه‌سین آلیب.
منبع: http://www.taamolat.com/2012/09/blog-post_3907.html
فی امتحان الفیزیاء فی جامعة کوبنهاجن بالدانمرک جاء أحد أسئلة الامتحان کالتالی: کیف تحدد ارتفاع ناطحة سحاب باستخدام البارومیتر (جهاز قیاس الضغط الجوی)؟ الإجابة الصحیحة: بقیاس الفرق بین الضغط الجوی على سطح الأرض وعلى سطح ناطحة السحاب. إحدى الإجابات استفزت أستاذ الفیزیاء وجعلته یقرر رسوب صاحب الإجابة بدون قراءة باقی إجاباته على الأسئلة الأخرى. الإجابة المستفزة هی : أربط البارومیتر بحبل طویل وأدلی الخیط من أعلى ناطحة السحاب حتى یمس البارومیتر الأرض. ثم أقیس طول الخیط ... غضب أستاذ المادة لأن الطالب قاس له ارتفاع الناطحة بأسلوب بدائی لیس له علاقة بالبارومیتر أو بالفیزیاء, تظلم الطالب مؤکدا أن إجابته صحیحة 100% وحسب قوانین الجامعة عین خبیر للبحث فی القضیة ... أفاد تقریر الحکم بأن إجابة الطالب صحیحة لکنها لا تدل على معرفته بمادة الفیزیاء. وتقرر إعطاء الطالب فرصة أخرى لإثبات معرفته العلمیة...ثم طرح علیه الحکم نفس السؤال شفهیا. فکر الطالب قلیلا وقال: " لدی إجابات کثیرة لقیاس ارتفاع الناطحة ولا أدری أیها أختار" فقال الحکم: "هات کل ما عندک" فأجاب الطالب: یمکن إلقاء البارومیتر من أعلى ناطحة السحاب على الأرض، ویقاس الزمن الذی یستغرقه البارومیتر حتى یصل إلى الأرض، وبالتالی یمکن حساب ارتفاع الناطحة . باستخدام قانون الجاذبیة الأرضیة. اذا کانت الشمس مشرقة ، یمکن قیاس طول ظل البارومیتر وطول ظل ناطحة السحاب فنعرف ارتفاع الناطحة من قانون التناسب بین الطولین وبین الظلین إذا اردنا حلا سریعا یریح عقولنا ، فإن أفضل طریقة لقیاس ارتفاع الناطحة باستخدام البارومیتر هی أن نقول لحارس الناطحة : "سأعطیک هذا البارومیتر الجدید هدیة إذا قلت لی کم یبلغ ارتفاع هذه الناطحة" ؟ أما إذا أردنا تعقید الأمور فسنحسب ارتفاع الناطحة بواسطة الفرق بین الضغط الجوی على سطح الأرض وأعلى ناطحة السحاب باستخدام البارومیتر کان الحکم ینتظر الإجابة الرابعة التی تدل على فهم الطالب لمادة الفیزیاء، بینما الطالب یعتقد أن الإجابة الرابعة هی أسوأ الإجابات لأنها أصعبها وأکثرها تعقیدا. بقی أن نقول أن اسم هذا الطالب هو " نیلز بور" وهو لم ینجح فقط فی مادة الفیزیاء، بل إنه الدانمرکی الوحید الذی حاز على جائزة نوبل فی الفیزیاء. | ||
مسکن بونیادی زلزله‌زده منطقه‌لره کانئکس وئرمیر
|
|
||
|
سویوق, جماعتین دده‌سین یاندیریر هیلال احمر رئیسی آذربایجان زلزله‌زده‌لرین ایضطیراری ایسکانلاری‌نین اوزونا چکمه‌سینه ایشاره ائدیب دئدی: سویوق و یاغیش زلزله‌زده‌لرین اصلی موشکوللریدیر. محمود مظفر مهرله دانیشیقدا دئدی مسکن بونیادی چالیشیر آما هاوانین دگیشمه‌سی و دولو یاغماق باعیث اولوب زلزله‌زده‌لر پالچیق ایچینده چابالانسینلار. او آرتیردی: سویوق او قدر بئتردیر کی زلزله‌زده‌لر اؤز پتولارینی قویونلارین اوستونه چکیرلر, چونکی حیوانلارین هله‌ده طویله‌سی یوخدور! هیلال احمر رئیسی آرتیردی: بیلمیرم مسکن بونیادی کی وظیفه‌سی کانئکس تأمین ائله‌مکدیر, نیه بو ایشی گؤرمور. جهاد کیشاورزی‌ده حیوانلارین فیکرینده دئییل و کندلی‌لر مجبور قالیرلار حیوانلارینی دگر-دگمزه ساتسینلار. | ||
آلما فایدالیدیر, آروادلارا داها فایدالی
|
|
||
|
آروادلار گونده بیر آلما یئسه‌لر کولسترول قاباغیندا بیمه اولارلار. حتماً ائشیدیبسیز کی گونده بیر دانا آلما یئیه‌نه دؤکتور لازیم اولماز. آما تازا تحقیقلر گؤرسه‌دیر کی آلمانین هامی‌یا فایدالی اولماسیندان علاوه آروادلارا داها چوخ فایداسی وار. موحقیقلر دئییرلر آروادلار گونده بیر آلما یئمکله قانلارینداکی پیس کولسترولو آزالدیب و موثبت کولسترولو چوخالدیرلار. بو تحقیقده آلتی آی بویوندا گونده 75 گیرم قورو آلما یئیه‌ن خانیملارین پیس کولسترولو 23 درصد آزالیب و یاخشی کولسترولو 4 درصد چوخالیب. آرمانین وئردیگی معلوماتا گؤره, بو موطالیعه ایکی گروه 45 دن 65 یاشا قدر خانیملاردا انجام تاپدی و بو موطالیعه‌ده بیر گروه بیر ایل بویو قورو آلما یئدیلر و او بیری گروه آیری قورو میوه یئدیلر. اوندان سونرا اوچ آی, آلتی آی فاصیله‌ایله و آخیرده اونلاردان قان نمونه‌سی آلیندی و بیر ایللیک دؤره‌نین آخیرینده بو نتیجه آلیندی کی آلما یئیه‌ن خانیملارین پیس کولسترولو آزالمیشدی. عالیملر هابئله بیلدیلر کی آلمادان بدنه جذب اولان گونده 240 کالوری نه اینکی خانیملارین کؤکلویونه باعیث اولماییب بلکه بیر آز دا یونگوللشیبلر. عالیملرین دئدیگینه گؤره, بو آزماییش قورو آلما ایله اولسا دا بو نتیجه‌نی تازا آلمادان دا گؤزله‌مک اولار. بیر لیوان دوغرانمیش تازا آلما, لیوانین دؤردده بیر قورو آلما ایله برابرلیک ائلر. | ||
ائولی اوشاقلارین رابیطه‌سی آتا-آنالاری ایله مودیریت اولمالیدیر
|
|
||
|
اوشاقلارین ائولندیکدن سونرا آتا-آنالاریندان فاصیله آچماقلاری‌نین اصلی سببی بودور کی اونلارین آراسیندا سالیم و منطیقلی رابیطه یوخدور و اوشاقلار رابیطه‌نین ساخلاماسی و مودیریّتینی باشارمیرلار. رابیطه‌نین ساخلاماسی و مودیریتی بیر مهارتدیر کی تأسوفله جوانلارین چوخوندا یوخدور و جوانلار زیندگانلیق یولداشی, اونون عاییله‌سی و اؤز آتا-آنالاری آراسیندا تعادول قورا بیلمیرلر و اَن راحت یولو یعنی رابیطه‌نین قیرماسینی سئچیرلر. بو مسأله, موشکولون حلّینده ضعیف اولماقدان‌دا یارانیر و عاییله‌لر اوشاقلارین یاشاییشیندا یئرسیز دخالت ائله‌مکلری اثرینده موشکول نئچه برابر اولور. | ||
موباریز و مشروطه‌چی روحانی شیخ محمد خیابانی‌نین شهادت گونو
|
|
||
|
| ||
استانبولون سلیمانیه مسجیدی؛ ایسلامی معمارلارین یادیگاری
|
|
||
|
سلیمانیه مسجیدی بؤیوک عثمانلی معماری, «سینان»ین تایسیز اثریدیر کی عیبادت یئری اولماقدان علاوه, خیریه مرکزی کیمی بوتون دینلرین یوخسوللاریندان حیمایت ائدیر. سلیمانیه مسجیدی استانبول شهری‌نین جامیع مسجیدلریندن ساییلیر کی 1557-1550 ایللرینده بؤیوک عثمانلی معماری سینانین الی ایله دوزلیب. بو مسجیدین دوزلمه‌سی بیرینجی سولطان سلیمانین دستوری ایله باشلاندی. سلیمانیه مسجیدی‌نین گونبذی‌نین اوجالیغی 53 متر و قوطری 27.5 متردیر. عثمانلی معمارلیغینا گؤره بو مسجیدین 4 میناره‌سی وار کی سولطان دستوری ایله دوزلمیش مسجیدین علامتی ساییلیر. اونون معمارلیق سبکی, سینان و عثمانلی معمارلارین آیری ایشلرینه تای ایسلامی و بیزانس معمارلیق سبکیدیر. او دؤره‌نین رسمینه اساساً بو مسجیدین اطرافیندا مدرسه, حامام, کیتابخانا, مریض‌خانا, عمومی آشپزخانا و کروانسرا کیمی جانیبی ساختیمانلار دا دوزلتدیلر و بو ساختیمانلارا «جامی کولیه‌سی» دئییلر. بو مسجید عیبادت یئری اولماقدان علاوه خیریه مرکزی‌ده ساییلیردی. ائله کی مین نفردن چوخ یوخسول موسلمان, مسیحی و یهودی اینسانا ریفاهی سیستم حاضیرلیردی. بو مسجیدین دالیسینداکی باغدا بیرینجی سلیمان, اونون آناسی, عیالی و باجیسی‌نین قبری و هابئله ایکینجی سلیمان و ایکینجی احمدین قبری وار. | ||
ایمام صادقین (ع) دونیا و آخیرت موریدینده دؤرد نصیحتی
|
|
||
|
ایمام صادق (ع) اینسانین نعمتلر موقابیلینده غفلتی باره‌ده بیر حدیثده بویورور کی آللاه سنه نعمت وئردی و اؤرگتدی کی اوندان نئجه ایستیفاده ائده‌سن, آما سن همیشه بونلاری بیر-بیری‌نین اوستونه قالیرسان. یئری وار آللاه تعالا دئیه کی سنه وئردیگیم بو قدر نعمتی نه ائدیرسن؟ رُوی أَنَّهُ جَاءَ رَجُلٌ إِلَی الصَّادِق (ع) فَقَالَ لَهُ:«بِأَبِی أَنْتَ وَ أُمِّی یَا ابْنَ رَسُولِ اللَّهِ عَلِّمْنِی مَوْعِظَةً فَقَالَ لَهُ علیه السلام إِنْ کَانَ اللَّهُ تَبَارَکَ وَ تَعَالَى قَدْ تَکَفَّلَ بِالرِّزْقِ فَاهْتِمَامُکَ لِمَا ذَا وَ إِنْ کَانَ الرِّزْقُ مَقْسُوماً فَالْحِرْصُ لِمَا ذَا وَ إِنْ کَانَ الْحِسَابُ حَقّاً فَالْجَمْعُ لِمَا ذَا وَ إِنْ کَانَ الثَّوَابُ عَنِ اللَّهِ حَقّاً فَالْکَسَلُ لِمَا ذَا» بیر ریوایتده گلیب کی بیر شخص ایمام صادقین (ع) محضرینه گلیب عرض ائدیر: یا بن رسول‌الله آنا-آتام سنه قوربان اولسون! منه بیر نصیحت وئر! «بِأَبِی أَنْتَ وَ أُمِّی یَا ابْنَ رَسُولِ اللَّهِ عَلِّمْنِی مَوْعِظَةً»، حضرت بویوردو: اوّل؛ «إِنْ کَانَ اللَّهُ تَبَارَکَ وَ تَعَالَى قَدْ تَکَفَّلَ بِالرِّزْقِ فَاهْتِمَامُکَ لِمَاذَا» آللاه روزی‌نین ضامینیدیر و دئییب: سنین روزینی ضمانت ائدیرم و اونو سنه چاتدیریرام؛ پس نه اوچون غوصّه یئییرسن؟ بیر اوشاق کی آتاسی اونون روزی‌سینه ضامین اولوب, روزی غوصّه‌سی یئیَر؟ او دئیر: آتام خرجیمی وئریر, داها غوصّه‌نین معناسی یوخدور. غوصّه یئسه, دلیدیر. اولار کی بیر آتانین الی بوش اولسون, آما هر شئی بو آتانین الینده‌دیر. ایکینجیسی ؛«وَ إِنْ کَانَ الرِّزْقُ مَقْسُوماً فَالْحِرْصُ لِمَاذَا»، ریزقی پایلایان, رزّاق اؤزو اولسا و سن اونو آزالدیب چوخالدا بیلمه‌سن, نیه حیرص یئییرسن؟ اوچونجوسو؛ «وَ إِنْ کَانَ الْحِسَابُ حَقّاً فَالْجَمْعُ لِمَا ذَا»، قیامت گونون حسابی حقّ اولسا, نیه بو قدر آنبار ائلیرسن؟ حضرت حسابین فقط حلالی‌نین صؤحبتین ائلیر, «فی حلالها حساب» و حرام موریدینده کی عیقابی وار بحث ائله‌میر. دئییرلر کی بهلول ساجی اود اوستونه قویاردی و داغلاناندان سونرا چیخاردی ساجین اوستونه و بئله دئیردی: بهلول, جوببه, آرپا چؤرگی و سیرکه. سونرا آتیلاردی یئره. اوندان سوروشدولار: نیه بئله ائدیرسن؟ دئدی: چونکی دئییرلر قیامت چؤلونون یئری داغلانمیش اولار. قیامت گونو اوچون تمرین ائدیرم کی نه قدر تئز حسابیمین جوابینی وئرسم آیاغیمین یانماسی آز اولاجاق؟ دؤردونجو؛ «وَ إِنْ کَانَ الثَّوَابُ عَنِ اللَّهِ حَقّاً فَالْکَسَلُ لِمَاذَا»، اگر ایطاعتین قیبالیندا آللاهین وئردیگی پاداش حقّدیر و بو پاداش قیامت گونو وئریله‌جک, پس نیه آللاهین ایطاعتینده سوستلوق ائدیرسیز؟ بیر حالداکی تله‌سمک لازیمدیر و گرک تنبللیگی و سوستلوغو کنارا قویاسیز. | ||
عینادکار اوشاقلا نه ائدیم؟
|
|
||
|
ایکی یاشلی اوشاغیز, قیشقیرماغی‌ایله سیزی باشا سالیر کی ایستیر اؤزو لیوانا سوت تؤکسون؟ یا سیز ایستیرسیز ائوه گله‌سیز آما او آغلاییب آیاقلارینی یئره چیرپماقلا ایستیر پارکدا قالسین؟ سیز تله‌سیرسیز کی قوناقلیغا گئتمک اوچون وساییلی آلیب گئده‌سیز آما اوشاغیزین کؤنلو ایستیر فروشگاهین پیلّه‌لرین یئنیب قالخا و اوینایا. احتیمالاً سیزین‌ده بئله تجروبه‌ز وار و اوشاغیز ایستیر سؤزون یئریتسین و اونا چاتماق اوچون هر جور قیشقیرماق و های-کویدن ایستیفاده ائلیر. آما سیز بیلمیرسیز اونونلا نه ائده‌سیز؟ بو قیسا یازیدا اوشاقلارین کؤنزلیگی و اونون قاباغین آلماق یوللاریندان بحث ائدیریک. اوشاغیزین رفتارینا دیقّت ائله‌سیز گؤره‌جکسیز کی چوخ واختلار ائله‌دیگی رفتاردان هئچ منظورو یوخدور آما بیزیم نظریمیزه گلیر کی بیزیمله عیناد ائلیر. بو مسأله اوشاغین بالاجالیق واختیندا چوخ اولار. مثلاً ایکی یاشلی اوشاغیز ایستیر تازا تجروبه‌لر ائله‌سین. او ایستیر بیلسین کی نئجه سوت لیوانا تؤکولور و اونون شکلینه دوشور. بونا گؤره سیز صوبحانه‌یه سوت حاضیرلایاندا چالیشیر قابی سیزین الیزدن آلیب و اؤزو سوتو لیوانا تؤکسون. او دئییر: اؤزوم تؤکورم! و البته سیز اونا بو ایشه ایجازه وئرسز هئچ موشکول قاباغا گلمز فقط شاید بیر آز سوت یئره تؤکوله. عَوضینده اونون تازا بیر تجروبه‌سی اولار کی بونون چوخ اهمیّتی وار. آما سیز سوتون تؤکولماغیندان و میزین باتماغیندان قورخساز و نتیجه‌ده اونا بو ایشه ایجازه وئرمه‌‌سز, اوندا عینادکارلیق موشکولو قاباغا گلر و او چالیشار قیشقیر-باغیرلا اؤز ایستگینه یئتیشسین. بیرینجی نوکته بودور کی اوشاغیزین طبیعی ایستکلرینه اهمیت وئره‌سیز و اونا تازا تجروبه‌لر ایمکانی یاراداسیز. مگر او زمان کی خطرلی ایش اولا کی بوردا گرک مؤحکم اولاسیز و ایجازه وئرمه‌یه‌سیز کی اونون عینادکارلیغی سیزی تسلیم ائده. اوشاغیز ایکی یاشیندان سونرا ایستیر کی موستقیل اولماغی تجروبه ائله‌سین. بو یاشدا طبیعیدیر کی اوشاق خرابکارلیق ائله‌سین و سیز گرکمز اونا مانع اولاسیز و اونداکی ایستیقلالین جوجرمه‌سینه مانع اولاسیز. بو یاشداکی اوشاغا طبیعیدیر کی همیشه موناسیب رفتاری اولماسین, آما سیز بونو عینادکارلیق حسابینا قویمامالیسیز. اونو درک ائدین و مومکون اولان قدر اونا ایستیقلال وئرین و ایجازه وئرین تازا تجروبه‌لر ائله‌سین. اوندا گؤره‌جکسیز کی نئجه قاباغا گئده‌جک و داها بؤیوک ایشلری ایشتیباهسیز انجام وئره‌جک. نه ائتمک لازیمدیر؟ 1. اونو درک ائدین اوشاق آغلاییب قیشقیر-باغیر سالاندا و اویون زمی‌سیندن چیخماق ایسته‌مه‌سه, اونونلا ساواشماق عَوضینه یاخشیسی بودور کی اونو قوجاغیزا آلاسیز و دوست‌یانا لحنله دئیه‌سیز کی بیلیرسیز کی اویناماقدان و بو خوش لحظه‌لردن آیریلماق چتیندیر. اونا ایناندیرین کی سیز اونون طرفینده‌سیز و اورگیز ایستیر کی قالاسیز آما مجبورسوز قاییداسیز. یادیزدا اولسون کی بو جور واختلار اصلاً حیرصلنمیه‌سیز و اوشاغیزین رفتارینا گؤره اوتانمیاسیز. مهریبان و عینی حالدا مؤحکم اولون و اونا دئیین کی اورگیز ایسته‌میر آما گرک پارکدان گئده‌سیز. ال-آیاغیزی ایتیرسز اوشاغین گلن دفعه‌لر ده بئله ائله‌مک احتیمالی واردیر. آما اگر قاطع و آرام اولساز اوشاق بیلر کی تسلیم اولمالیدیر. 2. جیزیقلاری موعیّن ائدین اوشاقلارین محدودیته احتیاجلاری وار. یعنی گرک جیزیقلاری اونلارا توضیح وئره‌سیز و بیله‌لر کی کی آیاقلارینی بو جیزیقدان ائشیگه قویسالار رفتارلارینا موناسیب تنبیه اولاجاقلار. آز یاشلی اوشاقلار کی ایستکلرینی دانیشیقلا دئیه بیلمیرلر, اونلاردا آیریلارین وورماق و قیشقیرماق کیمی غیر موناسیب رفتارلار چوخ اولا بیلر. آما بو سیزسیز کی اونلارا اؤرگتمه‌لیسیز کی ایستکلرینه چاتماق اوچون دانیشیقدان کؤمک آلمالیدیلار نه اینکی قیشقیر-باغیر سالسینلار. مثلاً اوشاغا دئیین کی حقی یوخدور آیریسینی وورسون. «بیز هئچ کسی وورماریق, اگر حیرصله‌نیبسن یولداشینا دئ کی اویناتمالینی ایستیرسن و او گرک اونو سنه قایتارا.» یا مثلاً خیاباندان کئچمه‌نین قایداسی بودور کی خیاباندان کئچنده منیم الیمی توتاسان. ایمکانی وار اوشاق بو قایدا-قانونلاری یاددان چیخاردا, آما سیز قاطع اولساز و ثابیت قانونلاری اونون یادینا سالساز, بیر زاد چکمز کی اونلاری اؤرگه‌شر. بعضی واختلار اوشاق بیر سئری دلیل‌لره گؤره, قانونو آیاقلار. بیز او دلیل‌لره دیقت یئتیرمیریک و فقط چالیشیریق کی اونو تنبیه ائدیب قانونو رعایت ائله‌مگه مجبور ائدک. مثلاً اوشاق قارانلیقدان قورخسا موشخص ساعتده گئدیب اؤز اوتاغیندا یاتماز. ایندی سیز هر نه قدر اونو اویناماقدان و کارتوندان محروم ائده‌سیز یئنه‌ده قارانلیقدان قورخور. سیز تنبیه یئرینه اونون قورخوسونو آزالتماغا بیر یول تاپمالیسیز. مثلاً اونا بیر گئجه چیراغی آلاسیز و یا بیر ایپ اولا کی بیر اوجوندان او یاپیشا و او بیری اوجوندان سیز یاپیشاسیز و احساس ائلیه سیز اونون یاخینلیغینداسیز و اوندان موغایات اولورسوز. 4. یاخشی رفتاری گوجلندیرین آتا-آنالارین چوخو اوشاقلا او واخت دانیشیرلار کی ایستیرلر اونونلا ساواشالار. آغیزلاریندان چیخان کلمه‌لرین چوخو بئله اولور: ائله‌مه! اَل وورما! او دا اؤرگه‌شیر کی شولوقلوق ائله‌مکله والدینین دیقّتینی جلب ائلیه حتّا اگر بو دیقّت ائله‌مک کؤتک وورماق و دئیینماق اولا. بونا گؤره چالیشین اوشاغیزلا امر-نهی‌دن سونرا شیرین دانیشیغیز دا اولسون و اونونلا اوینایین و گؤزل ایش گؤرنده اونو تشویق ائدین. اوندا اوشاق اؤرگه‌شر کی یاخشی ایشلرله‌ده سیزین دیقتیزی جلب ائله‌سین. یادیزدا اولسون کی اوشاقلار قولای ایش گؤرنده اؤزلریده ناراحات اولارلار و یاخشیسی بودور کی سیز اونلاری دیلیزله شاللاق وورمایاسیز. موتخصیصلر اینانیرلار کی اوشاقلارین رفتارین پیسدن یاخشی‌یا تبدیل ائله‌مک اوچون, اوّلده گرک بیر ایش گؤرک کی اوندا یاخشی حیسّ یارانسین و یاخجیلیغا طرف تشویق اولسون. چونکی بو پیس احساس سیزین داعوازلا داها پیس اولسا اوشاغین رفتارین پیسلتمکدن سونرا آیری نتیجه‌سی اولمایاجاق. بیر آیری نوکته‌ده وار کی یادیزدا اولسون اوشاغا نظم اؤرگتمک اونو کونترول ائله‌مک معناسیندا دئییل. بلکه بو معنایادیر کی اونا اؤز رفتارینی کونترول ائله‌مگی اؤرگه‌ده‌سیز. یاخشی رفتار ائله‌مگه, ایکی یاشلی اوشاغین‌دا انگیزه‌یه احتیاجی وار. او بیلسه کی یاخشی رفتاری باعیث اولاجاق سیزله گؤزل بیر گون سووسون, اونون اوچون بؤیوک انگیزه اولار. 4. موثبت پیشگیرلیکدن ایستیفاده ائدین روانشیناسلار اینانیرلار کی ایکی یاشدان اون یاشا قدر اوشاقلار اوچون تک قالماق موناسیب تنبیه ساییلیر. تک قالماق مودتی 2 دقیقه‌دن 10 دقیقه‌یه قدر دگیشه بیلر. بو مودّتده اوشاغین حقی یوخدور دانیشا, بیر شئی یئیه و یا اوینایا. یاخشیسی بودور کی اوشاق بیر صندل اوستونده و یا اوتاغین گوشه‌سینده اوتورا و بو مودّتده هئچ کسله دانیشمایا, یوخسا تنبیه مودّتی چوخالار. آما بعضاً لازیم اولور کی بو مودّتدن موثبت صورتده اوشاغی آراملاتماغا ایستیفاده اولا. مثلاً حیس ائله‌سز کی اوشاغین حؤصله‌سی گئدیب و ایندی‌دی کی های-کوی سالا, پاتلامانین قاباغین آلماق اوچون اونو خلوت بیر مودّته تشویق ائدین. بو خلوتده او اؤزو ایله کیتاب, پتو و آیری شئیلر ده آپارا بیلر. بو ایشه بویون وئرمه‌سه آرامیشیزی ساخلایین. سیز گرک اوشاغیز اوچون بیر اولگو اولاسیز و شاید پیس اولمایا کی ناراحاتلیغیزی آرادان آپارماق اوچون خلوت بیر اوتاغا گئده‌سیز کی اوشاغین پیس رفتارین گؤرمیه‌سیز. سیز و اوشاغیز آرامیشه چاتاندان سونرا موناسیب رفتار باره‌سینده بیر-بیریزله دانیشا بیلرسیز. 5. اوشاغا قودرت و ایختیار وئرین سیز ده مجبور قالساز رئیسین سؤزونه قولاق آساسیز و اؤزوزدن ایختیاریز اولماسا, نهایتدا یورولارسیز و عوصیان ائدرسیز. اوشاغا اینتیخاب حقّی وئرسز, او ائلیه بیلر کونترول اولموش بیر موحیطده ایسته‌دیگی ایستیقلالا ال تاپسین و بو ایش اونا آرامیش وئرر. اوشاغیزی سیز سئچدیگیز پالتاری گئیمگه مجبور ائله‌مک یئرینه, اونون قاباغینا ایکی دست پالتار قویساز کی بیرینی اینتیخاب ائله‌سین چوخ یاخشی اولار. یئمک و حتّا گئجه ناغیلین واختی‌نین اینتیخابینی اونا وئره بیلرسیز. اوندا گؤره‌جکسیز کی اوشاغین عینادکارلیقلاری باشا چاتدی. ایمکانی وار دئیه‌سیز کی او همیشه ایشتیباه اینتیخاب ائلیر. آما یاخشیسی بودور کی جریانا بئله باخمیه‌سیز. باخین گؤرون هانسی یاخشیدیر؟ بو کی سیز اونا ایجازه وئره‌سیز صوبحانه‌یه ژئله یئسین یا بو کی سیزدن خبرسیز تختی‌نین آلتیندا ژئله یئسین؟ . . . پس چوخدا چتین توتمایین و ایجازه وئرین ضررلی اولمایانا قدر ایختیار صاحیبی اولسون و اوندان لذّت آپارسین. 6. اوشاغیزین یاشینا و شراییطینه احتیرام قویون اوشاقلارین هر یاشدا بیر سئری خصوصیتلری وار کی گونده‌لیک برنامه‌لریزی اونونلا تنظیم ائله‌سیز داها آز موشکوله چاتاسیز. مثلاً 2 یاشلی اوشاق پارکدا غذا یئمگی, آرام رستوراندان داها چوخ سئور. پس ائشیکده غذا یئمک قصدیز اولسا و یا بیری‌ایله قرار قویساز اوشاغین یاشینی نظرده آلین و ائله بیر شراییط اینتیخاب ائدین کی او راحت اولسون. شاید سیز ده ائله بیر شراییطده اولاسیز کی اوشاغین دیر-دیرینا حؤصله‌ز اولمایا. والدینین‌ده بیر سئری موشکوللری اولا بیلر کی آرامیشه احتیاجلاری اولار. سیز ده بو شراییطده اولساز و اوشاغیز آز یاشلی اولسا و سیزین شراییطیزی درک ائله‌مه‌سه, ائلیه بیلرسیز اوشاغین سئودیگی زادلارلا باشینی قاتاسیز. یادیزدا اولسون کی 2 یاشلی اوشاقدان اینتیظاریز اولمامالیدیر سیزی درک ائده. سیز کی توکلریزی بو دونیادا آغاردیبسیز, اونا دا فورصت وئرین سیزین کناریزدا شیرین یاشاییشی تجروبه ائله‌سین. | ||
خندق ساواشیندا حضرت علی‌نین (ع) فداکارلیغی
|
|
||
|
حضرت علی(علیه السلام) بو جنگده دوشمن قهرمانلاری‌نین قاباغین آلماسایدی و یا بو یولدا شهید اولسایدی, دوشمن سربازلاری‌نین خندقدن کئچمه‌سی راحاتلاشاردی و دوشمنین سیپاهی ایسلام قوشونونا هجوم ائلردی و نتیجه‌ده موشریکلر غالیب اولاردیلار. هیجرتین بئشینجی ایلینده شوالین 17-ده خندق غزوه‌سی باش وئردی. بو غزوه‌ده دوشمنین قوشونو چوخ و موجهزیدی. موشریکلر مدینه شهرینی اوزون مودّت اوچون موحاصیره‌یه سالدیلار و موسلمانلارین فداکارلیقلاری و آللاهین کؤمگی ایله دوشمن مغلوب اولدو و موسلمانلار بو جنگدن باشی اوجا چیخدیلار. قریش قهرمانی قاباغیندا دایانان جوان کیشی آیت‌الله جعفر سبحانی «ویلایت فروغی» کیتابیندا احزاب جنگی‌نین باشلانیشی شرحینده بئله یازیر: هر دفعه کی عرب قهرمانی «عمرو بن عبدود» موباریزه اوچون آیاغا قالخیردی, موسلمانلاردان فقط بیر جوان دوروب میدانا گئتمک اوچون پیغمبردن ایجازه ایستیردی. آما هر دفعه پیغمبر موخالیفتچی‌لیک ائدیردی. او جوان حضرت علی‌ایدی(علیه السلام) و پیغمبر اونون جوابیندا بویوروردو: اوتور بو «عمرو»دیر! «عمرو» اوچونجو دفعه اوچون باغیردی و دئدی: قیشقیرماقدان سسیم توتولدو, سیزدن بیر نفر یوخدور کی میدانا گله؟ یئنه بو دفعه حضرت علی (ع) پیغمبره یالواردی کی اونا موباریزه ایجازه‌سی وئرسین. پیغمبرین (ص) خندق جنگینده ایمام علی (ع) باره‌ده تاریخی جومله‌سی پیغمبر بویوردو: رقیب ایسته‌ین «عمرو»دیر. حضرت علی (ع) عرض ائله‌دی: اولسون! نهایتده پیغمبر اونون ایستگی‌ایله موافیقت ائله‌دی و اؤز قیلینجینی اونا وئردی و عمامه‌سینی اونون باشینا باغلادی و اونون باره‌سینده دوعا ائله‌دی و بویوردو: آللاه! علی‌نی پیسلیکدن ساخلا, ائی آللاه «بدر»ده «عبیده»نی و «اُحُد»دا آللاهین آسلانی «حمزه»نی الیمدن آلدین, آللاه! علی‌نی صدمه‌دن ساخلا. سونرا بو آیه‌نی تلاوت بویوردو: «رَبِّ لَا تَذَرْنِی فَرْدًا وَأَنتَ خَیْرُ الْوَارِثِینَ»، (انبیاء:89) و سونرا بو تاریخی جومله‌نی بویوردو: «بَرَزَ الْاِیمانُ کُلُّهُ اِلَی الشِّرْکِ کُلِّهِ»، یعنی ایمان و شیرکین بوتونلویو بیر-بیریله اوز به اوز اولدولار. ایمام علی (ع) تأخیرین جوبرانی اوچون سورعتله میدانا یولا دوشدو و عرب قهرمانی‌نین رجزی وزن و قافیه‌سینده بیر رجز اوخودو کی مضمونو بئله‌ایدی کی تلسمه, سسیوه جواب وئرمگه گوجلو کیشی گلیب ! . . . حضرت علی(علیه السلام) «عمرو»ین یادینا سالدی کی بئله بیر نذر دئییب «قریش»دن بیر نفر اوندان ایکی زاد ایسته‌سه بیرینی یئرینه یئتیره. عمرو قبول ائله‌دی. حضرت علی(علیه السلام) بویوردو: بیرینجی ایستگیم بودور کی ایسلامی قبول ائده‌سن. عرب قهرمانی دئدی: بو ایستکدن واز کئچ کی سنین دینینه احتیاجیم یوخدور. سونرا حضرت علی (ع) بویوردو: گل جنگدن واز کئچ و اؤز وطنینه قاییت و پیغمبرین ایشینی آیریلارینا ساخلا کی غالیب اولسا قریش اوچون بیر سعادت ساییلار و اؤلسه, سن ساواشسیز آرزینا چاتمیش اولارسان. عمرو جواب وئردی: قریش آروادلاری بئله دانیشمازلار, نئجه قاییدیم؟ بیر حالداکی محمده الیم چاتیب و ایندی واختی چاتیب کی نذریمه عمل ائدم؟ چونکی من بدر جنگیندن سونرا نذر ائله‌میشم کی محمددن اینتیقام آلمامیش باشیما یاغ سوتمه‌یم. بو دفعه حضرت علی (ع) بویوردو: پس جنگه حاضیرلاش کی ایشین دویونون قیلینجلا آچاق. بو زمان عربین قوجا قهرمانی پؤرتلمیش پولاد کیمی قیزاردی و حضرت علی‌نی پیادا گؤرنده آتیندان یئنیب اونو پئیله‌دی و قیلینجی ایله حضرت علی‌یه حمله ائله‌دی و اونو شیدّتله او حضرتین باشینا یئندیردی. حضرت علی اونون ضربه‌سینی قالخانلا دفع ائله‌دی آما قالخان ایکی بؤلوندو و قبیلقه‌ده ایکی بؤلوندو و او حضرتین باشی یارالاندی. بو لحظه حضرت علی بیر فورصت تاپیب اونا مؤحکم ضربه ووردو و یئره سالدی. قیلینجلارین سسی و توز تورپاق قویموردو کی ایکی طرفین قوشونو نتیجه‌نی گؤرسونلر. آما بیردن-بیره حضرت علی‌نین (ع) تکبیر سسی اوجالدی و موسلمانلاردان شادلیق هارایی گؤیه قووزاندی و بیلدیلر کی حضرت (ع) عرب قهرمانینا غلبه ائدیب و اونون شرّینی آرادان آپاریب. پیغمبر (ص) حضرت علی‌نین (ع) او گونکی فداکارلیغین بئله بیان بویوردو: ««ضَربَةُ عَلِی یَومَ الخَندَقِ اَفضَلُ مِن عِبادَةِ الثّقلین»، علی‌نین خندق گونو ووردوغو ضربه دونیا اهلی‌نین عیبادتیندن افضلدیر. | ||
کانادانین تهرانداکی سیفارتی باغلاندی
|
|
||
|
جام جم آنلاین: کانادانین خاریجی ایشلر ویزارتی آمریکانین سیاستی‌ایله همراهلیق چرچیوسینده, جومعه گونو بو اؤلکه‌نین خاریجی ایشلر وزیری‌نین ایمضاسی اولان بیر بیانیه صادیر ائله‌مکله تهرانداکی سیفارتی‌نین باغلانماسیندان خبر وئردی. کانادانین خاریجی ایشلر وزیری بو بیانیه‌ده دئییر: کانادا ایرانداکی سیفارتینی باغلادی و اعلام ائدیر کی اؤلکه‌سینده‌کی ایرانلی دیپلوماتلاری رسمیّته تانیمیر و بونا گؤره ایرانلی دیپلوماتلار کانادانی ترک ائتمه‌لیدیلر. بو بیانیه‌نین ایدامه‌سینده کانادانین خاریجی ایشلر وزیری مودعی اولوب: کانادانین ایران باره‌سینده‌کی موضعی بللی‌دیر و بیز ایرانی دونیا صولحی و بین‌المیلل امنیّتی اوچون تهدید حسابلیریق. ایرانین سوریه‌دن حیمایت ائله‌مگی, جومهوری ایسلامی‌نین هسته‌ای برنامه‌سی و ایرانین اسرائیل قیبالیندا توتدوغو موضع, کانادانین ایرانلا قطع رابیطه‌سی دلیللریندن ساییلیب. بو بیانیه‌ده گلیب کی ایرانلی دیپلوماتلارین 5 گون واختی وار کانادانی ترک ائتسینلر. | ||
حیرصی سویوتماق اوچون 5 فوری یول
|
|
||
|
حیرصله‌نن زمان باشیزی بیر ایشه قاتین کی ذهنیز مشغول اولسون؛ حیرصدن و سونراکی پشمانلیقدان قورتولماغا چوخلو یوللار وار. آراملیقلا بیر لیوان سو ایچین نظره چوخ ساده گلیر, آما چوخ تأثیرلیدیر. پس بوندان سونرا هر واخت حیرصله‌نسز, اؤزوزه بیر لیوان سو تؤکون و آراملیقلا ایچین. هر قورتوم سویا دیقّت ائدین, تصوّور ائدین کی سو, نئجه آغزیزدان معده‌زه گئدیر, بئله‌لیکله اؤزوزو داها آرام حیس ائده‌جکسیز. غضبین فیشارینی بوشالدین بیر یوموشاق بالیش یا موتکّه سیزه کؤمک ائدر کی تازادان آراملاشاسیز. بوتون غضبیزی بالیشین اوستونه تؤکون, بالیشی مؤحکم یوموروقلایین و نئچه دقیقه‌نین ایچینده غضبیز بوشالار. گولمه‌لی قیافه‌یه فیکیرلشین گؤزلریزی یومون و سیزی غضبلندیرن شخصین قیافه‌سینی نظریزه گتیرین, ایندی اونو مومکون قدر لاپ گولمه‌لی حالتده تصوور ائدین مثلاً اونو بؤیوک گوللو شالوار و یا بؤیوک و یاشیل شیپوری بؤرک و یا عجیب بیر پالتار ایچینده تصوور ائدین کی تلخک کیمی ادا چیخاردیر. بئله ائله‌سز گؤره‌جکسیز کی غضبیز یاددان چیخیب و گولورسوز. درین نفس آلین اؤزوزو بیر کنارا چکین و گؤزلریزی یوموب درین نفس آلین, چالیشین نفسین گئدیب گلمه‌سینی ائشیده‌سیز. ذهنیزی باغلایین و نفس سسیندن سونرا آیری سسه فیکیر وئرمه‌یین. داها درین و یاواش نفس چکین, اورگیزین دؤیونمه‌سی یاواشلار و غضبیز سویویار. اؤزوزو ذهنی بیر فعالیته مشغول ائدین اوندا کی گؤردوز غضبله‌نیبسیز, ذهنیزی بیر ایشه مشغول ائدین, مثلا سودوکو جدولی حل ائتمگه باشلایین. بیر شئی تاپانماسیز گؤزلریزی یومون و عددلری بؤیوکدن کیچیگه سایماغا باشلایین. بوجور :100 , 99, 98, 97 و . . . و بیر لحظه گؤره‌جکسیز کی غضب یادیزدان چیخیب. | ||
دونیانین بیرینجی یئر آلتی هوتئلیندن تصویرلر
|
|
||||
|
چین دؤولتی بو اؤلکه‌نین داغلیق منطقه‌سینده 19 مرتبه‌لی بیر هوتئل دوزلدیر کی اونون 16 مرتبه‌سی یئرین آلتیندادیر و بو, دونیانین بیرینجی یئر آلتی هوتئلیدیر. چین دؤولتی دونیانین اَن عجیب هوتئلی‌نین طرحینی ایجرا ائدیر. بو هوتئل بو اؤلکه‌نین «شانگهای» داغلیق منطقه‌سینده, یئر آلتیندا و داغلار آراسیندا دوزلیر. بو هوتئلین 19 مرتبه‌سی و 380 اوتاغی اولاجاق کی 16 مرتبه‌سی یئرین آلتیندا و اونون دوزلمه‌سی‌نین 2014-ده قورتولماسی نظرده آلینیب.
| ||||
دونیانین لاپ عجیب بالیغی: اینسانا بنزر بالیق !
|
|
||
|
دونیانین باشا-باشیندا بالیقلارین بدن سیستمی ائله‌دیر کی آیری حیوانلارلا فرقلی اولسون. بو فرق هم ظاهیرده و هم بدنلری‌نین داخیلی سیستملرینده اولور. ایستی سولاردا تازا بوینوزلو بالیق یاشیر کی تازالیقدا منطقه‌نین یئرلی آداملاری طرفیندن شیکار اولوب و بؤیوک بورنو وار. حقیقتده بو بالیغین باشی چوخ عجیب صورتده ناراضی اینسانین اوزونه بنزیر. البته بوروندان منظور بو دئییل کی دوغرودان بورنو اولسون بلکه بوینوزا بنزر بیر زاییده‌دیر کی بو بالیغین باشی‌نین قاباغیندا یئرله‌شیب. بو بوینوز بیر آدام بورنونو, اینسانین ذهنینه تداعی ائلیر. قاباقلار بو بالیقلار تانینمیشدیلار آما بورونلاری قیسا اولوردی, آما عالیملرین دئدیگینه گؤره بو نوع, ژنتیکی دگیشمه‌لره گؤره بورونلاری اوزانیب. بو نوع بالیق چوخراق هند و آرام اوقیانوسونداکی بیتکیلرین آراسیندا تاپیلیر. اوزونلوقلاری تقریباً 25 اینچ اولور. | ||
قورآنی نئجه اوخوساق حرام اولار؟
|
|
||
|
ایلاهی آیه‌لرین موقدسلیگی و قاریلرین سسلری‌نین قورآن تلاوتینده اولان نقشلرینه دیقّت یئتیرماقلا بعضی نوع اوخوماقلار حرام و بعضیسی جاییزدیر. قورآن اوخوماق اوچون موختلیف مئتودلار وار کی بعضی نوع اوخوماقلار حرام و بعضیسی جاییزدیر. سسین تیترتمه‌سی‌نین (تحریر) حرام اولماسی باره‌ده پیغمبردن (ص) مشهور بیر ریوایت وار کی بوردا اونا ایشاره ائدیریک. او حضرت بویورور کی قورآن بوجور اوخونمامالیدیر: الیف: ترجیع بو سؤز باره‌ده موختلیف نظرلر وار. آما اونون مشهور تعریفی بودور کی سسده دالغا ایجاد اولا و سس آلچالیب اوجالا و سس اوزانا. بو حالت بوگون چهچهه آدیندا تانینیر. ب: نَوح بیر یول کی قاری ائشیدنلرین آغلاتماسینا چالیشار. حقیقتده ائله قورآن اوخویا کی قولاق آسانلار آغلایالار. ج: تحزین قاری قرائت زمانی طبیعی حالتدن چیخا و ریا اوچون آز قالا آغلایا کی قطعاً حرامدیر. چ: ترقیص کلمه‌لری قرائتینی یئیینله‌دیب یاواشاتماق و هابئله ساکین حرفلرین اوستونده دایانیب بیردن بیره سونراکی کلمه‌نین قرائتینی باشلاماق. خ: تطریب کلاما آهنگ وئرمک کی سسی چکمک و بوغازدا دولاندیرماغا تطریب دئیرلر. طرب و شادلیق یارادماق بو مئتوددا اولور. قورآنی شاد اوخوماق قبول ائدیله‌سی دئییل. د: ترعید ترعید سسی تیتره‌تماغا دئییرلر و تحریره بنزر بیر شئیدیر. البته تحریر خواننده‌نین اؤز ایختیاری‌ایله اولور آما ترعید یوخ. تحریری یارادماق اوچون اللری و بدنی ترپتمک ایشتیباهدیر و حقیقتده ترعید حسابلانیر. هر حالدا قورآن قاری‌لری گرک قرائتدن منظورلاری ایلاهی آیه‌لرین ایلقاسی اولسون و بو یوخاری هدفین یئرینی آیری بیر شئی توتمالیدیر. | ||
یوسون آدیندا بیر غذا
|
|
||
|
اون ایل اولار کی عالیملر دریا یوسونلارین (جؤلبکلرین) اهمیّتینی بیلیبلر و بو یوسونلارین ایچینده «chlorella» یوسونونون اهمیّتی هامیسیندان چوخدور کی بیر اعلا غذایی ماده کیمی تانینیب. حقیقتده اونلاری بیر کامیل غذایی ماده کیمی تانیماق اولار چونکی اوندا کلوروفیل, B ویتامینی, Cویتامینی, E ویتامینی, بتاکاروتن, آمینه اسید, منیزیوم, دمیر, معدنی ماده‌لر, کربوهیدرات و چوخلی پروتئین (50 درصددن چوخ) اولور. هابئله بدنده اولان زهرلرله قاریشیب و اونلاری ائشیگه هیدایت ائلر. یوخاری پروتئینینه گؤره بیتکی‌یئینلر اوچون موناسیب سئچیمدیر. «chlorella» یوسونونون موهوم خاصیّتی بدنین زهرین آلماقدیر. بعضی آراشدیرمالار گؤرسدیر کی بو یوسون آغیر فیلیزلری بدندن دفع ائدر و باعیث اولار بدنین بافتلاری آز صدمه گؤرسون. بو قابیلیّتین اهمیتی اوردا بیلینیر کی آغیر فیلیزلر هله-هله بافتلاردان آیریلمازلار و بونا گؤره خاص صنایعده ایشله‌ینلر اوچون و یا تشعشوعات معرضینده اولانلار اوچون یوخاری اهمیتی وار. آیری طرفدن دریالارین چیرکلنمه نتیجه‌سینده بعضی بالیقلارین بدنی جیوه‌یه آلوده اولور و آراشدیرمالار نیشان وئریرلر کی سرطانی سلوللارین چوخوندا جیوه اولور. آلزایمر ناخوشلوغو و عاغیل ایتیرمه داها چوخ آغیر فیلیزلردن مسموم اولان شخصلرده گؤروشور. «chlorella» یوسونو, قانی تمیزلر و قان جریانیندا اوکسیژنی سهمانا سالار. اونون مصرفی ایله بدن قلیایی اولار و اسیدوز حالتی (قان و بافتلاردا PH-ین آزالماسی) آرادان گئدر. بونلاردان علاوه قان فیشاری, آغری و ایلتهابی آزالدار و بدنین مودافیعه سیستمینی گوجلندیرر. | ||
نه‌واخت و هاردا موطالیعه ائدک؟
|
|
||
|
موطالیعه میقدارینی تعیین ائله‌مگه هئچ قانون یوخدور, آما موطالیعه‌نین واختی اوزون اولمامالیدیر. چالیشین بیر ساعت یاریم موطالیعه‌دن سونرا بیر آز دینجله‌سیز. موختلیف افرادین فرقلی هوش و حؤصله‌سی وار. دیقّت لازیم اولان موطالیعه‌لری یوخودان سونرا ائدین. موطالیعه‌نین اَن یاخشی واختی –کی اؤرگشماغین میقداری یوخاریدیر- سحر تئزدن (آییلماقدان یاریم ساعت سونرا) و آخشام اولور. گونون باتماسینا ایکی ساعت قالمیش کیهانی اشعه‌نین آزالماسینا گؤره و گونون یئرله رابیطه‌سی‌نین نوعینه گؤره, حواسّین ایختیلالی آزالار و اؤرگشماق داها یاخشی اولار. گئجه‌نین آخیر ساعتلرینی ائله موطالیعه‌لر ائدین کی ذهنی فعالیته احتیاجی اولماسین و اونلارا علاقه‌ز اولسون. گئجه‌نین آخیری بونا گؤره کی یوخودان سونرا یاتیرسیز, مطلبلرین فورصتی اولور ساغ یاریم‌کوره‌دن (قیسا مودّت حافیظه یئری) سول یاریم‌کوره‌یه (اوزون مودّت حافیظه یئری) وارید اولسونلار. چوخ آج و یا چوخ توخ اولاندا موطالیعه ائله‌مه‌یین چونکی اؤرگشماغی آزالدار. اورگیز گئتسه شیرین بیر زاد یئیین. موطالیعه یئری‌نین حرارتی و رطوبتی موناسیب اولمالیدیر. رطوبت 50 درصد و حرارت‌ده نه چوخ سویوق و نه چوخ ایستی. (23-19 درجه) موطالیعه یئرین ایشیغی موناسیب اولمالیدیر. گوندوزون ایشیغی اَن یاخشی ایشیقدیر, آما گئجه‌لر موطالیعه ائله‌سیز چالیشین ساری و آغ ایشقدان بیر یئرده ایستیفاده ائده‌سیز. موناسیب ایشیق 400 لوکسدیر. (بیر دانا 18 واتلیق کم‌مصرف لامپین 200 لوکس ایشیغی اولار.) موطالیعه یئری ساکیت و آرام اولمالیدیر. سس-صدالی و شولوق یئرده موطالیعه ائتمه‌یین. موطالیعه یئری ایمکان داخیلینده ثابیت و دگیشمز اولمالیدیر. چالیشین اؤزوزو ثابیت و یکنواخت موحیطه عادت وئره‌سیز. گؤرماق فضاسی هر نه‌قدر آز اولسا بیر او قدر دیقّتیز چوخ اولار. موطالیعه اوچون ثابیت و خاص بیر یئریز اولسون و چالیشین مونظم و تمیز اولسون. تلویزیون, رادیو و تیلیفون کیمی زادلاری کی دیقّتیزی داغیلدا بیلر موطالیعه یئرینه قویمایین. یاخشیسی بودور کی موطالیعه اوچون میز و صندلدن ایستیفاده ائده‌سیز. هئچ واخت یورقان دوشکده موطالیعه ائتمه‌یین. اؤرگشماق ایختیلالین آرادان آپارماق اوچون مخصوصاً نشتاب واختی بیر لیوان ایچمه‌لی و یا میوه سویو ایچین. موطالیعه واختی راحات پالتار گئیین. موطالیعه واختی هوشوز باشیزدا اولسون. بعضیلری موطالیعه واختی آییق اولارلار آما هوشلری باشلاریندا اولماز. موطالیعه اوچون بدنی و ذهنی حاضیرلیق لازیمدیر. بللی‌دیر کی ذهنی و روانی حاضیرلیغین جیسمی حاضیرلیغا اوستونلویو وار. موطالیعه‌دن ایکی دقیقه قاباق موطالیعه و اونا مربوط اولان زادلارا فیکیرلشین, سونرا بئش دفعه درین نفس چکین, بیر آز ساخلایین سونرا اؤتورون. | ||
قلب جراحی و میکانیک * جراح القلب والمیکانیکی
|
|
||
|
بیر قلب جراحی اؤز ماشینینی میکانیک یانینا آپارمیشدی و باخدیریردی. میکانیک ماشینین ماتورون آچمیشدی و بعضی زادلاری دگیشیب بعضیسینی تعمیر ائدیردی. میکانیک طبیب یاخینلاشدی و دئدی: ایجازه وار بیر سؤز سوروشام؟ طبیب احتیاطلا دئدی: بویور سوروش. پس میکانیک دئدی: سن اورکلری جراحلیق ائدیرسن و منده عیناً سنه تای ماشینلارین اورگینه باخیرام و جراحلیق ائلیرم . . پس سن نیه او قدر چوخ پول قازانیرسان و من بو قدر آز؟ طبیب میکانیکه یاخینلاشدی و چوخ آرام قولاغینا پیچیلدادی: گوجون چاتسا ماتورو خاموشلامامیش اونو تعمیر و جراحلیق ائله ! منبع: http://www.taamolat.com/2012/08/blog-post_15.html جراح القلب والمیکانیکی بینما کان طبیب جراحة القلب یصلح سیارته عند المیکانیکی، کان المیکانیکی یفتح محرک سیارة الطبیب ویبدل فیه بعض الأشیاء و یصلح البعض الآخر. فأقترب المیکانیکی للطبیب وقال له :أتسمح لی بأن أسألک سؤال فقال الطبیب بحذر : تفضل اسأل فقال المیکانیکی : أنت تجری العملیات على القلوب وأنا أیضاً أُجری الصیانة والتصلیحات والعملیات على قلوب السیارات مثلک تماما ؟ ...فلماذا تکسب أنت الکثیر من الأموال بینما نحن مکسبنا أقل منکم بکثیر! فاقترب الطبیب من المیکانیکی وهمس فی أذنه بکل هدوء : ( إذا کنت تستطیع )حاول ان تصلحها دون ان تطفئ المحرک ! | ||
ایمام صادقین (ع) 400 کیتابی
|
|
||
|
شهید اوّل «الذکری» کیتابین موقدمه‌سینده یازیر: ایمام صادیق (ع) اؤزلری شخصاً 400 کیتاب یازیبلار. تأسوفله ایمام صادقین کیتابلاری آرادان گئدیب و موختلیف دؤره‌لرده ضید شیعه جریانلاری طرفیندن محو ائدیلیب. تأسوف یئری وار کی رحمتلیک صدیق "من لایحضر الفقیه" کیتابیندا دئییر کی منده ایماملارین ال یازیسی وار, آما ایندی اهمال و دیقّتسیزلیک اثرینده آرادان گئدیب و بیزه چاتماییب. بیز بورادا نئچه کیتاب کی ایندی وار و ایمام صادقه (ع) منسوب اولور تانیتدیراجاغیق. ایمام صادیقه (ع) منسوب اولان کیتابلارا کیچیک ایشاره. آللاهین رسولوندان صلی الله علیه و آله سونرا معصوملارین بقیه‌سی کیتاب یازاردیلار و اؤزلریندن علاوه صحابه‌لرینی‌ده یازماغا تشویق ائدردیلر. ایماملارین ایچینده شاید ایمام صادق (ع) اونلارین هامیسیندان چوخ کیتاب یازیب, نئجه کی آیریلاریندان چوخ حدیث بویوروب.
آیری کیتابلار وار کی اونلار دا ایمام صادقه (ع) نیسبت وئریلیرلر مثلاً "توحید مفضل"، "رساله اهلیلجیه"، " نجاشی‌یه ریساله " ،" بعضی صحابه‌یه ریساله" و... | ||
فیکرین شوجاعته احتیاجی وار * الفکرة تحتاج الشجاعة
|
|
||
|
بیر گون پلنگ شیکار اوچون جنگله چیخدی. یولدا بیر تولکویه راستلاشدی و اونو جایناغینا آلدی. توکلو یقین تاپدی کی اؤله‌جک. یاخیندا اؤلمگین بیلدیگینه رغماً فیکیرلشدی کی نئجه اؤزونو قورتارا بیلر. تولکو چوخ مؤحکم و قاطع صورتده پلنگه دئدی: نئجه جورأت ائدیرسن منی اؤلدوره‌سن؟! پلینگ بو سؤزدن تعجوب ائدیب عیلّتینی سوروشدو. تولکو سسین قووزاییب و غرورلا دئدی: «حقیقتده من آللاهین حیوانلارا تعیین ائله‌دیغی پادیشاهام ! منی اؤلدورسن آللاهین ایراده‌سینه ضید چیخمیش اولارسان, بونو بیلیرسن؟» تولکو پلنگین صیفتینده‌کی چاشباشلیغی گؤرونجه آیدین صورتده پلنگین اوزونه باخیب دئدی: «گل ایمتحان ائدک. گل جنگلی دولاناق. گل منیم دالیمجا و گؤر کی حیوانلار مندن نئجه قورخورلار.» پلنگ قبول ائله‌دی و اونلار یولا دوشتولر. تولکو قاباقدا و پلنگ اونون دالیسیجا یئریدیلر. حیوانلار تولکونو گؤرنده کی پلنگین قاباغینجا یئری‌ییر قورخودان قاچیب گیزلنیردیلر. تولکو گوپلویا-گوپلویا دئدی: شکسیز کی من سنه دئدیگیم سؤز تماماً حقیقتدیر. ائله دئییل‌می؟» پلنگین بو مسأله‌یه اعتیراف ائتمکدن سونرا آیری چاره‌سی قالمادی, باشین توولاییب دئدی: « دوز دئییرسن سن پادیشاهسان.»
منبع: http://www.taamolat.com/2011/05/blog-post_30.html الفکرة تحتاج الشجاعة خرج نمر ذات مرة للصید فی أرجاء الغابة فوجد فی طریقه ثعلب عاثر الحظ فأمسک به. بدا المصیر المحتوم لذلک الثعلب جلیاً وهو الموت. ورغم الخطر المحدق، فکر الثعلب بجد لإیجاد طریقة للنجاة. قال الثعلب إلى النمر بحزم: "کیف تجرؤ على قتلی!" تفاجأ النمر بسماع ذلک الکلام فسأل عن السبب، فرفع الثعلب صوته وقال بغطرسة: "فی الحقیقة أنا من ولاه الرب ملکاً لکافة الحیوانات! إذا قتلتنی فإن ذلک سیکون ضد إرادة الرب، هل تعلم ذلک؟ وعندما لاحظ الثعلب أن علامات الارتیاب بدت واضحة على وجه النمر قال: "دعنا نجرب ذلک. هیا بنا نذهب إلى الغابة. اتبعنی وسترى کیف تخافنی کافة الحیوانات." فوافق النمر على ذلک. مشى الثعلب أمام النمر فی الغابة بتباه. شعرت کافة الحیوانات بالذعر من الثعلب عندما رأته والنمر یمشی وراءه، فما کان لها إلا الهرب. فقال الثعلب متباهیاً: لا شک فی أن ما قلته لک هو الحقیقة، ألیس کذلک؟" لم یجد النمر عندها ما یقوله إلا الاعتراف بالنتیجة، فهز رأس قائلاً: "أنت محق. إنک الملک."
| ||
قوشلارین لَلَکلرین ییغ ! * إجمع ریش الطیور
|
|
||
|
اکینچی درحال دوستونون یانینا گئتدی و اوتانا-اوتانا دئدی: تأسوف یئییرم کی بو سؤز منیم آغزیمدان چیخدی, باغیشلا منی!» دوست اونون عوذرونو قبول ائتدی. آما اکینچی یئنه‌ده همان فیکری ائله‌دی, بوجور سؤز اونون آغزیندان نئجه چیخدی؟ اورگی بو عملینه آرام اولمدیغینا گؤره کندین روحانیسی‌نین یانینا گئدیب ائتدیگی عمله اعتیراف ائله‌دی. اونا بئله دئدی: ائی آتا ایستیرم اورگیم آرام اولسون, من اینانمیرام کی بو سؤز منیم آغزیمدان چیخمیش اولسون ! روحانی آتا اونا دئدی: ایسته‌سن کی اورگین آرام اولسون جعبه‌وی قوش للگی‌ایله دولدور سونرا کند ائولری‌‌نین هر بیری‌نین قاباغینا بیر دانا للک قوی. اکینچی تاپیشیریغی تماماً یئرینه گتیردی. سونرا هیجانلی و ایطاعتکارجاسینا روحانی آتانین یانینا قاییتدی! روحانی آتا اونا دئدی: گئت قوش للکلرینی ائولرین قاباغیندان ییغ ! اکینچی قاییتدی کی للکلری ییغسین آما گؤردو کی یئل هامیسینی آپاریب, چوخ چالیشاندان سونرا چوخ آز میقداردا للک ییغیب غملی-غملی قاییتدی ... . روحانی آتا اونا دئدی: دوستونا دئدیگین سؤزلر او للکلری بنزیر کی ائولرین قاباغینا قویموسان. بو ایشی گؤرمک نه راحاتدیر؟! آما نه چتیندیر کی دانیشدیغین کلمه‌لری گؤرمه‌دیم حئسابلایاسان و اؤزونو ائله آپاراسن کی ائله بیل اصلاً او سؤزو دانیشمامیسان؟! بونا خاطیردیر کی هر سحر دوعا ائله‌مه‌لی‌ییق: ائی آللاه بیزیم آغزیمیزی ساخلا و دوداغیمیزا مؤحکم قاپیلار قوی ! منبع: http://popekirillos.net/ar/stories/20.php
Normal 0 false false false EN-US X-NONE AR-SA MicrosoftInternetExplorer4 إجمع ریش الطیور ثار فلاح علی صدیقه وقذفه بکلمة جارحة ، وإذ عاد إلی منزله هدأت أعصابه وبدأ یفکر بإتزان :" کیف خرجت هذه الکلمة من فمی ؟! أقوم وأعتذر لصدیقی". بالفعل عاد الفلاح إلی صدیقه ، وفی خجل شدید قال له " "أسف فقد خرجت هذه الکلمة عفوا منی، اغفر لی!". قبل الصدیق إعتذاره ، لکن عاد الفلاح ونفسه مُرة ، کیف تخرج مثل هذه الکلمة من فمه ، وإذ لم یسترح قلبه لما فعله التقی بکاهن القریة واعترف بما ارتکبه ، قائلا له :"أرید یا أبی أن تستریح نفسی ، فإنی غیر مصدق أن هذه الکلمة خرجت من فمی!". قال له أبوه الروحی :"إن أردت أن تستریح إملأ جعبتک بریش الطیور ، واعبر علی کل بیوت القریة ، وضع ریشة أمام کل منزل". فی طاعة کاملة نفذ الفلاح ما قیل له ، ثم عاد إلی أبیه الروحی متهللا ، فقد أطاع! قال له الأب الکاهن ، "إذهب اجمع الریش من أمام الأبواب". عاد الفلاح لیجمع الریش فوجد الریاح قد حملت الریش ، ولم یجد إلا القلیل جدا أمام الأبواب ، فعاد حزینا ... عندئذ قال له الأب الکاهن: "کل کلمة تنطق بها أشبه بریشه تضعها أمام بیت أخیک. ما أسها أن تفعل هذا ؟! لکن ما أصعب أن ترد الکلمات إلی فمک لتحسب نفسک کأن لم تنطق بها! لهذا ففی کل صباح إذ نرفع قلوبنا لله نصرخ مع المرتل : "ضع یا رب حافظا لفمی ، وبابا حصینا لشفتی!" | ||
