X
تبلیغات
رایتل

غرب فلسفه‌سی اورتا عصرلرده ایسلامی فلسفه‌سیندن چوخ تأثیرلنیب

دوشنبه 14 اسفند‌ماه سال 1391 ساعت 06:49 ق.ظ

ایسلامی فیلسوفلار خصوصاً اورتا عصرلرده قدیم یونان فلسفه‌سی‌نین غرب فلسفه‌سینه اینتیقال وئرمه‌‌سینده موهیم روللاری اولدو.

بو دؤره ده فارابی و ابن سینا کیمی بؤیوک فیلسوفلار واریدی. مثلاً فارابی‌نین موسیقی زمینه‌سینده «الموسیقی الکبیر» آدلی کیتابی واردیر. هابئله ابن سینانین فلسفه‌ تاریخینده‌ یوخاری یئری وار.

حقیقتده ایسلامی فیلسوفلار قدیم یونان فلسفه‌سیندن تأثیرلنیب سونرالار غربده اؤلوب آرادان گئدن فلسفه‌نی دیریتدیلر.

اورتا عصرده اخلاق ساحه‌سینده ایسلام و غرب فلسفه‌سی آراسیندا او قدر فرق یوخیدی.

بو عصرده ایسلامی و مسیحی اخلاقلاری، قدیم یونان دوشونجه‌سینده دیقّت مرکزینده اولان عنصورلرده ایتّیفاقلاری واریدی. بو دؤرده هم مسیحی اخلاق و هم ایسلامی اخلاق عقلانیّت، حیکمت، عدالت و اعتیدال مفهوملارینا تأکیدلری واریدی. آیری سؤزله هر ایکی اخلاقدا «فضیلت» اخلاقین مرکزینده یئر آلیردی.

خولاصه بو کی غرب فلسفه‌سی اورتا عصرلرده ایسلامی فلسفه‌دن دانیلماز تأثیر آلیب. یعنی بیری غرب فلسفه‌سی باره‌ده آراشدیرما آپارماق ایسته‌سه، ایسلامی فیلسوفلاری خصوصاً اورتا عصرلری موطالیعه ائله‌مه‌لیدیر.

 

del.icio.us  digg  newsvine  furl  Y!  smarking  segnalo